നിങ്ങളുടെ ഒപ്പുവയ്ക്കലും, അംഗീകാരവും, സമ്മതവുമാണ് ആമേൻ.
Read more..

         വിശുദ്ധ കുർബാനയിൽ ഏറ്റവും അധികം ആവർത്തിക്കപ്പെടുന്ന വാക്കാണ്, നിങ്ങളുടെ ഒപ്പുവയ്ക്കലും, അംഗീകാരവും, സമ്മതവുമാണ് ആമേൻ.എന്നാണ് അർത്ഥം. വിശ്വാസ രഹസ്യത്തിനും, സത്യങ്ങൾക്കും ആമേൻ പറയുന്ന വ്യക്തി അതിന്റെ കാത്തുസൂക്ഷിപ്പിന് ജീവത്യാഗം കൊടുക്കാൻ വരെ സന്നദ്ധനാവണം.  വൈദികൻ ചൊല്ലുന്ന പ്രാർത്ഥനകൾക്കും ആമേൻ ചൊല്ലി വിശ്വാസ സമൂഹം മുഴുവൻ ആ ഉടമ്പടി മുദ്ര വയ്ക്കുകയാണ്. നിങ്ങളുടെ ഒപ്പുവയ്ക്കലും, അംഗീകാരവും, സമ്മതവുമാണ് ആമേൻ. ശാശ്വതമായിട്ടുള്ള അംഗീകാരവും ഉറപ്പും സമ്മതവുമാണ് ആമേൻ എന്ന വാക്കിലൂടെ ആവർത്തിക്കുന്നത്.  ജീവരക്തം കൊണ്ടുള്ള മുദ്ര ചാർത്തൽ ആണിത്. ബൈബിളിൽ 57 തവണ ഈ പദം ആവർത്തിക്കുന്നുണ്ട്; സ്വർഗ്ഗീയ സഭയുടെ ആരാധന അനുഷ്ഠാന കർമ്മങ്ങൾ അനുസ്മരിക്കുന്ന വെളിപാട് ഗ്രന്ഥത്തിൽ 9 പ്രാവശ്യവും, വിശുദ്ധ കുർബാനയിൽ 80 തവണയും ആമേൻ എന്ന പദം ആവർത്തിക്കപ്പെടുന്നു. 

ഉത്ഥാനഗീതത്തിന്, ആദത്തിന്റെ മക്കളുടെ ഗീതം എന്ന ഒരു പേരുണ്ട്. ഏറ്റവും പഴമയുള്ളതും, പാരമ്പര്യമുള്ളതും ആയിട്ടുള്ള ഒരു ഗാനമാണ് ഉത്ഥാന ഗീതം.
Read more..

      ഉത്ഥാനഗീതത്തിന്, ആദത്തിന്റെ മക്കളുടെ ഗീതം എന്ന ഒരു പേരുണ്ട്. ഏറ്റവും പഴമയുള്ളതും, പാരമ്പര്യമുള്ളതും ആയിട്ടുള്ള ഒരു ഗാനമാണ് ഉത്ഥാന ഗീതം. ഈശോ മരിച്ചതിനു ശേഷം, ഉയർപ്പിനു മുൻപായിട്ട്, പാതാളത്തിലേക്ക് ഇറങ്ങി എന്നൊരു പാരമ്പര്യം സഭയിലുണ്ട്. പാതാളത്തിൽ ഇറങ്ങി കഴിഞ്ഞപ്പോൾ, പാതാളത്തിലുള്ള മരിച്ച ആത്മാക്കൾ  ഈശോയുടെ കുരിശുമരണം വഴി സ്വർഗം തുറക്കപ്പെട്ടതിന്റെ സന്തോഷവും, അതോടൊപ്പം ക്രിസ്തുവിനെ സ്വീകരിക്കാനും ആയിട്ട് പാടിയ ഗാനമാണ് ഉത്ഥാന ഗീതം. അതുകൊണ്ടാണ്, ഇതിനെ ആദത്തിന്റെ മക്കളുടെ ഗീതം എന്ന് വിശേഷിപ്പിക്കുന്നത്. ആദം പാപം ചെയ്തതോടെ സ്വർഗ്ഗം അടയ്ക്കപ്പെടുകയും, ഈശോ കുരിശിൽ മരിച്ചതോടുകൂടി വീണ്ടും സ്വർഗം തുറക്കപ്പെടുകയും ചെയ്തു. അതിന്റെ  വലിയൊരു ആനന്ദം നിലനിൽക്കുന്നതാണ്  ഉത്ഥാന ഗീതം അഥവാ ആദത്തിന്റെ മക്കളുടെ ഗീതം. 

നമ്മുടെ വിശുദ്ധ കുർബാന ക്രമത്തിൽ അയോഗ്യരെ പറഞ്ഞയക്കൽ എന്നൊരു കർമ്മം ആദ്യമ കാലം മുതലേ ഉണ്ടായിരുന്നു.
Read more..

               നമ്മുടെ വിശുദ്ധ കുർബാന  ക്രമത്തിൽ അയോഗ്യരെ പറഞ്ഞയക്കൽ എന്നൊരു കർമ്മം ആദ്യമ കാലം മുതലേ ഉണ്ടായിരുന്നു. ആദിമസഭയിൽ മാമ്മോദീസ സ്വീകരിച്ചവർക്കു മാത്രമേ, വിശുദ്ധ കുർബാനയുടെ കൂദാശ ഭാഗത്തിൽ സന്നിഹിതരാകാൻ അനുവാദം ഉണ്ടായിരുന്നുള്ളൂ. മാമ്മോദീസ സ്വീകരിക്കുവാൻ ഒരുങ്ങിക്കൊണ്ടിരിക്കുന്നവരെ ആശിർവാദ പ്രാർത്ഥന ചൊല്ലി പറഞ്ഞയച്ചിരുന്നു. അവർ പിന്നീട് ബലിയർപ്പണത്തിൽ പങ്കെടുക്കാൻ നിന്നിരുന്ന സ്ഥലമായിരുന്നു മൊണ്ടളം.  രണ്ടാമതായി, ജീവന്റെ അടയാളം സ്വീകരിച്ചിട്ടില്ലാത്തവരെ പറഞ്ഞയച്ചിരുന്നു, മാമ്മോദീസ സ്വീകരിച്ച ശേഷം ഗൗരവാഹമായ പാപം ചെയ്തവരെ പറഞ്ഞു വിട്ടിരുന്നു. പിന്നീട് അനുരഞ്ജന ശുശ്രൂഷ നടത്തി, നെറ്റിയിൽ കുരിശടയാളം വരച്ചും, തൈലം പൂശിയും  അവരുടെ പാപങ്ങൾ ഏറ്റുപറഞ്ഞു കഴിയുമ്പോൾ  സ്വീകരിച്ചിരുന്നു. ഇതാണ്, ജീവന്റെ അടയാളം സ്വീകരിച്ചിട്ടില്ലാത്തവരെ പറഞ്ഞയക്കുന്ന കർമ്മം. മൂന്നാമതായി, കുർബാന സ്വീകരിക്കാൻ ഒരുക്കമില്ലാത്തവരെ പറഞ്ഞയച്ചിരുന്നു. ഇവരെയെല്ലാം ആശിർവദിച്ചു പറഞ്ഞയക്കുന്ന കർമ്മം കാറോസൂസാ പ്രാർത്ഥനക്കു ശേഷം ഇന്നും തുടരുന്നുണ്ട്. തത്വത്തിൽ ഈ കർമങ്ങൾ ഇന്ന് ഇല്ലെങ്കിലും, ആദിമകാലത്തെ പാരമ്പര്യത്തെ ഓർമിപ്പിക്കുവാൻ  ഈ പ്രാർത്ഥനകൾ തുടരുന്നു. 

നിങ്ങളുടെ ഒപ്പുവയ്ക്കലും, അംഗീകാരവും, സമ്മതവുമാണ് ആമേൻ
Read more..

ആമേൻ 

     വിശുദ്ധ കുർബാനയിൽ ഏറ്റവും അധികം ആവർത്തിക്കപ്പെടുന്ന വാക്കാണ്, ആമേൻ. 'അപ്രകാരമായിരിക്കട്ടെ' എന്നാണ് അർത്ഥം. വിശ്വാസ രഹസ്യത്തിനും, സത്യങ്ങൾക്കും ആമേൻ പറയുന്ന വ്യക്തി അതിന്റെ കാത്തുസൂക്ഷിപ്പിന് ജീവത്യാഗം കൊടുക്കാൻ വരെ സന്നദ്ധനാവണം .  വൈദികൻ ചൊല്ലുന്ന പ്രാർത്ഥനകൾക്കും ആമേൻ ചൊല്ലി വിശ്വാസ സമൂഹം മുഴുവൻ ആ ഉടമ്പടി മുദ്ര വയ്ക്കുകയാണ്. നിങ്ങളുടെ ഒപ്പുവയ്ക്കലും, അംഗീകാരവും, സമ്മതവുമാണ് ആമേൻ. ശാശ്വതമായിട്ടുള്ള അംഗീകാരവും ഉറപ്പും സമ്മതവുമാണ് ആമേൻ എന്ന വാക്കിലൂടെ ആവർത്തിക്കുന്നത്.  ജീവരക്തം കൊണ്ടുള്ള മുദ്ര ചാർത്തൽ ആണിത്. ബൈബിളിൽ 57 തവണ ഈ പദം ആവർത്തിക്കുന്നുണ്ട്; സ്വർഗ്ഗീയ സഭയുടെ ആരാധന അനുഷ്ഠാന കർമ്മങ്ങൾ അനുസ്മരിക്കുന്ന വെളിപാട് ഗ്രന്ഥത്തിൽ 9 പ്രാവശ്യവും, വിശുദ്ധ കുർബാനയിൽ പല തവണയും ആമേൻ എന്ന പദം ആവർത്തിക്കപ്പെടുന്നു. 

വിശുദ്ധ ബലിയർപ്പണത്തിലെ മനോഹരമായ ഒരു കർമ്മമാണ് സ്ലീവാ ചുംബനം
Read more..

 വിശുദ്ധ ബലിയർപ്പണത്തിലെ മനോഹരമായ ഒരു കർമ്മമാണ് സ്ലീവാ ചുംബനം. സ്ലീവാ ചുംബനം റാസാക്രമത്തിൽ ക്രമീകരിച്ചിരിക്കുന്നത് ഉത്ഥാന ഗീതത്തിന് മുൻപായിട്ടാണ്. ഈ ഗീതം അനുസ്മരിപ്പിക്കുന്നതു സ്വർഗം തുറക്കപ്പെട്ടതിന്റെ ഓർമ്മയാണ്. സ്വർഗ്ഗം തുറന്നത്  ഈശോയുടെ കുരിശിലെ ബലി വഴിയാണ്. ആ കുരിശിനോടുള്ള നമ്മുടെ സ്നേഹവും, ബഹുമാനവും, അടുപ്പവും പ്രകടമാക്കുന്ന ഒരു കർമ്മമാണ് സ്ലീവാ ചുംബനം. വിശുദ്ധ കുരിശിനാൽ സ്വർഗ്ഗം തുറക്കപ്പെട്ടു; അതിനാൽ ഉത്ഥാന ഗീതത്തിനു  മുൻപ് സ്ലീവാ ചുംബനം നടത്തുന്നത് അർത്ഥസമ്പുഷ്ടവുമാണ്. 

കൂദാശ വചനങ്ങൾ രണ്ടു ഭാഗമായിട്ടാണ് ക്രമീകരിച്ചിരിക്കുന്നത്.
Read more..

      ആദ്യം അപ്പം എടുത്ത് ആശിർവദിക്കുകയും, തുടർന്ന് വീഞ്ഞ് ആശീർവദിക്കുകയും ചെയ്യുന്നു.  ഇതിന്റെ  അർത്ഥം എന്നു പറയുന്നത്, ശരീരത്തിൽ നിന്ന് രക്തം വേർപെട്ടു എന്നതിനെ സൂചിപ്പിക്കുന്നതിനാണ്.  ശരീരത്തിൽ നിന്ന് രക്തം വേർപെട്ടു കഴിഞ്ഞാൽ മരണം  സംഭവിക്കും, അതുകൊണ്ടാണ് കൂദാശ വചനങ്ങളിൽ ഈശോയുടെ ശരീരവും രക്തവും; അതായത്, അപ്പവും വീഞ്ഞും, ഒരുമിച്ച് ആശിർവദിക്കാതെ രണ്ടായിട്ട് ആശിർവദിക്കുന്നത്;  ശരീരത്തിൽ നിന്ന് രക്തം വേർപ്പെട്ട് ഈശോയുടെ മരണം അത്   സൂചിപ്പിക്കുന്നു. 

വേർപെട്ട ശരീരവും, രക്തവും വീണ്ടും ചേരുന്നു; ഈശോയുടെ ഉത്ഥാനം സംഭവിക്കുന്നുവെന്നതാണ്
Read more..

         വിഭജന ശുശ്രൂഷയ്ക്ക് മുമ്പായി ഈശോയുടെ തിരു ശരീരം, ആരാധന സ്തുതികൾക്കായി ഉയർത്തുന്നുണ്ട്, അപ്പോൾ സമൂഹം 'ഞാൻ സ്വർഗ്ഗത്തിൽ നിന്നിറങ്ങിയ ജീവനുള്ള അപ്പമാകുന്നു' എന്ന ഗാനം ആരംഭിക്കുകയാണ്. നമ്മൾ കൂദാശ വചനങ്ങളെക്കുറിച്ച് ചിന്തിച്ചപ്പോൾ, ശരീരവും  രക്തവും ;അപ്പവും വീഞ്ഞും  രണ്ടായിട്ട് ആശീർവദിക്കുന്നതിന്റെ  അർത്ഥം കണ്ടു, അത്  ഈശോയുടെ മരണം സൂചിപ്പിക്കാനാണ്. ശരീരത്തിൽ നിന്ന്, രക്തം വേർപെട്ടു മരണ സംഭവിച്ചു.  വിഭജന ശുശ്രുഷക്ക് ശേഷം വൈദികൻ, തിരു ശരീരം വിഭജിച്ചു, ശരീരം കൊണ്ട് രക്തത്തിൽ മുക്കി, രക്തം പതിഞ്ഞ തിരുവോസ്തി കൊണ്ട് തിരുവോസ്തി ആശീർവദിക്കുന്നു; ഈ ഒരു കർമ്മം അനുസ്മരിപ്പിക്കുന്നതു, വേർപെട്ട ശരീരവും, രക്തവും വീണ്ടും ചേരുന്നു; ഈശോയുടെ ഉത്ഥാനം സംഭവിക്കുന്നുവെന്നതാണ്.  കൂദാശ വചനത്തിൽ; ശരീരത്തിൽ നിന്ന് വേർപെട്ട രക്തം വീണ്ടും ശരീരവുമായി ചേരുകയാണ്. അതിന്റെ  ഒരു പ്രതീകമായിട്ടാണ് അവിടെയുള്ള ശോശാപ്പ  തിരുശരീര രക്തങ്ങൾക്ക് ചുറ്റും നിവർത്തി വയ്ക്കുന്നത്; അത് സൂചിപ്പിക്കുന്നത് ഈശോയുടെ ഉത്ഥാനനന്തരം കാണപ്പെട്ട കച്ചയാണ്.   

വിശുദ്ധ ബലിയർപ്പണം എന്ന് പറയുന്നത് സ്വർഗ്ഗീയ ആരാധനയുടെ ഭൂമിയിലെ അർപ്പണമാണ്. സ്വർഗ്ഗം ഭൂമിയിൽ ഇറങ്ങുന്ന നിമിഷമാണ്.
Read more..

      വിശുദ്ധ ബലിയർപ്പണം എന്ന് പറയുന്നത് സ്വർഗ്ഗീയ ആരാധനയുടെ ഭൂമിയിലെ അർപ്പണമാണ്. സ്വർഗ്ഗം ഭൂമിയിൽ ഇറങ്ങുന്ന നിമിഷമാണ്. സ്വർഗ്ഗത്തിലെ മാലാഖമാരോട് ചേർന്ന് ദൈവത്തിന് അർപ്പിക്കുന്ന പരമമായ ആരാധനയുടെ ഭൂമിയിലെ ഒരു ക്ഷണക്കാഴ്ചയാണ് വിശുദ്ധ കുർബാന. ഒരു വ്യക്തിയുടെ ആത്മീയ, വ്യക്തിജീവിതത്തെ, സ്വർഗീയ ചിന്തകളുമായി ചേർക്കുന്നതും, നമ്മളുടെ ചിന്തകൾ ഉന്നതങ്ങളിലേക്ക് ഉയർത്താനും, സ്വർഗത്തെക്കുറിച്ച് ധ്യാനിക്കാനും പ്രേരിപ്പിക്കുന്നതാണ് ഓരോ വിശുദ്ധ ബലിയർപ്പണവും. സ്വർഗ്ഗത്തിന്റെ ഓർമ്മപ്പെടുത്തലുകൾ നിരവധി വിശുദ്ധ ബലിയർപ്പണത്തിൽ കാണാനായിട്ട്സാധിക്കും. സ്വർഗ്ഗരാജ്യത്തിൽ സകല വിശുദ്ധരോടും ഒന്നിച്ച് സ്തുതിക്കാനുള്ള ആഗ്രഹം, നല്ല കള്ളനോടൊപ്പം സ്വർഗ്ഗത്തിൽ കർത്താവിനെ കാണാനുള്ള ആഗ്രഹം, സ്വർഗത്തിൽ സകല വിശുദ്ധരോടൊത്ത് സന്നിഹിതരാകാനുള്ള ആഗ്രഹം, മാലാഖമാരുടെയും, വിശുദ്ധരുടെയും, മരിച്ച വിശ്വാസികളുടെയും അനുസ്മരണങ്ങൾ  ഇതാണ് ഓർമിപ്പിക്കുന്നത്. സ്വർഗ്ഗം സ്വന്തമാക്കാനുള്ള ആഗ്രഹങ്ങൾ, ആവർത്തിച്ചുള്ള അനുസ്മരണങ്ങൾ ജീവിതത്തെ ശക്തിപ്പെടുത്തുന്നതാണ്. യാത്രകൾക്ക് പ്രതീക്ഷ നൽകുന്നതാണ് ഓരോ വിശുദ്ധ കുർബാനയും. യുഗാന്ത  പ്രതീക്ഷകളെ ശക്തമാക്കുന്നതാണ്, സ്വർഗം സ്വന്തമാക്കാനുള്ള ആഗ്രഹം ഉറപ്പിക്കുന്നതാണ്. നിരവധി സഹനങ്ങളെ, വേദനകളെ സ്വർഗരാജ്യത്തെ പ്രതി ഒന്നുമല്ലാതായി കരുതാൻ സഹായിക്കുന്നതാണ് വിശുദ്ധ ബലിയർപ്പണം.  വിശുദ്ധ കൊച്ചുത്രേസ്യാ  പറയും, സ്വർഗ്ഗം ദർശിക്കുമ്പോൾ ഭൂമി എത്ര ദുർഭഗമായി കാണപ്പെടുന്നു. 

പാപമോചനം ലഭിച്ചതു വഴി ദൈവജനം ദൈവവുമായി അനുരഞ്ജിതരായി തീർന്നിരിക്കുന്നു. ദൈവത്തെ ആബാ പിതാവേ എന്ന് വിളിക്കാനുള്ള അർഹത നേടി കഴിഞ്ഞിരിക്കുന്നു.
Read more..

    പാപമോചനം ലഭിച്ചതു വഴി ദൈവജനം ദൈവവുമായി അനുരഞ്ജിതരായി തീർന്നിരിക്കുന്നു. ദൈവത്തെ ആബാ പിതാവേ എന്ന് വിളിക്കാനുള്ള അർഹത നേടി കഴിഞ്ഞിരിക്കുന്നു. ദൈവമക്കളുടെ സ്വാതന്ത്രത്തോടെ ആരാധന സമൂഹം ഒന്നുചേർന്ന് 'സ്വർഗ്ഗസ്ഥനായ പിതാവേ' എന്ന് ചൊല്ലുകയാണ്. ആഹ്ലാദകരമായ നിമിഷമാണ്; പിതാവേ എന്ന് വിളിക്കാൻ നാം യോഗ്യരാക്കപ്പെട്ടിരിക്കുന്നു. ദൈവത്തിന്റെ  പിതൃത്വവും മനുഷ്യമക്കളുടെ സഹോദര്യവും പ്രഘോഷിക്കുന്ന പ്രാർത്ഥന, ദൈവത്തോടും സഹോദരങ്ങളോടും അനുരഞ്ജിതരായി എന്നതിന്റെ  പ്രകടനവുമാണ്. പിതാവിന്റെ സ്വന്തം മക്കളെന്ന വലിയ അഭിമാനത്തോടെയും,  ആഹ്ലാദത്തോടെയും വേണം ഈ പ്രാർത്ഥന ചൊല്ലാൻ.  അവിടത്തെ മാറിൽ അഭയം പ്രാപിക്കാനുള്ള സമയമാണിത്, അതുകൊണ്ടാണ് സ്വർഗ്ഗസ്ഥനായ പിതാവേ എന്ന പ്രാർത്ഥന അനുരഞ്ജന ശുശ്രൂഷയ്ക്ക് ശേഷവും, വിശുദ്ധ കുർബാന സ്വീകരണത്തിന് മുൻബും   ക്രമീകരിച്ചിരിക്കുന്നതിന്റെ കാരണം. 

വിശുദ്ധീകരണത്തിന്റെ ബലിപീഠമേ സ്വസ്തി
Read more..

 എന്ന പ്രാർത്ഥന വളരെ ആഴമുള്ളതാണ്. ഈശോയുടെ ജനനവും, രഹസ്യ ജീവിതവും, പരസ്യ ജീവിതവും, കുരിശു മരണവും, ഉത്ഥാനവും, പരിശുദ്ധാത്മാവിന്റെ ആഗമനവുമെല്ലാം അനുസ്മരിച്ച ദൈവജനം, വൈദികനോടൊപ്പം ബലിപീഠത്തെ ചുംബിച്ച് ഇനി ഞാൻ വരുമോ ഇല്ലയോ എന്ന് പറഞ്ഞുകൊണ്ട് ശുശ്രൂഷ മേഖലകളിലേക്ക് കടക്കുകയാണ്. ശുശ്രൂഷ മേഖലകളിലേക്ക് പ്രവേശിക്കുന്ന വൈദികനും, ദൈവജനവും കർത്താവിനു വേണ്ടി ജീവിച്ചു കഴിയുമ്പോൾ തിരിച്ചു വരുമോ ഇല്ലയോ എന്നറിയത്തില്ല; അവർ ചിലപ്പോൾ രക്തസാക്ഷി ആയേക്കാം; ഈ  അർത്ഥത്തിലാണ്  ബലിപീഠത്തെ ചുംബിച്ചുകൊണ്ട് വൈദികനും ദൈവജനവും ദേവാലയത്തിൽ നിന്ന് മടങ്ങുന്നത്.

വിശുദ്ധ ബലിയർപ്പണത്തിലെ ഖുത്താമ പ്രാർത്ഥന (മുദ്രവയ്ക്കൽ പ്രാർത്ഥന) പല അർത്ഥങ്ങളും ഉൾക്കൊള്ളുന്നതാണ്.
Read more..

വിശുദ്ധ ബലിയർപ്പണത്തിലെ ഖുത്താമ പ്രാർത്ഥന (മുദ്രവയ്ക്കൽ പ്രാർത്ഥന)

       വിശുദ്ധ ബലിയർപ്പണത്തിലെ ഖുത്താമ പ്രാർത്ഥന (മുദ്രവയ്ക്കൽ പ്രാർത്ഥന) പല അർത്ഥങ്ങളും ഉൾക്കൊള്ളുന്നതാണ്. സ്വർഗ്ഗാരോഹണം ചെയ്ത ഈശോ പിതാവിന്റെ വലതുഭാഗത്തുനിന്ന് നമ്മെ ആശിർവദിക്കുന്നതിന്റെയും, ഭൂമിയിൽ നിന്ന് സ്വർഗ്ഗത്തിലേക്ക് പോകുന്നതിനു മുൻപായിട്ട് ശിഷ്യന്മാരെ ഈശോ ആശിർവദിച്ചതിന്റെ  ഓർമ്മയനുസ്മരണവുമാണ്;  മുദ്രവക്കൽ പ്രാർത്ഥന ചൊല്ലുന്നതിലൂടെ അർത്ഥമാക്കുന്നത്. 

വിശുദ്ധ ബലിയർപ്പണത്തിലെ മനോഹരമായ ഒരു രംഗമാണ് വൈദികൻ വിശുദ്ധ ഗ്രന്ഥം കൊണ്ട് തന്റെ മുഖം മറച്ചു ദൈവജനത്തിന്റെ ഇടയിലേക്ക് ഇറങ്ങിവരുന്ന രംഗം.
Read more..

              വിശുദ്ധ ബലിയർപ്പണത്തിലെ മനോഹരമായ ഒരു രംഗമാണ്, വൈദികൻ വിശുദ്ധ ഗ്രന്ഥം കൊണ്ട് തന്റെ മുഖം മറച്ചു, ദൈവജനത്തിന്റെ ഇടയിലേക്ക് ഇറങ്ങിവരുന്ന രംഗം. അപ്പോൾ ദൈവസമൂഹം മുഴുവൻ ഹല്ലേലുയ്യ ഗാനം പാടി വരവേൽക്കുകയാണ്. ക്രിസ്തു തന്നെയാണ് വിശുദ്ധ ഗ്രന്ഥം, വചനം പറയുന്നത് എന്നത് അനുസ്മരിക്കാൻ വേണ്ടിയാണ് മുഖം മറയ്ക്കുന്നത്. ഈ രംഗത്ത് ആഘോഷപൂർവ്വമായി, രണ്ട് തിരികളൊക്കെ വഹിച്ചുകൊണ്ട്, ശുശ്രൂഷികളുടെ അകമ്പടിയോടെ വൈദികൻ വരുകയാണ്. വിശുദ്ധ ഗ്രന്ഥം തിരികെ കൊണ്ടുപോകുമ്പോൾ നമുക്കറിയാം ആഘോഷം ഒന്നുമില്ല, ശുശ്രൂഷികളുടെ അകമ്പടികൾ ഇല്ല, ബലിപീഠത്തിൽ വചനം കൊണ്ട് വയ്ക്കുകയാണ്. അതിന്റെ  അർത്ഥം എന്ന് പറയുന്നത് വചന പ്രഘോഷണങ്ങളുടെ പരസ്യ ജീവിതം അവസാനിച്ചു; ഇനി സഹനത്തിന്റെ യാത്ര ആരംഭിക്കുകയാണ്.  പരസ്യ ജീവിതത്തിന് ശേഷം ഈശോയെ  ഗത്സമെനിൽ നിന്ന് യഹൂദ പടയാളികൾ  വലിച്ചിഴച്ചു കൊണ്ടുപോയതിന്റെ പ്രതീകമാണ്; ആഘോഷപൂർവ്വം  കൊണ്ടുവന്ന തിരുവചനം ആഘോഷക്കുറവോടു കൂടെ തിരികെ വയ്ക്കുന്നതിന്റെ കാരണം.

ഒരുക്ക ശുശ്രൂഷയെ രണ്ടു ഭാഗങ്ങളായിട്ട് തിരിക്കാറുണ്ട്; ഭൗതിക ഒരുക്കവും, ആത്മീയ ഒരുക്കവും.
Read more..

       ഒരുക്ക ശുശ്രൂഷയെ  രണ്ടു ഭാഗങ്ങളായിട്ട് തിരിക്കാറുണ്ട്; ഭൗതിക ഒരുക്കവും,   ആത്മീയ  ഒരുക്കവും.  അപ്പവും, വീഞ്ഞും ഒരുക്കുന്നത്, ബലിവസ്തുക്കളുടെ പ്രദക്ഷിണവും, കൈകഴുകുന്നത് എല്ലാം  ഭൗതിക ഒരുക്കത്തിന്റെ പ്രതീകമാണ്.  വിശ്വാസപ്രമാണം ചൊല്ലുന്നത്, വൈദികൻ രഹസ്യത്തിൽ തന്റെ  ആയോഗ്യത ഏറ്റുപറയുന്നത്  ആത്മീയ ഒരുക്കത്തിന്റെ അടയാളമാണ്. ഈ ഒരു ശുശ്രൂഷയിലെ പ്രധാനമായി നാം അനുസ്മരിക്കുന്നത് ഈശോയുടെ കുരിശുമരണ യാത്ര തന്നെയാണ്. ഉദാഹരണം പറഞ്ഞു കഴിഞ്ഞാൽ, രണ്ട് നിക്ഷേപ കൂടാരങ്ങളിൽ അപ്പവും വീഞ്ഞുമൊരുക്കുന്നുണ്ട്; അതിനെ രണ്ട് കൊട്ടാരങ്ങളിൽ നടന്ന കർത്താവിന്റെ  വിധി തീർപ്പിന്റെ ഒരുക്കമായിട്ട് പരിഗണിക്കാവുന്നതാണ്. അതിനുശേഷം അപ്പവും വീഞ്ഞും അൾത്താരയിലേക്ക്  സംവഹിക്കുന്നത് കുരിശിലേക്ക് ഉള്ള  യാത്രയുടെ പ്രതീകമായിട്ടാണ്. വീണ്ടും കുരിശാകൃതിയിൽ  ഉയർത്തിപ്പിടിക്കുന്നത് ഈശോയുടെ കുരിശിലെ മരണവും, ശോശപ്പാ കൊണ്ട് മൂടുന്നത്  ഈശോയുടെ കബറിടക്കം അനുസ്മരിക്കാൻ വേണ്ടിയിട്ടാണ്. ഈ ശുശ്രൂഷയിൽ  ധ്യാനിക്കുന്നത് ഈശോയുടെ കുരിശു മരണ ഒരുക്കങ്ങളും, കുരിശു മരണവുമാണ്. 

ആദിമസഭയിൽ മാമ്മോദീസ സ്വീകരിച്ചവർക്കു മാത്രമേ, വിശുദ്ധ കുർബാനയുടെ കൂദാശ ഭാഗത്തിൽ സന്നിഹിതരാകാൻ അനുവാദം ഉണ്ടായിരുന്നുള്ളൂ.
Read more..

        നമ്മുടെ വിശുദ്ധ കുർബാന  ക്രമത്തിൽ അയോഗ്യരെ പറഞ്ഞയക്കൽ എന്നൊരു കർമ്മം ആദ്യമ കാലം മുതലേ ഉണ്ടായിരുന്നു. ആദിമസഭയിൽ മാമ്മോദീസ സ്വീകരിച്ചവർക്കു മാത്രമേ, വിശുദ്ധ കുർബാനയുടെ കൂദാശ ഭാഗത്തിൽ സന്നിഹിതരാകാൻ അനുവാദം ഉണ്ടായിരുന്നുള്ളൂ. മാമ്മോദീസ സ്വീകരിക്കുവാൻ ഒരുങ്ങിക്കൊണ്ടിരിക്കുന്നവരെ ആശിർവാദ പ്രാർത്ഥന ചൊല്ലി പറഞ്ഞയച്ചിരുന്നു. അവർ പിന്നീട് ബലിയർപ്പണത്തിൽ പങ്കെടുക്കാൻ നിന്നിരുന്ന സ്ഥലമായിരുന്നു മൊണ്ടളം.  രണ്ടാമതായി, ജീവന്റെ അടയാളം സ്വീകരിച്ചിട്ടില്ലാത്തവരെ പറഞ്ഞയച്ചിരുന്നു, മാമ്മോദീസ സ്വീകരിച്ച ശേഷം ഗൗരവാഹമായ പാപം ചെയ്തവരെ പറഞ്ഞു വിട്ടിരുന്നു. പിന്നീട് അനുരഞ്ജന ശുശ്രൂഷ നടത്തി, നെറ്റിയിൽ കുരിശടയാളം വരച്ചും, തൈലം പൂശിയും  അവരുടെ പാപങ്ങൾ ഏറ്റുപറഞ്ഞു കഴിയുമ്പോൾ  സ്വീകരിച്ചിരുന്നു. ഇതാണ്, ജീവന്റെ അടയാളം സ്വീകരിച്ചിട്ടില്ലാത്തവരെ പറഞ്ഞയക്കുന്ന കർമ്മം. മൂന്നാമതായി, കുർബാന സ്വീകരിക്കാൻ ഒരുക്കമില്ലാത്തവരെ പറഞ്ഞയച്ചിരുന്നു. ഇവരെയെല്ലാം ആശിർവദിച്ചു പറഞ്ഞയക്കുന്ന കർമ്മം കാറോസൂസാ പ്രാർത്ഥനക്കു ശേഷം ഇന്നും തുടരുന്നുണ്ട്. തത്വത്തിൽ ഈ കർമങ്ങൾ ഇന്ന് ഇല്ലെങ്കിലും, ആദിമകാലത്തെ പാരമ്പര്യത്തെ ഓർമിപ്പിക്കുവാൻ  ഈ പ്രാർത്ഥനകൾ തുടരുന്നു. 

ഈശോ മരിച്ചതിനു ശേഷം, ഉയർപ്പിനു മുൻപായിട്ട്, പാതാളത്തിലേക്ക് ഇറങ്ങി എന്നൊരു പാരമ്പര്യം സഭയിലുണ്ട്
Read more..

     ഉത്ഥാനഗീതത്തിന്, ആദത്തിന്റെ മക്കളുടെ ഗീതം എന്ന ഒരു പേരുണ്ട്. ഏറ്റവും പഴമയുള്ളതും, പാരമ്പര്യമായി ഉപയോഗിച്ചിരുന്ന  ഒരു ഗാനമാണ് ഉത്ഥാന ഗീതം. ഈശോ മരിച്ചതിനു ശേഷം, ഉയർപ്പിനു മുൻപായിട്ട്, പാതാളത്തിലേക്ക് ഇറങ്ങി എന്നൊരു പാരമ്പര്യം സഭയിലുണ്ട്; അത് നമ്മൾ ശ്ലീഹൻമാരുടെ വിശ്വാസപ്രമാണത്തിൽ ചൊല്ലുന്നുമുണ്ട്.  പാതാളത്തിൽ ഇറങ്ങി കഴിഞ്ഞപ്പോൾ, പാതാളത്തിലുള്ള മരിച്ച ആത്മാക്കൾ  ഈശോയുടെ കുരിശുമരണം വഴി സ്വർഗം തുറക്കപ്പെട്ടതിന്റെ സന്തോഷവും, അതോടൊപ്പം ക്രിസ്തുവിനെ സ്വീകരിക്കാനും  പാടിയ ഗാനമാണ് ഉത്ഥാന ഗീതമെന്നാണ് പാരമ്പര്യം. അതുകൊണ്ടാണ്, ഉത്ഥാനഗീതത്തെ ആദത്തിന്റെ മക്കളുടെ ഗീതം എന്ന് വിശേഷിപ്പിക്കുന്നത്. ആദം പാപം ചെയ്തതോടെ സ്വർഗ്ഗം അടയ്ക്കപ്പെടുകയും, ഈശോ കുരിശിൽ മരിച്ചതോടുകൂടി സ്വർഗം തുറക്കപ്പെടുകയും ചെയ്തു. അതിന്റെ  വലിയൊരു ആനന്ദം നിലനിൽക്കുന്നതാണ്  ഉത്ഥാന ഗീതം അഥവാ ആദത്തിന്റെ മക്കളുടെ ഗീതം. 

കിഴക്കിന്റെ പ്രബോധകരായ മാർ അദ്ദായി മാർ മാറി കൂദാശ ക്രമമാണ് നമ്മൾ കാലാ കാലങ്ങളിൽ വിശുദ്ധ കുർബാനയിൽ പരിചയിച്ചിരിക്കുന്നത്.
Read more..

                 കിഴക്കിന്റെ പ്രബോധകരായ മാർ അദ്ദായി മാർ മാറി  കൂദാശ ക്രമമാണ് നമ്മൾ കാലാ കാലങ്ങളിൽ വിശുദ്ധ കുർബാനയിൽ പരിചയിച്ചിരിക്കുന്നത്. വിശ്വാസപ്രമാണത്തിന് ശേഷം വൈദികന്റെ സമൂഹത്തോടുള്ള യാചന പ്രാർത്ഥനയോടുകൂടി ആരംഭിക്കുന്നതാണ് കൂദാശ ക്രമം അല്ലെങ്കിൽ കൃതജ്ഞത സ്തോത്ര പ്രാർത്ഥന; പരിശുദ്ധാത്മാവിന്റെ ആവാസത്തിനുള്ള പ്രാർത്ഥനയോടെ കൂദാശ ക്രമം പൂർത്തിയാവുകയാണ്. ക്രൈസ്തവ സഭയുടെ പ്രാരംഭകാല ചിന്താരീതികൾ പിന്തുടർന്ന മാർ അദ്ദായി മാർ മാറി കൂദാശ ക്രമം എകദേശം രണ്ടു മൂന്ന്  നൂറ്റാണ്ടിൽ രൂപപ്പെട്ടതാണ്. അദ്ദേഹം തോമാശ്ലീഹായുടെ ശിഷ്യനായിരുന്നു;  അതുകൊണ്ടാണ് കേരളത്തിലെ ക്രൈസ്തവർ  മാർ അദ്ദായി മാർ മാറി  കൂദാശ ക്രമമാണ് ആദ്യകാലം മുതലേ വിശുദ്ധ ബലിയർപ്പണത്തിൽ ഉപയോഗിക്കുന്നത്.   ആദ്യരൂപത്തിൽ കുർബാന സ്ഥാപന വചനങ്ങൾ ഇല്ലായിരുന്നു; പിന്നീട് അത് ചേർക്കപ്പെട്ടതാണ്. 

സീറോ മലബാർ സഭയുടെ വിശുദ്ധ കുർബാനയ്ക്ക് മൂന്ന് രൂപങ്ങളാണ് ഉള്ളത്.
Read more..

              വിശുദ്ധ കുർബാനയുടെ മൂന്ന് രൂപങ്ങൾ: സീറോ മലബാർ സഭയുടെ വിശുദ്ധ കുർബാനയ്ക്ക് മൂന്ന് രൂപങ്ങളാണ് ഉള്ളത്. ഏറ്റവും ആഘോഷപൂർവ്വകമായി കുർബാന (Most  Solemn  Form) റാസ, ആഘോഷപൂർവ്വകമായ കുർബാന (solemn Form), സാധാരണ കുർബാന (simple  form)  ആഘോഷഘടകങ്ങളുടെ കൂടുതലും കുറവുമാണ്  ഈ രൂപഭേദങ്ങൾക്ക് അടിസ്ഥാനം. ഏറ്റവും പ്രധാനപ്പെട്ട തിരുനാൾ, സുപ്രധാന ആഘോഷ അവസരങ്ങൾ, എന്നിവയ്ക്ക് യോജിച്ചതാണ് ഏറ്റവും ആഘോഷപൂർവ്വകമായി കുർബാന. ഇടവക തിരുനാളുകളിൽ  റാസ കുർബാന ദൈവജനത്തെ പരിചയപ്പെടുത്തുന്നത് നല്ലതാണ്; ആഘോഷപൂർവ്വമായ കുർബാനയിൽ സന്ദർഭോചിതമായി റാസ ക്രമത്തിന്റെ ചില ഘടകങ്ങൾ ചേർത്ത് ബലിയർപ്പിക്കാവുന്നതാണ്. 

വിശുദ്ധ കുർബാനയുടെ വിവിധ പേരുകൾ: അപ്പം മുറിക്കൽ, കർത്താവിന്റെ അത്താഴം എന്നീ പേരുകളിലാണ് വിശുദ്ധ കുർബാന ആദ്യം സഭയിൽ അറിയപ്പെട്ടിരുന്നത്.
Read more..

               വിശുദ്ധ കുർബാനയുടെ വിവിധ പേരുകൾ:  അപ്പം മുറിക്കൽ, കർത്താവിന്റെ  അത്താഴം എന്നീ പേരുകളിലാണ് വിശുദ്ധ കുർബാന ആദ്യം സഭയിൽ അറിയപ്പെട്ടിരുന്നത്.

           കൃതജ്ഞത സ്തോത്ര പ്രാർത്ഥന എന്ന അർത്ഥം വരുന്ന 'യൂക്കരിസ്റ്റ്'   എന്ന പേരാണ് ഇന്ന് സാർവത്രികമായി വിശുദ്ധ കുർബാനയെ സൂചിപ്പിക്കാൻ ഉപയോഗിക്കുന്നത്. രണ്ടാം നൂറ്റാണ്ടിൽ ജീവിച്ചിരുന്ന വിശുദ്ധ ജസ്റ്റിൻ വിശുദ്ധ കുർബാനയെക്കുറിച്ച് എഴുതിയ കൃതിയിൽ യൂക്കരിസ്റ്റ്  എന്ന പേര് സൂചിപ്പിക്കുന്നത്. ദൈവത്തിനു സ്തുതിയും കൃതജ്ഞതയും അർപ്പിക്കുന്ന പ്രാർത്ഥനയാണ് മുഖ്യമായും കുർബാനയിലുള്ളത് എന്ന അർത്ഥത്തിലാണ്, കുർബാന ആഘോഷത്തിന് മുഴുവനായും യൂക്കരിസ്റ്റ് എന്ന പേര് കൈവന്നത്.

              ഹോളി മാസ്; ഇംഗ്ലീഷിൽ വിശുദ്ധ കുർബാനയെ  ഹോളി മാസ്സ് എന്നാണ് വിളിക്കുന്നത്. പാശ്ചാത്യ പാരമ്പര്യത്തിൽ നിന്നാണ് 'മാസ്' എന്ന പേര് പ്രചാരത്തിൽ ഉള്ളത്. കുർബാനയുടെ സമാപനത്തിനുള്ള പറഞ്ഞയക്കൽ കർമ്മത്തിൽ നിന്നാണ് മാസ് എന്ന പേരിന്റെ ഉത്ഭവം. വിശ്വാസികളെ അനുദിന ജീവിതത്തിൽ ദൈവഹിതം നിറവേറ്റുന്നതിന് വേണ്ടി പറഞ്ഞയക്കുന്നു എന്നാണ് 'മാസ്സാ' എന്ന പദം അർത്ഥമാക്കുന്നത്.

             സുറിയാനി പാരമ്പര്യം റാസ എന്ന പേരിനാണു  മുൻഗണന നൽകുന്നത്. റാസ എന്ന സുറിയാനി വാക്കിന്റെ  അർത്ഥം 'രഹസ്യം' എന്നാണ്. ഈ പദത്തിന്റെ  ബഹുവചനരൂപമായ റാസ രഹസ്യങ്ങൾ എന്ന പദമാണ് പൗരസ്ത്യ സുറിയാനി കുർബാനയുടെ ശീർഷകമായി പുസ്തകങ്ങളിൽ കാണുന്നത്. ആഘോഷം എന്ന അർത്ഥത്തിലാണ് കുർബാനയെ റാസാ എന്ന് വിളിക്കുന്നത്. ഇന്ന് സീറോ മലബാർ ക്രമത്തിൽ കുർബാനയുടെ ഏറ്റവും ആഘോഷപൂർവ്വമായ ക്രമത്തെയാണ് റാസ എന്ന് വിശേഷിപ്പിക്കുന്നത്. എന്നാൽ, പാശ്ചാത്യ സുറിയാനി പാരമ്പര്യത്തിൽ മലങ്കര യാക്കോബായ ഓർത്തഡോക്സ് പെരുന്നാളിനോട് അനുബന്ധിച്ചുള്ള ആഘോഷപൂർവ്വമായ പ്രദിക്ഷണമാണ് റാസ എന്നറിയപ്പെടുന്നത്.

             വിശുദ്ധ കുർബാന/ ദിവ്യബലി; ഇന്ന് കേരളത്തിൽ പ്രചാരത്തിലുള്ള പേര് വിശുദ്ധ കുർബാന എന്നാണ്. കേരളത്തിലെ മിക്ക ക്രൈസ്തവ സഭകളും ഉപയോഗിച്ചു വരുന്ന ഈ പേര് സുറിയാനി ഭാഷയിൽ നിന്നുള്ളതാണ്. അർപ്പണം, അർപ്പിത വസ്തു എന്നൊക്കെയാണ് ഈ വാക്കിന്റെ  അർത്ഥം. മലയാളത്തിൽ ബലി എന്ന അർത്ഥം വരുന്നതുകൊണ്ട് ആണ് കുർബാനയെക്കുറിച്ച് ദിവ്യബലി എന്നു പറയുന്നത്.

ഒരുക്ക ശുശ്രൂഷയെ രണ്ടു ഭാഗങ്ങളായിട്ട് തിരിക്കാറുണ്ട്; ഭൗതിക ഒരുക്കവും ആത്മീയ ഒരുക്കവും
Read more..

               ഒരുക്ക ശുശ്രൂഷയെ  രണ്ടു ഭാഗങ്ങളായിട്ട് തിരിക്കാറുണ്ട്; ഭൗതിക ഒരുക്കവും,   ആത്മീയ  ഒരുക്കവും.  അപ്പവും, വീഞ്ഞും ഒരുക്കുന്നത്, ബലിവസ്തുക്കളുടെ പ്രദക്ഷിണവും, കൈകഴുകുന്നത് എല്ലാം  ഭൗതിക ഒരുക്കത്തിന്റെ പ്രതീകമാണ്.  വിശ്വാസപ്രമാണം ചൊല്ലുന്നത്, വൈദികൻ രഹസ്യത്തിൽ തന്റെ  ആയോഗ്യത ഏറ്റുപറയുന്നത്  ആത്മീയ ഒരുക്കത്തിന്റെ അടയാളമാണ്. ഈ ഒരു ശുശ്രൂഷയിലെ പ്രധാനമായി നാം അനുസ്മരിക്കുന്നത് ഈശോയുടെ കുരിശുമരണ യാത്ര തന്നെയാണ്. ഉദാഹരണം പറഞ്ഞു കഴിഞ്ഞാൽ, രണ്ട് നിക്ഷേപ കൂടാരങ്ങളിൽ അപ്പവും വീഞ്ഞുമൊരുക്കുന്നുണ്ട്; അതിനെ രണ്ട് കൊട്ടാരങ്ങളിൽ നടന്ന കർത്താവിന്റെ  വിധി തീർപ്പിന്റെ ഒരുക്കമായിട്ട് പരിഗണിക്കാവുന്നതാണ്. അതിനുശേഷം അപ്പവും വീഞ്ഞും അൾത്താരയിലേക്ക്  സംവഹിക്കുന്നത് കുരിശിലേക്ക് ഉള്ള  യാത്രയുടെ പ്രതീകമായിട്ടാണ്. വീണ്ടും കുരിശാകൃതിയിൽ  ഉയർത്തിപ്പിടിക്കുന്നത് ഈശോയുടെ കുരിശിലെ മരണവും, ശോശപ്പാ കൊണ്ട് മൂടുന്നത്  ഈശോയുടെ കബറിടക്കം അനുസ്മരിക്കാൻ വേണ്ടിയിട്ടാണ്. ഈ ശുശ്രൂഷയിൽ  ധ്യാനിക്കുന്നത് ഈശോയുടെ കുരിശു മരണ ഒരുക്കങ്ങളും, കുരിശു മരണവുമാണ്. 

വിശുദ്ധ കുർബാനയിൽ അനുരഞ്ജന ശുശ്രൂഷ ക്രമീകരിച്ചിരിക്കുന്നത് കർത്താവിന്റെ രക്ഷാകര രഹസ്യങ്ങൾ മുഴുവൻ ധ്യാനിച്ച ശേഷമാണ്.
Read more..

          വിശുദ്ധ കുർബാനയിൽ അനുരഞ്ജന ശുശ്രൂഷ ക്രമീകരിച്ചിരിക്കുന്നത് കർത്താവിന്റെ രക്ഷാകര രഹസ്യങ്ങൾ മുഴുവൻ ധ്യാനിച്ച ശേഷമാണ്. കാരണം, രക്ഷാകര പദ്ധതിയുടെ മുഴുവൻ ലക്ഷ്യവും ദൈവവും മനുഷ്യനും തമ്മിലുള്ള അനുരഞ്ജനവും, ഒന്നാകലുമാണ്. രണ്ടു ഭാഗങ്ങളായിട്ട് അനുരഞ്ജന ശുശ്രൂഷ ക്രമീകരിച്ചിരിക്കുന്നു; വിഭജന ശുശ്രൂഷയ്ക്ക് മുൻപും ശേഷവും. ദൈവത്തോടും, സാർവത്രിക സഭയോടും, സ്വന്തം സഹോദരങ്ങളോടും, സ്വയവും രമ്യപ്പെടുന്നതിന്റെയും അനുരഞ്ജനപ്പെടുന്നതിന്റെയും ഓർമ്മയായിട്ടാണ് ഈ ഒരു ഭാഗം ക്രമീകരിച്ചിരിക്കുന്നത്.