പരിശുദ്ധ പരമ ദിവ്യകാരുണ്യത്തിന് എന്നേരവും ആരാധനയും സ്തുതിയും പുകഴ്ചയുമുണ്ടായിരിക്കട്ടെ!! ഈ പ്രാർത്ഥനാ ജപത്തിന്റെ ആരംഭവും വളർച്ചയും; അതോടൊപ്പം ഈ ജപത്തി
Read more..

  പരിശുദ്ധ പരമ ദിവ്യകാരുണ്യത്തിന് എന്നേരവും ആരാധനയും സ്തുതിയും പുകഴ്ചയുമുണ്ടായിരിക്കട്ടെ!!  എന്ന പ്രാർത്ഥന 19-ാം നൂറ്റാണ്ടിൽ ഇറ്റാലിയൻ പ്രാർത്ഥന പുസ്തകമായ റാക്കോൾട്ടയിൽ (the Raccolta ) (അക്ഷരാർത്ഥത്തിൽ "ശേഖരം") ആദ്യമായി പ്രസിദ്ധീകരിച്ചു.  ഈ ഇറ്റാലിയൻ പ്രാർത്ഥനയുടെ വിവർത്തനമാണ് ( "Sia lodato e ringraziato ogni momento il Santissimo e Divinissimo Sacramento.") പരിശുദ്ധ പരമ ദിവ്യകാരുണ്യത്തിന് എന്നേരവും ആരാധനയും സ്തുതിയും പുകഴ്ചയുമുണ്ടായിരിക്കട്ടെ!! എന്ന പ്രാർത്ഥന.  ഇത് 1810-ൽ ടെലിസ്‌ഫോറോ ഗല്ലിയാണ് ആദ്യമായി സമാഹരിച്ചത്.  ഇറ്റാലിയൻ ഒറിജിനലിൻ്റെ രചയിതാവ് അജ്ഞാതമാണ്. എങ്കിലും, പ്രധാനമായിട്ട് കർത്താവിൻ്റെ കോർപ്പസ്കൃസ്തിയുടെ (വി. കുർബ്ബാനയുടെ)  തിരുനാളിനോടനുബന്ധിച്ചും,  ഈശോയുടെ വിശുദ്ധ കുർബാനയിലെ യഥാർത്ഥ സാന്നിധ്യത്തോടു ബന്ധപ്പെടുത്തിയുമാണ് ഈ പ്രാർത്ഥന വളർന്നു വന്നത്.  വി. പീറ്റർ ജൂലിയൻ എയ്മാഡിൻ്റെയും,  വി. തോമസ് അക്വിനാസിന്റെയും, വി. അൽഫോൻസ് ലിഗോരിയുടെയും പ്രാർത്ഥനകളുടെയും, ദൈവശാസ്ത്രത്തിന്റെയും സാരാംശങ്ങൾ ഇതിൽ നമ്മുക്ക് കാണാൻ കഴിയും. എന്നിരുന്നാലും ഇവരുടെ രചനകളിൽ ഈ വിധത്തിൽ ഈ പ്രാർത്ഥന കാണാൻ സാധിക്കില്ല. ഏവർക്കും ചൊല്ലാൻ കഴിയുന്നതും, കർത്താവിൻ്റെ സത്താപരിണാമത്തിൻ്റെയും, ദിവ്യകാരുണ്യത്തിൻ്റെയും  ദൈവശാസ്ത്രമുൾക്കൊള്ളുന്നതുമായ ഈ പ്രാർത്ഥന എല്ലാവർക്കും സ്വീകാര്യമായി. ഇന്നും,  എന്നും ദിവ്യകാരുണ്യത്തിൻ്റെ മുമ്പിൽ ഏറ്റവുമധികം ചൊല്ലുന്ന ഒരു പ്രാർത്ഥനയായി ഇതു മാറി. ഈ പ്രാർത്ഥനയുടെ ലാറ്റിൻ (Laudetur et adoretur in aeternum sanctissimum Sacramentum) 19 -താം നൂറ്റാണ്ടിലാണ് രചിക്കപെടുന്നത്. ഈ പ്രാർത്ഥനകൾക്കെല്ലാം അർത്ഥത്തിൽ വിശുദ്ധ തോമസ് അക്വിനാസിന്റെ പ്രാർത്ഥനകളോട് സാദൃശ്യമുണ്ട്. പക്ഷേ, വാചികാർത്ഥത്തിൽ അത് വ്യത്യസ്‍തമാണ്. 

അതോടൊപ്പം സഭ ഈ പ്രാർത്ഥനയ്ക്ക് പൂർണ ദണ്ഡവിമോചനം അനുവദിക്കുന്നുണ്ട്‌. സഭ നിർദേശിച്ച (കുമ്പസാരം, മാർപാപ്പയുടെ നിയോഗാർത്ഥമുള്ള പ്രാർത്ഥനകൾ, കുർബാന സ്വീകരണം) പ്രാർത്ഥനകളോടെ ഒരു മാസം തുടർച്ചയായി ചൊല്ലുമ്പോൾ ഒരു പാപിക്ക് കാലിക ശിക്ഷയിൽ നിന്നും പൂർണ ദണ്ഡ വിമോചനം ലഭിക്കുന്നു.  അതുപോലെ ഒരു പ്രാവശ്യം ഈ പ്രാർത്ഥന ചൊല്ലുമ്പോൾ 300  ദിവസത്തെ കാലിക ശിക്ഷകളിൽ നിന്നും ഭാഗിക ദണ്ഡവിമോചനം അനുവദിക്കുന്നുണ്ട്‌.

വിശുദ്ധ ഗ്രന്ഥത്തിന് ശേഷം എറ്റവും അധികം വായിക്കപ്പെട്ടതും, വിവർത്തനം ചെയ്യപ്പെട്ടതുമായ ആത്മീയ ഗ്രന്ഥത്തിൽ പതിനെട്ടു അധ്യായങ്ങൾ വിശുദ്ധ ബലിയർപ്പണത്തെ സ
Read more..

  വിശുദ്ധ ഗ്രന്ഥത്തിനുശേഷം ഏറ്റവുമധികം  വിറ്റഴിക്കപ്പെട്ട ആത്മീയ ഗ്രന്ഥമായി പരിഗണിക്കുന്നത്,  തോമസ് അക്കമ്പസിന്റെ ക്രിസ്താനുകരണമാണ്. പതിനാലാം നൂറ്റാണ്ടിൽ ഈ ഗ്രന്ഥം ലാറ്റിൻ ഭാഷയിലാണ് രചിക്കപ്പെട്ടത്.  വിവിധ ഭാഷകളിൽ 1000 ത്തിലധികം പതിപ്പുകൾ ഈ ഗ്രന്ഥത്തിനുണ്ട്; വിവിധ ഭാഷകളിലേക്ക് വിവർത്തനം ചെയ്യപ്പെട്ട ക്രിസ്താനുകരണം ബൈബിളിനു ശേഷം രണ്ടാം സ്ഥാനം വിവർത്തനത്തിലും സ്വന്തമാക്കിയിരുന്നു. ഈ ഗ്രന്ഥം നാലു പുസ്തകങ്ങളായി തിരിച്ചിരിക്കുന്നു. ഈ ഗ്രന്ഥത്തിലെ നാലാം പുസ്തകത്തിൽ പതിനെട്ടു അധ്യായങ്ങളും വിശുദ്ധ കുർബാനയുമായി ബന്ധപ്പെട്ടുള്ളതാണ്. ക്രിസ്തുവിനെ സ്വീകരിക്കേണ്ടത് എങ്ങനെയെന്നും, ഈശോയുടെ സ്നേഹം ഈ കൂദാശയിൽ എങ്ങനെയാണ് ഈശോ പ്രകടിപ്പിക്കുന്നതെന്നും, കുർബാന സ്വീകരിക്കുന്നവർക്ക് ലഭിക്കുന്ന നന്മകളെക്കുറിച്ചും, ഈ കൂദാശയുടെ മഹത്ത്വത്തെകുറിച്ചും, ബലിയർപ്പണത്തെക്കുറിച്ചും, ബലിയർപ്പിക്കുന്ന പുരോഹിതർക്കുണ്ടാകേണ്ട പരിശുദ്ധിയെക്കുറിച്ചും, വിശദമായി വിശകലനം ചെയ്യുന്ന ക്രിസ്താനുകരണം, ബലിയർപ്പണത്തെ ഇഷ്ടപ്പെടുന്നവർ സ്വന്തം പോലെ കരുതേണ്ടതാണ്.  ഈ ഗ്രന്ഥം ക്രൈസ്തവരെ കൂടുതലായിട്ട് വിശുദ്ധ കുർബാനയുടെ മഹത്വം മനസ്സിലാക്കാനും,  ഒരുങ്ങി വിശുദ്ധ ബലിയർപ്പണത്തിൽ പങ്കെടുക്കാനായിട്ടും   സഹായിക്കും. ഈ ഗ്രന്ഥത്തിൽ പറയുന്നു,  കുർബാന സ്വീകരിക്കുന്നതിന് നീ ഭക്തിപൂർവ്വം തയ്യാറായാൽ മാത്രം പോരാ;  കുർബാന സ്വീകരിച്ച ശേഷം ഭക്തിപൂർവ്വം വർത്തിക്കണം. കുർബാനയ്ക്ക് തയ്യാറാകുന്നതിൽ എത്രമാത്രം ഭക്തി പ്രദർശിപ്പിച്ചുവോ,  അതിൽ ഒട്ടും കുറവില്ലാത്ത ഭക്തിയും ജാഗ്രതയും അതിനുശേഷവും ഉണ്ടായിരിക്കണം. ഭൂമിയിലെ സ്വർഗമാണ് വിശുദ്ധ ബലിയർപ്പണം എന്നാണ് ഈ ഗ്രന്ഥം വിശേഷിപ്പിക്കുന്നത്. ഈശോയോടെ തിരുശരീരവും,  തിരുരക്തവുകൊണ്ട് നാം നമ്മെ നിരന്തരം പരിപോഷിപ്പിക്കണമെന്ന് ആവശ്യപ്പെടുന്നു  ഗ്രന്ഥം വിശുദ്ധ സിപ്രിയാൻ്റെ വാക്കുകളെ ഉദ്ധരിച്ചു കൊണ്ട് പറയുന്നു,  ഒരു ക്രിസ്ത്യാനിയുടെ ക്ലേശങ്ങളിൽ അവന് ശക്തി പകരുന്നതും, തിന്മയുടെ ശക്തികളെ തോൽപ്പിക്കാൻ അവനെ പ്രാപ്തനാക്കുന്നതും, നന്മയിൽ വളരാൻ സഹായിക്കുന്നതും, യേശുക്രിസ്തുവിന്റെ തിരുശരീര രക്തങ്ങളാണ്. ഈ ഗ്രന്ഥത്തിൽ കുറിക്കുന്നു,  ദിവ്യകാരുണ്യ സ്വീകരണത്തിന് ഒരുങ്ങുവാനും അതിൻറെ ഫലം നിലനിർത്തുവാനും ഏറ്റവും പറ്റിയ മാർഗ്ഗമാണ് വിശുദ്ധ ഗ്രന്ഥ പാരായണം.

ദൈവത്തിന് ഭൂമിയിൽ നൽകാൻ കഴിയുന്ന എറ്റവും വലിയ മഹത്വം; അത് വിശുദ്ധ കുർബാനയിലാണ് !!
Read more..

       നമുക്ക് ചെയ്യാവുന്ന എല്ലാ പ്രവർത്തികളിലും വെച്ച് ഏറ്റവും പരിശുദ്ധമായതും ദൈവത്തിൻ്റെ മുമ്പിൽ ഏറ്റവും  പ്രീതികരവുമായത് പരിശുദ്ധ കുർബ്ബാനയർപ്പണമാണ്.  കാരണം അനന്ത യോഗ്യതകൾ ഉള്ള യേശുക്രിസ്തു തന്നെയാണ് അവിടെ  ബലി വസ്തുവാകുന്നത്, മാത്രമല്ല പുരോഹിത കരങ്ങളിലൂടെ ബലിവസ്തു പിതാവായ ദൈവത്തിന് സമർപ്പിക്കുന്നതും അവിടുന്ന് തന്നെയാണ്.  കുരിശിൽ തന്നെ  തന്നെ സമർപ്പിച്ചുകൊണ്ട് യേശു നടത്തിയ അതേ ബലിയർപ്പണമാണ് പൗരോഹിത്യ ശുശ്രൂഷയിലൂടെ ഇന്നും നടക്കുന്നത്.  ഒരു പുരോഹിതൻ ബലിയർപ്പിക്കുന്നതിന് കാണുമ്പോൾ അത് പുരോഹിതന്റെ കൈകൾ കൊണ്ടാണ് ചെയ്യപ്പെടുന്നതെന്ന് ഒരിക്കലും ചിന്തിക്കരുത്;  പിന്നെയോ യേശുക്രിസ്തു തന്റെ കരങ്ങൾ അദൃശ്യമായി വിരിച്ചു പിടിച്ചുകൊണ്ട് അർപ്പിക്കുകയാണ് ചെയ്യുന്നത്. മാലാഖ വൃന്ദങ്ങൾ തങ്ങളുടെ സ്തുതി ഗീതങ്ങൾ കൊണ്ട് ദൈവത്തെ മഹത്ത്വപ്പെടുത്തുന്നതിലും; മനുഷ്യർ തങ്ങളുടെ പരിഹാര കൃത്യങ്ങൾ കൊണ്ടും,  രക്തസാക്ഷിത്വവും മറ്റു വിശുദ്ധ കർമ്മങ്ങളും കൊണ്ട് ദൈവത്തിന് നൽകുന്ന മഹത്വത്തെക്കാൾ എത്രയോ മഹത്തരമാണ് ഒരേയൊരു പരിശുദ്ധ കുർബാനയിലൂടെ അവിടുത്തേക്ക് ലഭിക്കുന്ന മഹത്വം. എന്തെന്നാൽ സൃഷ്ടികൾ നൽകുന്ന എല്ലാ സ്തുതിയും ആരാധനയും പരിമിതമാണ്. അതേസമയം പരിശുദ്ധ ബലിയർപ്പിക്കുന്നത് ദൈവിക വ്യക്തിയാകയാൽ അതിൽ നിന്ന് ദൈവത്തിന് ലഭിക്കുന്ന മഹത്വം അനന്തമത്രേ. അതുകൊണ്ട് ഏറ്റവും പരിശുദ്ധവും  ദൈവികവുമായ കർമ്മം പരിശുദ്ധ കുർബാനയാണെന്ന് നാം സമ്മതിക്കേണ്ടിയിരിക്കുന്നു. ഈ വിസ്മയാവഹമായ  പ്രവൃത്തിയെക്കാൾ  പരിശുദ്ധവും ദൈവികവുമായ മറ്റൊരു കർമ്മവും വിശ്വാസികൾക്ക് ചെയ്യാനില്ല എന്ന് നാം ഏറ്റുപറയണം.  അത് പരമപരിശുദ്ധനായവൻ്റെ പ്രവൃത്തിതന്നെയാണ്.

എൻ്റെ രക്തം പാനം ചെയ്യുകയും ചെയ്താൽ അവന് നിത്യജീവനുണ്ട്
Read more..

 ഒത്തിരി നോവേനകൾ, പ്രാർത്ഥനകൾ, ഉടമ്പടികൾ ഉണ്ട്. അതിൽ ദൈവവചനമുണ്ട്, പാരമ്പര്യങ്ങളുമുണ്ട്. എന്നാൽ നിത്യജീവിതം നേടിത്തരുമെന്ന് ഉറപ്പ് പറയാൻ സാധിക്കില്ല. യോഹന്നാന്റെ സുവിശേഷം ആറാം അധ്യായം  അമ്പത്തിനാലാം തിരുവചനത്തിൽ  വായിക്കുന്നു;  എൻ്റെ ശരീരം ഭക്ഷിക്കുകയും, എൻ്റെ രക്തം പാനം ചെയ്യുകയും ചെയ്താൽ അവന് നിത്യജീവനുണ്ട്. ആരൊക്കെ ഇറങ്ങി പോയിട്ടും മാറ്റമില്ലാത്ത ഉറപ്പാണിത്; ക്രിസ്തു നൽകുന്ന  ഉറപ്പാണ്. 

പീഡയനുഭവിക്കുന്നതിനു മുൻപ് നിങ്ങളോടുകൂടെ ഈ പെസഹ ഭക്ഷിക്കുന്നതിന് ഞാൻ അത്യധികം ആഗ്രഹിച്ചു.
Read more..

  ലൂക്കായുടെ സുവിശേഷം ഇരുപത്തി രണ്ടാംമധ്യായം പതിനഞ്ചാം തിരുവചനത്തിൽ നമ്മൾ വായിക്കുന്നു,  അവൻ അവരോട് പറഞ്ഞു,  പീഡയനുഭവിക്കുന്നതിനു മുൻപ് നിങ്ങളോടുകൂടെ ഈ പെസഹ ഭക്ഷിക്കുന്നതിന് ഞാൻ അത്യധികം ആഗ്രഹിച്ചു.  ഒരു വ്യക്തിയുടെ ആഗ്രഹം ഭാഷയിൽ രേഖപ്പെടുത്താൻ കഴിയുന്നതിന്റെ ഏറ്റവും പൂർണ്ണതയിലാണ് ഈ വചനം രേഖപ്പെടുത്തിയിരിക്കുന്നത് അത്യധികം ആഗ്രഹിച്ചു. ബലിയർപ്പിക്കാനുള്ള ഈശോയുടെ വലിയൊരു ആഗ്രഹം; വീണ്ടും യോഹന്നാന്റെ സുവിശേഷം പതിമൂന്നാം അധ്യായം ഒന്നാം തിരുവചനത്തിൽ നമ്മൾ വായിക്കുന്നു, ലോകത്തിൽ തനിക്ക് സ്വന്തമായി ഉള്ളവരെ അവൻ സ്നേഹിച്ചു.  അവസാനം വരെ സ്നേഹിച്ചു. വിശുദ്ധ തോമസ്  അക്വിനാസ് പറയുന്നുണ്ട്,  സ്നേഹത്തിൻ്റെ കൂദാശയാണ് ദിവ്യകാരുണ്യം; അത് സ്നേഹത്തെ സൂചിപ്പിക്കുന്നു, സ്നേഹം പ്രകടമാക്കുന്നു. വിശുദ്ധ ബർണാഡ് പറയുന്നുണ്ട്, സ്വർഗ്ഗത്തിലും ഭൂമിയിലുമുള്ള എല്ലാ സ്നേഹത്തെയും അതിലംഘിക്കുന്ന സ്നേഹമാണ് ദിവ്യകാരുണ്യം.

പഴയനിയമത്തിൽ ഒത്തിരി ബലിയർപ്പണങ്ങൾ നമ്മൾ കാണാറുണ്ട്.
Read more..

  പഴയനിയമത്തിൽ ഒത്തിരി ബലിയർപ്പണങ്ങൾ നമ്മൾ കാണാറുണ്ട്. ദഹനബലി,  പാപപരിഹാര ബലി, പാനീയ ബലി,  സമാധാന ബലി,  കൃതജ്ഞതാ  ബലി,  ഈ ബലികൾക്കെല്ലാം ചേർന്ന് സുറിയാനി യിൽ ഒരു വാക്കാണ് ഉള്ളത്,  ‘കൊർബ്ബാന’  അങ്ങനെ കുർബാന ബലികളുടെ ബലിയാകുന്നു.  വിശുദ്ധ കുർബ്ബാന പാപപരിഹാരബലിയാണ്,  സമാധാനബലിയാണ്,  ദഹനബലിയാണ്,  പാനീയ ബലിയാണ്. അതുകൊണ്ടാണ്  ആംഗ്ലിക്കൻ സഭയിൽ നിന്ന് കത്തോലിക്ക സഭയിലേക്ക് വന്ന കാർഡിനൽ ന്യുമെൻ  പറയുന്നത്, കത്തോലിക്കാ സഭയിൽ ഞാൻ ഒരു അത്ഭുതം കണ്ടു വിശുദ്ധ കുർബാന എന്ന അത്ഭുതം.

പഴയ നിയമകാലം മുതൽ ജനത ജീവിതത്തിൽ അനുഗ്രഹങ്ങൾ ലഭിക്കുമ്പോൾ ബലി അർപ്പിച്ചാണ് നന്ദി പറഞ്ഞിരുന്നത്.
Read more..

  പഴയ നിയമകാലം മുതൽ  ജനത ജീവിതത്തിൽ അനുഗ്രഹങ്ങൾ ലഭിക്കുമ്പോൾ ബലി അർപ്പിച്ചാണ് നന്ദി പറഞ്ഞിരുന്നത്. കായേനും, ആബേലും വിളവ് സമൃദ്ധമായപ്പോൾ ദൈവത്തിന് നന്ദി പറഞ്ഞത്  ബലിയർപ്പിച്ചാണ്.  നോഹ പെട്ടകത്തിൽ നിന്ന് ഇറങ്ങി കഴിഞ്ഞപ്പോൾ ബലിയർപ്പിച്ചാണ് ദൈവത്തെ മഹത്വപ്പെടുത്തിയത്. അബ്രഹാമും ആദിപിതാക്കന്മാരും പുതിയ ദേശത്തേക്ക് കടന്നു ചെല്ലുമ്പോൾ ബലിയർപ്പിച്ചാണ്  ദൈവത്തോട് നന്ദി പറഞ്ഞിരുന്നത്. വിശുദ്ധ ബലിയർപ്പണം പ്രാർത്ഥനകളുടെ പ്രാർത്ഥനയാണ്. അതുമാത്രമല്ല പ്രാർത്ഥനകളുടെ വിവിധ  തരംതിരിവുകളെ കുറിച്ച് നമ്മൾ ധ്യാനിക്കുമ്പോൾ നമുക്കറിയാം അനുരഞ്ജന പ്രാർത്ഥനകൾ, നന്ദി പ്രാർത്ഥനകൾ,  യാചനാ പ്രാർത്ഥനകൾ, കരുണയ്ക്ക് വേണ്ടിയുള്ള പ്രാർത്ഥനകൾ  ഈവിധ പ്രാർത്ഥനകളുടെയെല്ലാം വകഭേദങ്ങൾ വിശുദ്ധ കുർബാനയിൽ കാണാനായിട്ട് സാധിക്കും.  അതുകൊണ്ടാണ് വിശുദ്ധ ജെറോം പറയുന്നത്,  സർവ്വശക്തനായ ദൈവത്തെ അവിടുന്ന് അർഹിക്കുന്ന രീതിയിൽ സ്തുതിക്കാനുള്ള മഹത്തരവും ഏറ്റവും ലളിതവുമായ മാർഗ്ഗമാണ് വിശുദ്ധ ബലിയർപ്പണം. 

അനുദിന വിശുദ്ധ ബലിയർപ്പണം മുടങ്ങുമ്പോൾ;
Read more..

  അനുദിന വിശുദ്ധ ബലിയർപ്പണം മുടങ്ങുമ്പോൾ;  പരിശുദ്ധ ത്രിത്വത്തിന് ലഭിക്കേണ്ട മഹത്വം,  മാലാഖമാരുടെ ആനന്ദം,  പാപികളുടെ മോചനം,  ശുദ്ധീകരണ സ്ഥലത്തെ ആത്മാക്കളുടെ ആശ്വാസം, സഭയുടെ ശക്തി, തൻ്റെ തന്നെ ഔഷധമാണ് ഒരു വ്യക്തി നഷ്ടപ്പെടുത്തുന്നത്. ഇതിനോട് അനുബന്ധിച്ച് ധ്യാനിക്കാൻ കഴിയുന്ന ഒരു സംഭവമുണ്ട് ആവിലായിലെ ജോൺ വി. ബലിയർപ്പിക്കാനുള്ള താല്പര്യക്കുറവോടുകൂടി ആശ്രമത്തിലേക്ക്  വരുമ്പോൾ വഴിയിൽ ഈശോ തീർത്ഥാടകനായി പ്രത്യക്ഷപ്പെട്ടു.  ഈശോയുടെ ശരീരത്തിലെ മുറിവുകളും,  വിലാപിലെ മുറിവും കാണിച്ചിട്ട് അദ്ദേഹത്തോട് പറഞ്ഞു;  എനിക്ക് മുറിവേറ്റപ്പോൾ നിനക്കിപ്പോൾ തോന്നുന്നതിൽ അധികം ക്ഷീണം എനിക്ക് തോന്നുകയും, ഞാൻ നീ ഇപ്പോൾ ആയിരിക്കുന്നതിനേക്കാൾ ദുർബലനാകുകയും ചെയ്തിരുന്നു.

വിശുദ്ധ സിറിൽ പറയാറുണ്ട്;
Read more..

 വിശുദ്ധ സിറിൽ പറയാറുണ്ട്;  അഹങ്കാരം എന്ന വിഷം നിന്നിൽ നുരഞ്ഞു പൊങ്ങുന്നുണ്ടെങ്കിൽ ദിവ്യകാരുണ്യത്തിലേക്ക് തിരിയുക; വിശുദ്ധ അപ്പത്തിൽ തന്നെ തന്നെ എളിമപ്പെടുത്തി മറഞ്ഞിരിക്കുന്ന ദൈവം നിന്നെ താഴ്മ പഠിപ്പിക്കും.  ആസക്തിയാകുന്ന മാലിന്യം നിന്നെ ദഹിപ്പിച്ചു കളയുന്നെങ്കില്‍ മാലാഖമാരുടെ ഉദ്യാന വിരുന്നിൽ പങ്കുകൊള്ളുക ക്രിസ്തുവിൻ്റെ കളങ്കമില്ലാത്ത ശരീരം നിന്നെ നിർമ്മലനും പരിശുദ്ധനുമാക്കി തീർക്കും. സ്വാർത്ഥതയും, ദുരാഗ്രഹവും നിന്നിൽ ഉഗ്രമായി വ്യാപിക്കുന്നെങ്കിൽ ദിവ്യകാരുണ്യ അപ്പം ഭക്ഷിക്കുക. അത് നിന്നെ മഹാമനസ്കനും, അത്യുദാരനുമാക്കും. ആത്മനിയന്ത്രണത്തിന് നിനക്ക് കഴിയുന്നില്ലെന്ന മനോവിഷമം ഉണ്ടെങ്കിൽ,  ലോക ജീവിതത്തിൽ വീരോചിതമായ ആത്മ സംയമനം പാലിച്ച ഈശോയുടെ ശരീരവും രക്തവും നിന്നെ പരിപോഷിപ്പിക്കട്ടെ. ആത്മീയ കാര്യങ്ങളിൽ നിനക്ക് അലസതയും മടുപ്പും അനുഭവപ്പെടുന്നുണ്ടെങ്കിൽ സ്വർഗ്ഗീയ അപ്പം കൊണ്ട് നിന്നെത്തന്നെ ശക്തിപ്പെടുത്തുക. 

വിശുദ്ധ കുർബാന സ്വീകരിക്കാൻ നമ്മളേക്കാൾ അവർ യോഗ്യരാണ്
Read more..

  വരാണസിയിൽ ക്രിസ്തു ഭക്താസിനെ  സന്ദർശിച്ചപ്പോൾ 15 വർഷത്തോളം വിശുദ്ധ കുർബാനയിൽ പങ്കെടുക്കുന്ന വ്യക്തികളെ കണ്ടു. പക്ഷേ അവർ മാമോദീസ സ്വീകരിച്ച് ക്രൈസ്തവർ ആയിട്ടില്ല.  അവരുടെ ബലിയർപ്പണത്തിൽ പങ്കാളിത്തം കണ്ടപ്പോൾ അത്ഭുതം തോന്നി. തീർച്ചയായും,  വിശുദ്ധ കുർബാന സ്വീകരിക്കാൻ നമ്മളേക്കാൾ അവർ യോഗ്യരാണ്. ക്രിസ്തു എല്ലാവർക്കു വേണ്ടിയാണ് മരിച്ചതെങ്കിലും എല്ലാവർക്കും വി. കുർബാന സ്വീകരിക്കാൻ കഴിയാത്തതെന്തുകൊണ്ടാണ്? ഈ ചോദ്യത്തിന് മനോഹരമായ ഉത്തരം നൽകുന്നത് ബനഡിക്ട് പതിനാറാം മാർപാപ്പയാണ്.  കുരിശിൽ യേശുവിന്റെ രക്തം ‘എല്ലാവർക്കും വേണ്ടിയാണ് ചിന്തപ്പെട്ടത്’ എന്നാൽ കൂദാശയിൽ ചിന്തപ്പെടുന്ന രക്തം കുറച്ചും കൂടി പരിമിതപ്പെട്ട സമൂഹത്തിനാണ്. അത് ‘അനേകർക്ക് വേണ്ടി  ചിന്തപ്പെടുന്നതാണ്’ ആ രക്തം അനേകർക്ക് ലഭിക്കുന്നു എല്ലാവർക്കും ലഭിക്കുന്നില്ല. ചുരുക്കത്തിൽ യേശുവിൻ്റെ കുരിശുമരണം എല്ലാവർക്കും വേണ്ടിയുള്ളതാണെങ്കിലും, വിശുദ്ധ കുർബാന എന്ന കൂദാശ ‘അനേകർക്ക് വേണ്ടി മാത്രമുള്ളതാണ്’ വിശുദ്ധ കുർബാനയുടെ പരിമിതമാനവും കുരിശു മരണത്തിന്റെ സാർവത്രിക  മാനവും ഇത് അർത്ഥമാക്കുന്നു.

ചോദ്യവും ഉത്തരവും
Read more..

  വിശുദ്ധ കുർബാന കൂദാശകളുടെ കൂദാശയാണ്. മറ്റ് കൂദാശകൾ പ്രസാദവരം പ്രദാനം ചെയ്യുമ്പോൾ, വിശുദ്ധ കുർബാന പ്രസാദവരദായകനെ തന്നെ തരികയാണ്.  മാമോദിസ സ്വീകരണവും, സ്ഥൈര്യലേപനവും വിശുദ്ധ കുർബാനയെന്ന കൂദാശയെയാണ് ലക്ഷ്യം വയ്ക്കുന്നത്. വിശുദ്ധ കുർബാന ക്രൈസ്തവ പ്രവേശനത്തെ പൂർണ്ണതയിൽ എത്തിക്കുന്നു. വിശുദ്ധ കുർബാനയോടുള്ള സ്നേഹം അനുരഞ്ജന കൂദാശകൾ കൂടുതൽ അർത്ഥവത്തായിട്ട് നടത്താൻ നമ്മളെ സഹായിക്കുന്നു.

ചോദ്യവും ഉത്തരവും
Read more..

  വിശുദ്ധ കുർബാനെയെകുറിച്ച് ചിന്തിക്കുമ്പോൾ പലർക്കും ഉള്ള സംശയമാണ്,  കാൽവരിയിലെ ബലി പൂർത്തിയായതല്ലേ;  ഇനി ഒരു ബലിയുടെ അടിസ്ഥാനം എന്താണ്.  ഒന്നാമതായി, വിശുദ്ധ കുർബാന വേറൊരു ബലിയർപ്പണമല്ല;  ഈശോയർപ്പിച്ച കുരിശിലെ ബലിയുടെ പുനരവതരണം ആണ്. വീണ്ടും വീണ്ടും ഉള്ള കുർബാനയർപ്പണങ്ങൾ, കുരിശിലെ ബലിയുടെ രക്ഷാകരഫലം കൂടുതൽ കൂടുതൽ സ്വായത്ഥകമാക്കാൻ വിശ്വാസികൾക്ക് വിശുദ്ധ കുർബാനയിലൂടെ സാധിക്കും.  ഈശോയുടെ ബലി വിശുദ്ധ കുർബ്ബാനയിലൂടെ എല്ലാ കാലത്തും, എല്ലാ സ്ഥലത്തും എല്ലാവർക്കും ലഭിക്കുകയും, സന്നിഹിതമാവുകയും ചെയ്യുന്നു. കുരിശിലെ ബലിയുടെ രക്ഷാകര ഫലങ്ങളും നമ്മൾ സ്വീകരിക്കുന്നു. ഈശോയുടെ  ബലി ഒന്നേയുള്ളൂ അത് പൂർണ്ണമാണ്. ഈശോയുടെ കുരിശിലെ ബലിയുടെ ബാക്കിയോ, പൂർത്തീകരണമോ അല്ല വിശുദ്ധ കുർബാനയർപ്പണം. കാൽവരിയിലും അൾത്താരയിലും ഒരേ  ബലിവസ്തു വാണുള്ളത്. വിശുദ്ധ കുർബാന അതിനോടൊന്നും കുട്ടി ചേർക്കുന്നില്ല,  വർദ്ധമാനമാക്കുന്നില്ല.

വിശുദ്ധ കുർബാന വിതരണം ചെയ്യുമ്പോൾ പലർക്കും ഉള്ള ഒരു സംശയമാണ്; വൈദികൻ അല്ലാതെ മറ്റാർക്കൊക്കെ വിശുദ്ധ കുർബാന വിതരണം ചെയ്യാൻ കഴിയും?
Read more..

   സീറോ മലബാർ സഭയുടെ പ്രത്യേക നിയമം ഇതിനെക്കുറിച്ച് കൃത്യമായി നിർദ്ദേശങ്ങൾ നൽകുന്നുണ്ട്. കാറോയ പട്ടമെങ്കിലും സ്വീകരിച്ചിട്ടുള്ള മേജർ സെമിനാരിക്കാർ, നിത്യ വ്രതവാഗ്ദാനം പൂർത്തിയാക്കിയ സന്ന്യസ്ത സഹോദരൻമാർ,  ഒരു മഠത്തിൻ്റെ സുപ്പീരിയർ, അസിസ്റ്റൻറ് സുപ്പീരിയർ അല്ലെങ്കിൽ  നിത്യ വ്രതവാഗ്‌ദാനം പൂർത്തിയാക്കിയ ഒരു സന്യാസ സഹോദരിക്കും, ദൈവജനത്തിനു പൊതുവേ സ്വീകാര്യമായ  സത്സ്വഭാവിയായ അത്മായ വിശ്വാസികൾക്കുമാണ് വിശുദ്ധ കുർബാന വിതരണം ചെയ്യാൻ അധികാരം ഉള്ളത്; അത്മായ വിശ്വാസികളെ  രൂപതാ അധ്യക്ഷൻ ആണ് തെരഞ്ഞെടുക്കുന്നതും ചുമതല ഏൽപ്പിക്കുന്നതും. ഇവരെ അസാധാരണ ശുശ്രൂഷകരായിട്ടാണ് കണക്കാക്കുന്നത്.  എന്നാൽ സാധാരണ  ശുശ്രൂഷകർ സന്നിഹിതരാണെങ്കിൽ അസാധാരണ ശുശ്രൂഷകർക്ക് വി. കുർബ്ബാന വിതരണം ചെയ്യാൻ അവകാശമില്ല.

സഭയുടെ പാരമ്പര്യത്തിൽ ഏയ്ഞ്ചലോസ് - കർത്താവിൻ്റെ മാലാഖ എന്ന പ്രാർത്ഥനയ്ക്ക് ഒത്തിരി പ്രാധാന്യം കൊടുത്തിട്ടുണ്ട്.
Read more..

 സഭയുടെ പാരമ്പര്യത്തിൽ ഏയ്ഞ്ചലോസ് -  കർത്താവിൻ്റെ മാലാഖ എന്ന പ്രാർത്ഥനയ്ക്ക് ഒത്തിരി പ്രാധാന്യം കൊടുത്തിട്ടുണ്ട്. മൂന്നുനേരങ്ങളിലാണ് സാധാരണയായി കർത്താവിൻ്റെ മാലാഖ എന്ന ജപം ചൊല്ലാറുള്ളത്;  രാവിലെയും ഉച്ചയ്ക്കും വൈകിട്ടും. പ്രഭാതം ആരംഭിക്കുമ്പോൾ, അധ്വാനങ്ങളുടെ മധ്യത്തിൽ, അന്ത്യമയങ്ങുമ്പോൾ.  പരിശുദ്ധ അമ്മയിലൂടെ സംഭവിച്ച മിശിഹാ രഹസ്യങ്ങളുടെ അനുസ്മരണവും,  ധ്യാനവുമാണിത്. ദൈവത്തിന് സ്തുതി അർപ്പിക്കുന്നു, ഈശോയുടെ മരണ ഉത്ഥാന രഹസ്യങ്ങളെ ധ്യാനിക്കുന്നു. വളരെയേറെ അർത്ഥങ്ങൾ ഉൾക്കൊള്ളുന്ന  പ്രാർത്ഥന.  ദിവ്യകാരുണ്യ സ്വീകരണവും, അൾത്താരയും, കൂദാശ വചനങ്ങളുമില്ലാത്ത ബലിയർപ്പണങ്ങളെന്നാണ് കർത്താവിൻ്റെ മാലാഖ എന്ന ജപത്തെ പോൾ ആറാമൻ മാർപാപ്പ,  ‘മരിയാലീസ് കുൾത്തിസ്’ എന്ന തിരുവെഴുത്തിൽ വിവരിക്കുന്നത്.

കൃപാവരം സംരക്ഷിക്കുന്നു, വർദ്ധിപ്പിക്കുന്നു, നവീകരിക്കുന്നു.
Read more..

1. യേശുക്രിസ്തുവുമായുള്ള ഉറ്റ ബന്ധം സാധ്യമാകുന്നു. 

2.  കൃപാവരം സംരക്ഷിക്കുന്നു, വർദ്ധിപ്പിക്കുന്നു, നവീകരിക്കുന്നു.

3. തിൻമയിൽ നിന്നും അകറ്റുന്നു; ലഘുപാപങ്ങൾ തുടച്ചുനീക്കുകയും, മാരക പാപങ്ങളിൽ നിന്ന് സംരക്ഷിക്കുകയും ചെയ്യുന്നു. 

4. സ്നേഹം സജീവമാക്കുന്നു.

5. സൃഷ്ട വസ്തുക്കളോടുള്ള ക്രമരഹിതമായ അടുപ്പം ഇല്ലാതാക്കുന്നു 

വിശുദ്ധ കുർബാനയെ സ്നേഹത്തിന്റെയും ഐക്യത്തിന്റെയും പങ്കുവയ്ക്കലിന്റെയും കൂദാശ
Read more..

വിശുദ്ധ കുർബാന: ആഘോഷിക്കേണ്ട രഹസ്യം

     'സ്നേഹത്തിന്റെ കൂദാശ'യുടെ രണ്ടാം ഭാഗത്ത് കുർബാന ആഘോഷിക്കേണ്ട രഹസ്യമാണെന്ന് പഠിപ്പിക്കുന്നു. വിശുദ്ധ കുർബാനയുടെ ആഘോഷം കർത്താവിന്റെ പെസഹാരഹസ്യത്തിലുള്ള പങ്കുചേരലാണ്. നിങ്ങൾ ഈ അപ്പത്തിൽ നിന്ന് ഭക്ഷിക്കുകയും ഈ പാത്രത്തിൽനിന്ന് പാനം ചെയ്യുകയും ചെയ്യുമ്പോഴെല്ലാം കർത്താവിന്റെ മരണം അവന്റെ പ്രത്യാഗമനംവരെ പ്രഖ്യാപിക്കുകയാണ് ചെയ്യുന്നത് (1 കോറി 11:26). വിശുദ്ധ കുർബാന നമ്മെ മിശിഹായുടെ ആത്മബലിയുടെ കർമ്മത്തിലേക്കു നയിക്കുന്നുവെന്ന് 'സ്നേഹത്തിന്റെ കൂദാശ' പഠിപ്പിക്കുന്നു. (സ്നേഹത്തിന്റെ കൂദാശ 11).

   വിശ്വാസികൾക്ക് പെസഹാരഹസ്യത്തിന്റെ ആഴമേറിയ അനുഭവം ഉണ്ടാകേണ്ടതിന് കുർബാനയിൽ പെസഹാരഹസ്യത്തെ ആവർത്തിച്ച് ആഘോഷിക്കുന്നു. വചനശുശ്രൂഷയിലും ഒരുക്ക ശ്രൂഷയിലും കൂദാശയിലും ദൈവൈക്യശുശ്രൂഷയിലും പെസഹാ രഹസ്യത്തിന്റെ ഓർമ്മ ആചരിക്കുന്നു. ലിറ്റർജിയിലെ ഓർമ്മയാചരണത്തെ (ആഘോഷത്തെ) സൂചിപ്പിക്കുന്ന ഗ്രീക്കു പദമാണ് 'അനംനേസിസ്' (anamnesis). ഇതിന് തുല്യമായ "ഉഹ്ദാന' എന്ന സൂറിയാനി പദമാണ് സീറോമലബാർ കുർബാനയിലുള്ളത്. കുർബാന കേവലം ഒരു ഭൂതകാലസംഭവത്തിന്റെ ഓർമ്മ മാത്രമല്ല. ഈശോമിശിഹായുടെ പീഡാസഹനവും, കുരിശിലെ ബലിയും, ഉത്ഥാനവും സ്ഥലകാലാതീതമായ നിത്യസംഭവമാണ്. അതിനാൽ, ഈ മിശിഹാ സംഭവം വിശുദ്ധ കുർബാനയിലെ ഓർമ്മയാചരണത്തിൽ യഥാർത്ഥമായി സന്നിഹിതമാകുന്നു (ആരാധനക്രമം 47; CCC 1085). വിശുദ്ധ കുർബാനയിൽ അടയാളങ്ങളിലൂടെയും പ്രതീകങ്ങളിലൂടെയും രക്ഷാദായകമായ മിശിഹാരഹസ്യം ആഘോഷിക്കപ്പെടുന്നു.

വിശുദ്ധ കുർബാന: ജീവിക്കേണ്ട രഹസ്യം 

 വിശുദ്ധ കുർബാനയിലെ ഭാഗഭാഗിത്വം അർത്ഥപൂർണ്ണമാകണമെങ്കിൽ നാം കുർബാനാനന്തരബലി അർപ്പിക്കുന്നവരാകണം. കാരണം, കുർബാന ജീവിക്കേണ്ട രഹസ്യമാണ് (സ്നേഹത്തിന്റെ കൂദാശ മൂന്നാം ഭാഗം).

    ഈ അപ്പം ഭക്ഷിക്കുന്നവൻ എന്നേക്കും ജീവിക്കും (യോഹ 6:51). കുർബാനയാകുന്ന ദാനംമൂലം നമ്മിലുണ്ടാകുന്ന രൂപാന്തരീകരണത്തിന്റെ സഹായത്താലാണ് അതു സംഭവിക്കുന്നത് (സ്നേഹത്തിന്റെ കൂദാശ 70). ഈ ലോകജീവിതത്തിൽ പടിപടിയായി സംഭവിക്കേണ്ട പ്രക്രിയയാണത്. പുതിയ നിയമത്തിലെ ബലിയർപ്പണത്തെ വ്യതിരിക്തമാക്കുന്നതാണ് അതിന്റെ സ്വയം സമർപ്പണഭാവവും നമ്മിൽ സംഭവിക്കുന്ന രൂപാന്തരീകരണവും. 

   വിശുദ്ധ പൗലോസ് റോമായിലെ സഭാംഗങ്ങളെ ഇതേപ്പറ്റി അനുസ്മരിപ്പിക്കുന്നതിങ്ങനെയാണ്: “നിങ്ങളുടെ ശരീരങ്ങളെ വിശുദ്ധവും ദൈവത്തിനു പ്രീതീകരവുമായ സജീവബലിയായി സമർപ്പിക്കുവിൻ, ഇതായിരിക്കണം നിങ്ങളുടെ യഥാർത്ഥമായ ആരാധന" (റോമ 12:1). അപ്പസ്തോലിക സഭയിലെ വിശ്വാസികൾ ഒരു ഹൃദയവും ഒരു ആത്മാവുമായി (അപ്പ 4:32) പരസ്പരം പങ്കുവച്ചു ജീവിക്കുന്നതിന് ശക്തി സംഭരിച്ചിരുന്നത്, ശ്ലീഹന്മാരുടെ പ്രബോധനം, കൂട്ടായ്മ, അപ്പം മുറിക്കൽ, പ്രാർത്ഥന (അപ്പ 2:42) എന്നിവയിൽ താത്പര്യപൂർവ്വം പങ്കുചേർന്നു കൊണ്ടാണ്. പരസ്പരസ്നേഹത്തിലൂടെയും, വിശിഷ്യാ, സഹായമർഹിക്കുന്നവരോടുള്ള സഹാനുഭൂതിയിലൂടെയും ഈശോയുടെ യഥാർത്ഥശിഷ്യരായി നമ്മെ തിരിച്ചറിയുമ്പോഴാണ് കുർബാനയർപ്പണത്തിന്റെ സാമൂഹികമാനം നിർണ്ണയിക്കപ്പെടുന്നതെന്ന് വിശുദ്ധ ജോൺ പോൾ രണ്ടാമൻ മാർപാപ്പ 2004-ൽ പ്രസിദ്ധീകരിച്ച നാഥാ, ഞങ്ങളോടൊത്തു വസിച്ചാലും (Mane nobiscum Domine) എന്ന ശ്ലൈഹികലേഖനത്തിൽ പ്രതിപാദിക്കുന്നു. (നാഥാ, ഞങ്ങളോടൊത്തു വസിച്ചാലും 28)

 ദൈവവുമായി നമ്മെ ഒന്നിപ്പിക്കുന്നതോടൊപ്പം, സഹോദരങ്ങളുമായി കൂട്ടായ്മയിൽ ജീവിക്കുവാൻ കുർബാന നമ്മെ ശക്തിപ്പെടുത്തുന്നു. അതുകൊണ്ടാണ് വിശുദ്ധ കുർബാനയെ സ്നേഹത്തിന്റെയും ഐക്യത്തിന്റെയും പങ്കുവയ്ക്കലിന്റെയും കൂദാശയെന്നു വിളിക്കുന്നത് (ആരാധനക്രമം 47)

അവലംബം 

സിറോമലബാർ സഭയുടെ ആരാധനക്രമവിശ്വാസപരിശീലനം; സിറോമലബാർ സിനഡ് പ്രസിദ്ധീകരണം   

വിശുദ്ധ കുർബാനയെപ്പറ്റിയുള്ള സഭയുടെ വീക്ഷണം
Read more..

  വിശുദ്ധ ജോൺ പോൾ രണ്ടാമൻ പാപ്പയുടെ ആഗ്രഹപ്രകാരം 2005-ൽ ദിവ്യകാരുണ്യവർഷം ആചരിക്കുകയുണ്ടായി. അതോടനുബന്ധിച്ചുനടന്ന മെത്രാന്മാരുടെ സിനഡിലെ ചർച്ചകളുടെ വെളിച്ചത്തിൽ ബന്ധിക്ട് 16-ാമൻ മാർപാപ്പ സ്നേഹത്തിന്റെ കൂദാശ (Sacramentum Caritatis) എന്ന പേരിൽ വിശുദ്ധ കുർബാനയെക്കുറിച്ച് ഒരു ശ്ലൈഹിക പ്രബോധനം പുറപ്പെടുവിച്ചു. അതിൽ വിശുദ്ധ കുർബാനയെപ്പറ്റിയുള്ള സഭയുടെ വീക്ഷണം സമഗ്രമായി അവതരിപ്പിക്കുന്നുണ്ട്. മൂന്നു ഭാഗങ്ങളായിട്ടാണ് വിശുദ്ധ കുർബാനയെ ആ പ്രബോധനരേഖയിൽ വിശദീകരിച്ചിരിക്കുന്നത്. വിശ്വസിക്കേണ്ട രഹസ്യം, ആഘോഷിക്കേണ്ട രഹസ്യം, ജീവിക്കേണ്ട രഹസ്യം എന്നിവയാണവ.

വിശുദ്ധ കുർബാന: വിശ്വസിക്കേണ്ട രഹസ്യം

 വിശ്വാസത്തിന്റെ ഏറ്റവും ശ്രേഷ്ഠമായ ആഘോഷമാണ് വിശുദ്ധ കുർബാന. കുർബാന അത്യുൽകൃഷ്ടമായ വിശ്വാസത്തിന്റെ രഹസ്യമാണ്. നമ്മുടെ വിശ്വാസത്തിന്റെ ആകെത്തുകയും സംക്ഷേപവുമാണത്. സഭയുടെ വിശ്വാസം സാരാംശപരമായി കുർബാനാധിഷ്ഠിത വിശ്വാസമാണ്. അത് കുർബാനയുടെ മേശയിൽ സവിശേഷമാംവിധം പരിപോഷിപ്പിക്കപ്പെടുന്നു (സ്നേഹത്തിന്റെ കൂദാശ 6). കുർബാനയിലുള്ള വിശ്വാസത്തിന്റെ ഒന്നാമത്തെ ഘടകം ദൈവത്തിന്റെ തന്നെ രഹസ്യമാണ്; ത്രിത്വാത്മകസ്നേഹമാണത് (സ്നേഹത്തിന്റെ കൂദാശ 7). പരിശുദ്ധ ത്രിത്വത്തിന്റെ സ്നേഹരഹസ്യത്തിൽ പങ്കുചേരാനുള്ള വിളിയാണ് വിശുദ്ധ കുർബാനയിലുള്ളത്.

  ലോകത്തോടുള്ള ദൈവത്തിന്റെ അനന്തമായ സ്നേഹത്തിന്റെ ആവിഷ്കാരമാണ് വിശുദ്ധ കുർബാന. 'എന്തെന്നാൽ, അവനിൽ വിശ്വസിക്കുന്ന ഏവനും നശിച്ചുപോകാതെ നിത്യജീവൻ പ്രാപിക്കുന്നതിനുവേണ്ടി തന്റെ ഏകജാതനെ നല്കുവാൻ തക്കവിധം ദൈവം ലോകത്തെ അത്രമാത്രം സ്നേഹിച്ചു'. ദൈവം തന്റെ പുത്രനെ ലോകത്തിലേക്ക് അയച്ചത് ലോകത്തെ ശിക്ഷയ്ക്ക് വിധിക്കാനല്ല, പ്രത്യുത, അവൻ വഴി ലോകം രക്ഷപ്രാപിക്കാനാണ്' (യോഹ 3: 16-17). ദൈവത്തിന്റെ ഏറ്റവും സ്പഷ്ടമായ കൗദാശികപ്രകാശനമാണ് വിശുദ്ധ കുർബാന. വിശുദ്ധ കുർബാനയിൽ ഈശോ തന്നെത്തന്നെ നമുക്കായി നല്കുന്നു. അവിടുന്നു തന്റെ ജീവന്റെ സമഗ്രതയാണ് നമുക്കു നല്കുന്നത് (സ്നേഹത്തിന്റെ കൂദാശ 7)

  പരിശുദ്ധാത്മാവിന്റെ പ്രവർത്തനത്തിലുള്ള വിശ്വാസത്തിന്റെ ആഘോഷമാണ് വിശുദ്ധ കുർബാന. പിതാവയയ്ക്കുന്ന പരിശുദ്ധാത്മാവാണ് അപ്പത്തെയും വീഞ്ഞിനെയും ഈശോമിശിഹായുടെ ശരീരരക്തങ്ങളാക്കിത്തീർക്കുന്നതും, സമൂഹം മുഴുവനെയും മിശിഹായുടെ ശരീരമാക്കിത്തീർക്കുന്നതും. പരിശുദ്ധാത്മാവ് വിശ്വാസികളെ ഒറ്റ ശരീരമാക്കി മാറ്റുകയും അവരെ പിതാവിന് പ്രീതീകരമായ ആത്മീയബലിവസ്തുവാക്കി മാറ്റുകയും ചെയ്യുന്നു. (സ്നേഹത്തിന്റെ കൂദാശ 13).

അവലംബം 

സിറോമലബാർ സഭയുടെ ആരാധനക്രമവിശ്വാസപരിശീലനം; സിറോമലബാർ സിനഡ് പ്രസിദ്ധീകരണം