സ്പാനിഷ് - മോർ യുദ്ധ പരമ്പരകൾക്കിടെ ദറോക്കയിൽ, 1290 -ൽ ഒരു അത്യപൂർവ്വ അത്ഭുതം സംഭവിക്കുകയുണ്ടായി.
Read more..

സ്പാനിഷ് - മോർ യുദ്ധ പരമ്പരകൾക്കിടെ ദറോക്കയിൽ, 1290 -ൽ ഒരു അത്യപൂർവ്വ അത്ഭുതം സംഭവിക്കുകയുണ്ടായി. കാസലോ ഓഫ് ഷിയോൽ  കീഴടക്കാൻ അണിനിരന്ന സ്പാനിഷ് സൈന്യാധിപന്മാരുടെ  ആവശ്യപ്രകാരം യുദ്ധസ്ഥലത്ത് പുരോഹിതനായിരുന്ന ഡോൺ മാത്യൂ മാർട്ടിനസ് ദിവ്യബലി അർപ്പിക്കുകയായിരുന്നു. ആറ് സൈന്യാധിപന്മാർക്കായി ആറ് തിരുവോസ്തികൾ വാഴ്ത്തി കൂദാശ ചെയ്ത വേളയിൽ മുന്നറിയിപ്പില്ലാതെ ശത്രുക്കളുടെ ആക്രമണം ഉണ്ടായി. ദിവ്യബലി നിർത്തിവെക്കാൻ നിർബന്ധിതനായ പുരോഹിതൻ, ശത്രുക്കളുടെ കണ്ണിൽ പെടാതെ തിരുവോസ്തികൾ തുണിയിൽ പൊതിഞ്ഞ് ഒരു പാറയുടെ കീഴെ ഒളിപ്പിച്ചുവെച്ചു. സ്പാനിഷുകാർ യുദ്ധം ജയ്യിക്കുകയും, വിജയത്തിന് നന്ദിസൂചകമായി ഒളിപ്പിച്ചുവെച്ച തിരുവോസ്തികൾ വീണ്ടെടുക്കാനും സ്വീകരിക്കാനുമായി സ്ഥലത്ത് എത്തിച്ചേരുകയും ചെയ്തു. എന്നാൽ, തിരുവോസ്തികളും അത് പൊതിഞ്ഞിരുന്ന അൾത്താരവിരിയും രക്തത്തിൽ കുതിർന്നിരിക്കുന്നതായാണ് അവർ കണ്ടത്. അവിശ്വസനീയവും, അതിശ്രേഷ്ഠവുമായ ഈ മഹാത്ഭുതത്തിന്റെ തെളിവായ രക്തം പുരണ്ട തിരുവസ്ത്രം ആര് കൊണ്ടുപോകണം എന്നതിൽ തർക്കമുണ്ടാവുകയും, തുടർന്ന് ഭൂരിപക്ഷ അഭിപ്രായപ്രകാരം തിരുവസ്ത്രം കഴുതയുടെ പുറത്തുവെച്ച് കഴുതയെ സ്വതന്ത്രമായി വിടുകയും ചെയ്തു. 12 ദിവസം സഞ്ചരിച്ച് 200 മൈൽ ദൂരം പിന്നിട്ട ശേഷം കഴുത തളരുകയും, ഡെറോക്കയിലെ സെന്റ് മാർക്ക് ദേവാലയത്തിനു മുന്നിൽ വീഴുകയും ചെയ്തു. പ്രസ്തുത സ്ഥലത്ത് പരിശുദ്ധ മറിയത്തിന്റെ നാമധേയത്തിൽ ഒരു ദേവാലയം പണികഴിപ്പിക്കുകയും, രക്തം പുരണ്ട തിരുവസ്ത്രം ഇവിടെ പ്രതിഷ്ഠിക്കുകയും ചെയ്തു. ആ തിരുവസ്ത്രത്തിലെ രക്തശേഷിപ്പ് യാതൊരു വ്യത്യാസവും കൂടാതെ പ്രസ്തുത ദേവാലയത്തിൽ ജീവിക്കുന്ന ദിവ്യകാരുണ്യ അത്ഭുതമായി ഇന്നും വണക്കത്തിലുണ്ട്.

വിശുദ്ധ ആഗസ്റ്റിന്റെ കാലത്ത് വിശുദ്ധ കുർബാനയ്ക്കുശേഷം അൾത്താരയിൽ ഉപയോഗിച്ചിരുന്ന പൂവ് കരസ്ഥമാക്കുന്നതിന് വേണ്ടി വിശ്വാസികൾ മത്സരിച്ചിരുന്നു.
Read more..

   വിശുദ്ധ ആഗസ്റ്റിന്റെ കാലത്ത് വിശുദ്ധ കുർബാനയ്ക്കുശേഷം അൾത്താരയിൽ ഉപയോഗിച്ചിരുന്ന പൂവ് കരസ്ഥമാക്കുന്നതിന് വേണ്ടി വിശ്വാസികൾ മത്സരിച്ചിരുന്നു. അവർ അത് എടുത്തുകൊണ്ടുപോയി ഒരു തിരിശേഷിപ്പുപോലെ ഭക്തിപൂർവ്വം സൂക്ഷിച്ചിരുന്നു. വിശുദ്ധ ബലിയർപ്പണ സമയം മുഴുവനും യേശുവിനരികെ നിന്നിരുന്നത് കൊണ്ടാണ് അവർ ഇപ്രകാരം ചെയ്തിരുന്നത്. വിശുദ്ധ ജെയിൻ ഫ്രാൻസിസ് ഷന്താൾ യേശുവിന് പുതിയ പൂക്കൾ കൊണ്ടുവരുന്നതിൽ വളരെ ഉത്സുകയായിരുന്നു. സക്രാരിയുടെ മുൻപിൽ  പൂക്കൾ വാടുവാൻ തുടങ്ങുമ്പോൾ അവൾ അത് എടുത്തുകൊണ്ടുപോയി അവളുടെ മുറിയിൽ ഉണ്ടായിരുന്ന കുരിശുരൂപത്തിന് ചുവട്ടിൽ വയ്ക്കുമായിരുന്നു.

വിശുദ്ധ ബർത്തലോമിയുടെ നാമധേയത്തിലുള്ള ദേവാലയത്തിൽ ഈസ്റ്റർ ഞായറാഴ്ച
Read more..

  വിശുദ്ധ ബർത്തലോമിയുടെ നാമധേയത്തിലുള്ള ദേവാലയത്തിൽ ഈസ്റ്റർ ഞായറാഴ്ച മിസ്സിസ് ജഹാൻ തൻ്റെ 12 വയസ്സുള്ള മകൻ ബർത്രാദിനെ കൊണ്ടുവന്നു. ഏഴാം വയസ്സിൽ ഉണ്ടായ ഒരു വീഴ്ചയെ തുടർന്ന് ബാലൻ തളർന്നു പോവുകയും, സംസാരശേഷി നഷ്ടപ്പെടുകയും ചെയ്തിരുന്നു.  ദിവ്യകാരുണ്യ സ്വീകരണ സമയം ആയപ്പോൾ തനിക്കും യേശുവിനെ സ്വീകരിക്കണമെന്ന് അവൻ അമ്മയോട് സൂചിപ്പിച്ചു. പുരോഹിതൻ അവന് ദിവ്യകാരുണ്യം നൽകാൻ വിസമ്മതിച്ചു. സംസാരശേഷിയില്ലാത്തതിനാൽ അവന് കുമ്പസാരിക്കാൻ സാധിക്കുകയില്ല എന്നുള്ളതായിരുന്നു കാരണം. എങ്കിലും തനിക്കും ദിവ്യകാരുണ്യം നൽകണമെന്ന് പുരോഹിതനോട് അവൻ ആവർത്തിച്ച് അഭ്യർത്ഥിച്ചു. അവൻ്റെ നിർബന്ധത്തിനു വഴങ്ങി,  പുരോഹിതൻ വിശുദ്ധ കുർബാന നൽകി.  ദിവ്യകാരണ്യം  സ്വീകരിച്ച നിമിഷം തന്നെ ഏതോ നിഗൂഢ ശക്തിയാൽ അവൻ വിറയ്ക്കാൻ തുടങ്ങി. തുടർന്ന് നടക്കാനും സംസാരിക്കാനും സാധിച്ചു.

വിശുദ്ധ ബലിയർപ്പണം നടക്കുമ്പോൾ വൈദികൻ വീഞ്ഞ് കൂദാശ ചെയ്ത ശേഷം ഇത് യഥാർത്ഥത്തിൽ ഈശോയുടെ തിരുരക്തം തന്നെയാണോ എന്ന സംശയത്തിൽ അദ്ദേഹം നിന്നു.
Read more..

  വിശുദ്ധ ബലിയർപ്പണം നടക്കുമ്പോൾ  വൈദികൻ വീഞ്ഞ് കൂദാശ ചെയ്ത ശേഷം ഇത് യഥാർത്ഥത്തിൽ ഈശോയുടെ തിരുരക്തം തന്നെയാണോ എന്ന സംശയത്തിൽ അദ്ദേഹം നിന്നു. പെട്ടന്ന് കാ സയിലുള്ള വീഞ്ഞ് രക്തമായി മാറി. ഇത് കണ്ട് അത്ഭുതപ്പെട്ട വൈദികൻ,  എന്താണ് ചെയ്യേണ്ടതെന്നറിയാതെ ദിവ്യബലിക്ക് ശേഷം മുഖ്യ അൾത്താരയ്ക്ക് പുറകിലുള്ള മതിലിനുള്ളിൽ   ഈ തിരുവോസ്തി  ഒളിപ്പിച്ചു. മതിലിൽ സ്ഥലം ഉണ്ടാക്കാൻ അദ്ദേഹത്തെ സഹായിച്ച ജോലിക്കാരനെ കൊണ്ട് ഈ കാര്യം ആരോടും പറയില്ലെന്ന് അദ്ദേഹം സത്യം ചെയ്യിച്ചു. ആ പുരോഹിതൻ്റെ മരണംവരെ ജോലിക്കാരൻ ഈ രഹസ്യം സൂക്ഷിച്ചുവച്ചു. മരണത്തിനുശേഷം അദ്ദേഹം വെളിപ്പെടുത്തി. തുടർന്ന് മതിലിലെ  സ്ഥലം  തുറന്നു നോക്കിയപ്പോൾ ഇപ്പോഴും അത് ജീവനുള്ള രക്തമായി തന്നെ കാണപ്പെട്ടു. ഈ വാർത്ത പെട്ടെന്ന് തന്നെ വ്യാപിച്ചു.  റോമിലേക്ക് ഈ തിരുശേഷിപ്പ് കൊണ്ടുപോയി. ജൂലിയൻ മാർപാപ്പ ഈ  അത്ഭുതം  യഥാർത്ഥമാണ് എന്ന് പ്രഖ്യാപിച്ചുകൊണ്ട് വണങ്ങാനുള്ള അനുവദി കൊടുത്തു. തെരുവുകളിലൂടെ അദ്ദേഹം തന്നെ തിരുശേഷിപ്പും വഹിച്ചുകൊണ്ട് ധാരാളം തവണ ദിവ്യകാരുണ്യ പ്രദിക്ഷണം നടത്തിയിട്ടുണ്ട്.

മരണാസന്നനായ ഒരു രോഗിക്ക് ദിവ്യ കാരുണ്യം സ്വീകരിക്കണമെന്ന ആഗ്രഹം അദ്ദേഹത്തിൻ്റെ വീട്ടുകാർ കാഷായിലെ ഒരു സന്യാസ പുരോഹിതനെ അറിയിച്ചു.
Read more..

   മരണാസന്നനായ ഒരു രോഗിക്ക് ദിവ്യ കാരുണ്യം സ്വീകരിക്കണമെന്ന ആഗ്രഹം അദ്ദേഹത്തിൻ്റെ വീട്ടുകാർ കാഷായിലെ ഒരു സന്യാസ പുരോഹിതനെ അറിയിച്ചു. വൈദികൻ ദിവ്യകാരുണ്യം കൊണ്ടുപോകുന്നതിനായുള്ള തിരുപാത്രം അന്വേഷിച്ച് കാണായ്കയിൽ,  ഒരു പുസ്തകത്തിനുള്ളിൽ വച്ചാണ് കൊണ്ടുപോയത്. രോഗിയായ കർഷകനെ കുമ്പസാരിപ്പിച്ച ശേഷം ദിവ്യകാരുണ്യം നൽകാൻ പുസ്തകം തുറന്നപ്പോൾ കണ്ട കാഴ്ച പുരോഹിതനെ അത്ഭുതപ്പെടുത്തി. പുസ്തകത്തിനുള്ളിലെ തിരുവോസ്തി രക്തത്താൽ കുതിർന്നിരിക്കുന്നു. ഒപ്പം രക്തം പുസ്തകത്താളിൽ  ഇരുപുറങ്ങളിലും പടർന്ന്, പേജുകളും തിരുരക്തത്താൽ കുതിർന്നിരുന്നു.  ഭയന്നു വിറച്ച അദ്ദേഹം രോഗിക്ക് ദിവ്യകാരുണ്യം കൊടുക്കാതെ ആ വീട്ടിൽ നിന്ന് ഇറങ്ങി ഓടി. ആശ്രമത്തിന്റെ സുപ്പീരിയർ ഈ അത്ഭുതം കണ്ട്  ബോധ്യപ്പെടുകയും,  പുസ്തകത്താളിൽ ദിവ്യകാരുണ്യം കൊണ്ടുപോയതിന് ക്ഷമിക്കുകയും ചെയ്തു.  ഈ അത്ഭുത തിരുവോസ്തി  നനഞ്ഞ പുസ്തകത്താളുകൾക്കൊപ്പം  പരസ്യമായ വണക്കത്തിനും, ആരാധനയ്ക്കുമായി ഇപ്പോഴും പ്രതിഷ്ഠിച്ചിരിക്കുന്നു. നിരവധി  മാർപാപ്പാന്മാർ അത്ഭുതത്തെ വണങ്ങുന്നവർക്ക് ദണ്ഡ വിമോചനം പ്രഖ്യാപിച്ചിട്ടുണ്ട്. വീണ്ടും ഒരിക്കൽ ഈ അത്ഭുത തിരുവോസ്തിയിൽ ഈശോയുടെ മുഖം തെളിഞ്ഞുവന്നു. അതിന്നും മായാതെ നിലകൊള്ളുന്നുണ്ട്. 

ബലിയർപ്പണം മുടങ്ങിയപ്പോൾ കണ്ണീരണിഞ്ഞവർ !!
Read more..

   ഒരിക്കൽ വിശുദ്ധ ഫൗസ്റ്റീനാ ഒരു സ്വപ്നം കണ്ടു;  തനിക്ക് നാളെ വിശുദ്ധ ബലിയർപ്പണത്തിൽ പങ്കെടുക്കാൻ സാധിക്കുകയില്ല. വിശുദ്ധ തന്റെ ഡയറിയിൽ കുറിച്ചുവച്ചു. നാളെ വിശുദ്ധ ബലിയർപ്പണത്തിൽ പങ്കെടുക്കാൻ കഴിയുകയില്ല എന്ന സ്വപ്നത്തിനു ശേഷം അവൾ കണ്ണീര് കൊണ്ട് തന്റെ കിടക്ക നനച്ചു. ഒരിക്കൽ വിശുദ്ധ ജമ്മ ഗൽഗാനി യോട്  അവളുടെ ആത്മീയ പിതാവ് വരുന്ന ദിവസങ്ങളിൽ വിശുദ്ധ ബലിയർപ്പണത്തിൽ പങ്കെടുക്കരുതെന്ന് ആവശ്യപ്പെട്ടു. അവളുടെ ആത്മീയ ജീവിതത്തിന് ഒരു പരീക്ഷണം ആയിട്ടാണ് അദ്ദേഹം ഇങ്ങനെ നിർദ്ദേശിച്ചത്. വിശുദ്ധ അദ്ദേഹത്തിനെഴുതി,  പിതാവേ വിശുദ്ധ ബലിയർപ്പണം എനിക്ക് ഒരിക്കലും മുടക്കരുത്. ഇതെഴുതുമ്പോൾ തന്നെ കണ്ണുനീർ നിറഞ്ഞ എൻ്റെ കണ്ണുകൾ കൊണ്ട് അക്ഷരങ്ങൾ  കാണാതെ പോവുകയാണ്.

ഫെബ്രുവരിയിൽ അമേരിക്കയിലെ ഇന്ത്യനാപോളിസിൽ നടന്ന ദിവ്യകാരുണ്യ അത്ഭുതം ഏവരെയും അതിശയിപ്പിക്കുന്നു !!!
Read more..

  ഇന്ത്യാന: അമേരിക്കന്‍ സംസ്ഥാനമായ ഇന്ത്യാനയില്‍ തിരുവോസ്തി രക്ത രൂപത്തിലായ അത്ഭുത സംഭവത്തില്‍ വിശദമായ പഠനത്തിന് സഭാനേതൃത്വം. ഇന്ത്യാനയിലെ മോറിസില്‍ സ്ഥിതി ചെയ്യുന്ന സെൻ്റ് ആൻ്റണീസ് ഓഫ് പാദുവ ദേവാലയത്തിലാണ് ദിവ്യകാരുണ്യ അത്ഭുതം നടന്നത്. സംഭവത്തില്‍ വിശദമായ പഠനം നടക്കുന്നതിനാല്‍ വിഷയത്തില്‍ ഔദ്യോഗിക സ്ഥിരീകരണം സഭ നല്‍കിയിട്ടില്ല. കൂദാശ ചെയ്യപ്പെട്ട തിരുവോസ്തി ഭക്ഷിക്കാനാവാത്തവിധം കേടാവുകയോ നിലത്തുവീണ് അഴുക്കുപുരളുകയോ ചെയ്താൽ തിരുവോസ്തി വെള്ളത്തില്‍ അലിയിപ്പിച്ച് ആ ജലം ഭൂമിയിലേക്ക് നേരിട്ടു പതിക്കത്തക്കവണ്ണം ഒഴുക്കി കളയുന്നതാണ് പതിവ്. ഇത്തരത്തില്‍ മോറിസിലെ ദേവാലയത്തില്‍ നിലത്തു വീണ ഓസ്തിയില്‍ സംഭവിച്ച രൂപമാറ്റമാണ് ഏവരെയും അതിശയിപ്പിക്കുന്നത്. ഫെബ്രുവരി 21-ന് ദേവാലയത്തില്‍ നടന്ന വിശുദ്ധ കുർബാനയ്ക്കിടെ രണ്ടു തിരുവോസ്തി നിലത്തുവീണിരിന്നു. ഇത് ഉപയോഗിക്കാന്‍ കഴിയാത്ത അവസ്ഥയായതിനാല്‍ തിരുസഭയുടെ നടപടിക്രമം അനുസരിച്ച് വെള്ളത്തിൽ അലിയിപ്പിക്കുവാന്‍ തീരുമാനിക്കുകയായിരിന്നു. ഇക്കഴിഞ്ഞ ശനിയാഴ്ച തിരുവോസ്തി വെള്ളത്തില്‍ അലിഞ്ഞുചേർന്നോ എന്നറിയാൻ പ്രധാന അള്‍ത്താര ശുശ്രൂഷി സക്രാരി തുറന്നപ്പോള്‍ കണ്ടത് അമ്പരപ്പിക്കുന്ന ദൃശ്യമായിരിന്നു. വെള്ളത്തില്‍ അലിയിപ്പിക്കാന്‍വെച്ച തിരുവോസ്തിയില്‍ "രക്തം". ഉടനെ തന്നെ അള്‍ത്താര ശുശ്രൂഷി ഇടവക വികാരിയെ ഇക്കാര്യം അറിയിച്ചു.

വൈകാതെ തിരുവോസ്തി വെള്ളത്തില്‍ നിന്നു നേരിട്ടു സക്രാരിയിലേക്ക് മാറ്റി. ചുവപ്പ് നിറത്തിലുള്ള ആവരണമാണ് തിരുവോസ്തിയില്‍ തങ്ങള്‍ കണ്ടതെന്ന് പ്രധാന അള്‍ത്താര ശുശ്രൂഷി പറയുന്നു. ഇവയുടെ ദൃശ്യങ്ങളും പുറത്തുവന്നിട്ടുണ്ട്.  അതേസമയം അത്ഭുതത്തെ വിശദമായ പഠനങ്ങള്‍ക്ക് വിധേയമാക്കിയതിന് ശേഷം മാത്രമേ വത്തിക്കാന്‍ വിശ്വാസ കാര്യാലയം ഇതിന് സ്ഥിരീകരണം നല്‍കുകയുള്ളൂ. പഠനത്തിനും അന്വേഷണത്തിനും വേണ്ടി വത്തിക്കാനെ സമീപിക്കുവാന്‍ ഒരുങ്ങുകയാണ് ഇന്ത്യാനപോളിസ് അതിരൂപത.

സിനിമ നിരൂപണം;
Read more..

   ഞായറാഴ്ച പരിശുദ്ധമായി ആചരിക്കാൻ ഒളിമ്പിക്സ് 100  മീറ്റർ ഹീറ്റ്‌സിൽ നിന്നും പിന്മാറിയ അത്‍ലറ്റിന്റെ കഥ സിനിമയായപ്പോൾ: സിനിമ നിരൂപണം; 'ചാരിറ്റസ് ഓഫ് ഫയർ'

      ചാരിറ്റസ് ഓഫ് ഫയർ ഒരു ചരിത്ര കായിക സിനിമയാണ്.  ഇത് സംവിധാനം ചെയ്തത് ഹ്യൂജ് ഹഡ്സൺ, തിരക്കഥ രചിച്ചത് കോളിൽ വെല്ലാൻ്റ്, നിർമ്മാണം ഡേവിസ് പുട്ട്നാം. അഭിനയിച്ചിരിക്കുന്നത്; ബെൻ ക്രോസ്, ഇയാൻ ചാൾസൺ തുടങ്ങിയവരാണ്. 30 മാർച്ച് 1981, ലണ്ടനിലാണ് പ്രദർശനമാരംഭിച്ചത്. രണ്ട് മണിക്കൂർ നാലു മിനിട്ടാണ് സിനിമയുടെ ദൈർഘ്യം. 5.5 മില്യൺ ബഡ്ജറ്റിൽ നിർമ്മാണം പൂർത്തിയാക്കിയ, ‘ ചാരിയറ്റ്സ് ഓഫ് ഫയർ’ 59 മില്യൺ തിയറ്റേറിൽ നിന്നും നേടി. 

       എറിക് ലിഡൽ എന്ന അത്‌ലറ്റ് 1924 - ൽ പാരീസിൽ നടന്ന ഒളിമ്പിക്സിൽ ബ്രിട്ടനെ പ്രതിനിധികരിച്ച് 100, 400, 200 ഹർഡിൽസ് വിഭാഗത്തിൽ പങ്കെടുക്കാൻ യോഗ്യനായി. 100 മീറ്ററിൻ്റെ ഹീറ്റ്സ് ക്രമീകരിച്ച ദിവസം ഞായാറാഴ്ചയായതിനാൽ ലിസൽ തൻ്റെ ഏറ്റവും പ്രിയപ്പെട്ട മത്സരവിഭാഗത്തിൽ നിന്ന് പിൻമാറി. 400 മീറ്ററിൽ ഒളിമ്പിക്സ് റെക്കോർഡോടെ സ്വർണ്ണം നേടിയ ലിഡൽ, 200 മീറ്ററിൽ  വെങ്കലവും സ്വന്തമാക്കി. ഈ ഐതിഹാസിക കഥയാണ്, ‘ ചാരിയറ്റ്സ് ഓഫ് ഫയർ’ എന്ന സിനിമ അവതരിപ്പിക്കുന്നത്.

      ഇത് ലിഡ്ഡലിന്റെ കഥതന്നെയാണ്.അദ്ദേഹം വളരെ ഭക്തനായ ക്രിസ്ത്യാനിയായിരുന്നു. സ്‌കോട്ട്‌ലന്റ്കാരായ മാതാപിതാക്കൾക്ക് ജനിച്ച ഒരു കുട്ടിയാണ് ലിഡൽ. അവർ ക്രിസ്തുവിനോടുള്ള സ്‌നേഹത്തെപ്രതി സ്വദേശം വിട്ട് ചൈനയിൽ മിഷനറിവേല ചെയ്യുകയാണ്. അവിടെവച്ചാണ് ലിഡൽ ജനിച്ചത്. അവന് മാതാപിതാക്കളെപ്പോലെ ഒരു മിഷനറിയായിത്തീരണമെന്ന് ആഗ്രഹമുണ്ട്. ഏറെ പരിശീലനങ്ങൾക്കുശേഷം ഒളിമ്പിക്‌സിൽ ബ്രിട്ടനെ പ്രതിനിധീകരിക്കുവാൻ തിരഞ്ഞെടുക്കപ്പെട്ടു. നൂറു മീറ്ററാണ് അദ്ദേഹത്തിന്റെ ഇനം. പക്ഷേ, വലിയൊരു പ്രതിസന്ധി ലിഡലിന്റെ ജീവിതത്തിൽ വന്നു. ഹീറ്റ്‌സ് മത്സരങ്ങൾ ക്രമീകരിച്ചത് ഒരു ഞായറാഴ്ചയാണ്. ഞായറാഴ്ച കർത്താവിന്റെ ദിവസമാണ്.  ഒളിമ്പിക്‌സിൽ നൂറു മീറ്ററിൽ സ്വർണമെഡൽ കിട്ടുമെന്ന് എല്ലാവരും പ്രതീക്ഷിച്ചിരുന്ന ഒരു താരമാണ് ഈ തീരുമാനം എടുക്കുന്നതെന്ന് ഓർക്കണം. അദ്ദേഹം ഹീറ്റ്‌സിൽ പങ്കെടുത്തില്ല. അധികാരികൾ വലിയ സമ്മർദം ചെലുത്തിയിട്ടും ലിഡൽ വഴങ്ങിയില്ല. അദ്ദേഹത്തിന്റെ ഈ വലിയ തീരുമാനം ലോകശ്രദ്ധയാകർഷിച്ചു. മാധ്യമങ്ങൾ ഈ വാർത്ത വലിയ പ്രാധാന്യത്തോടെ പ്രസിദ്ധീകരിച്ചു. 

എഡി 887 -ൽ വിശുദ്ധനായ ജോൺ ഒരു ദേവാലയം പണിയുകയും, മനോഹരമായിട്ടുള്ള കാൽവരിയുടെ ഒരു പുനരാവിഷ്കരണം ഉൾക്കൊള്ളുന്ന ഒരു ശില്പം നിർമ്മിക്കുകയും ചെയ്തു.
Read more..

   എഡി 887 -ൽ വിശുദ്ധനായ ജോൺ ഒരു ദേവാലയം പണിയുകയും,  മനോഹരമായിട്ടുള്ള കാൽവരിയുടെ ഒരു പുനരാവിഷ്കരണം ഉൾക്കൊള്ളുന്ന ഒരു ശില്പം നിർമ്മിക്കുകയും ചെയ്തു. യേശുവിൻ്റെ ശരീരം കുരിശിൽ   കിടക്കുന്നതും,  മാതാവും,  അരിമത്തിയക്കാരൻ ജോസഫും,  നിക്കേദേമോസും,  യേശു സ്നേഹിച്ചിരുന്ന ശിഷ്യനായ യോഹന്നാൻ ശ്ലീഹായും,  യേശുവിന്റെ ഇരുവശങ്ങളിലും ക്രൂശിക്കപ്പെട്ട രണ്ട് കള്ളന്മാരും,  ഉണ്ടായിരുന്ന വളരെ മനോഹരമായ ഈ ചിത്രത്തിൽ വിശുദ്ധൻ യേശുവിൻ്റെ  നെറ്റിത്തടത്തിൽ ദിവ്യകാരുണ്യം  പ്രതിഷ്ഠിക്കാനായി ഏകദേശം രണ്ടര ഇഞ്ച് വ്യാസത്തിൽ ഒരു കുഴിവ് എടുത്തിരുന്നു. 1251 -ൽ  നെറ്റിത്തടത്തിലെ സ്ഥലത്ത് ദിവ്യകാരുണ്യ പ്രതിഷ്ഠിച്ചു. കാലം കടന്നു പോയപ്പോൾ എല്ലാവരും അതേക്കുറിച്ചു മറന്നു പോവുകയും, 1426 -ൽ സ്വരൂപം നവീകരിച്ചപ്പോൾ, ക്രൂശിതരൂപത്തിൻ്റെ നെറ്റിത്തടത്തിൽ ഉള്ള പ്രത്യേക സ്ഥലം കണ്ടെത്തുകയും, അത് വെള്ളി കൊണ്ടുള്ള ഒരു അടപ്പിനാൽ മൂടിയിരിക്കുന്നത് ശ്രദ്ധിക്കുകയും ചെയ്തു. തുടർന്ന്, സഭാധികരികൾ അത് തുറന്നു നോക്കിയപ്പോൾ, അതിനകത്ത് വെള്ള തുണിയിൽ പൊതിഞ്ഞ ഒരു തിരുവോസ്തി കാണപ്പെട്ടു.  ഒരു ചെറിയ കടലാസിൽ 1251 -ൽ കൂദാശ ചെയ്തത് എന്നും രേഖപ്പെടുത്തിയിരുന്നു. തിരുവോസ്തി പുറത്തെടുത്ത് പരിശോധിച്ചപ്പോൾ ഇത്രയും  വർഷം കഴിഞ്ഞിട്ടും ആ തിരുവോസ്തിക്ക് യാതൊരുവിധ കേടുപാടും സംഭവിച്ചിട്ടില്ലാത്തതായി കണ്ടെത്തി. പിന്നീട് 771 വർഷങ്ങൾ കഴിഞ്ഞിട്ടും അതേ നിലയിൽ തന്നെ കാണപ്പെട്ടു. നിരവധി യുദ്ധങ്ങളും കലാപങ്ങളും കടന്നുപോയി. ഇന്നും തിരുവോസ്തി വണക്കത്തിനായി നൽകപ്പെടുന്നു. 

വിശുദ്ധ ജെർത്രൂദിൻ്റെ ദർശനങ്ങളിൽ നാം ഇങ്ങനെ വായിക്കുന്നു
Read more..

   വിശുദ്ധ ജെർത്രൂദിൻ്റെ ദർശനങ്ങളിൽ നാം ഇങ്ങനെ വായിക്കുന്നു. മുഖ്യദൂതനായ വിശുദ്ധ മിഖായേലിന്റെ തിരുനാൾ ദിവസം, ദിവ്യബലിയിൽ പങ്കെടുത്തു കൊണ്ടിരിക്കെ വിശുദ്ധ ഇങ്ങനെ പറഞ്ഞുകൊണ്ട് യേശുവിന്റെ തിരുശരീരവും തിരു രക്തവും സമർപ്പിച്ചു. എൻ്റെ പ്രിയ നാഥാ ഈ പരമ പവിത്ര കൂദാശ ഈ മഹാരാജകുമാരന്റെ വണക്കത്തിനായി, എല്ലാ മാലാഖ  വൃന്ദങ്ങളുടെയും നിത്യ സ്തുതിക്കും അവരുടെ ആനന്ദവും മഹത്വവും വർധമാനമാകുന്നതിന് വേണ്ടി ഞാൻ സമർപ്പിക്കുന്നു. ഈ സമർപ്പണം ദൈവമെത്രയധികം അത്ഭുതകരമായ രീതിയിൽ സ്വീകരിച്ചു എന്നും,  മാലാഖമാർ അവർണ്ണനീയമായ  ആനന്ദോലാസത്തിലായെന്നും കാണാൻ ജെർത്രൂദിന് ദൈവം അവസരം കൊടുത്തു.  മാലാഖമാർ അപ്പോൾ തന്നെ നിത്യാനന്ദത്തിൽ അല്ലായിരുന്നെങ്കിൽ ഈ ഒറ്റ പ്രവർത്തി കൊണ്ട് തന്നെ അവർക്ക് നിത്യാനന്ദം ലഭിക്കുമായിരുന്നു എന്ന് തോന്നിക്കുമാറ് അവർ അത്രയധികം സന്തോഷിച്ചിരുന്നു എന്ന് കണ്ടു. ഈ കാരണത്താൽ മാലാഖമാരുടെ ഗണങ്ങൾ വരിവരിയായി വന്ന ബഹുമാനപൂർവ്വം നന്ദി അർപ്പിച്ചു. വിശുദ്ധ ആരാധ്യമായ ദിവ്യ കൂദാശ അർപ്പിച്ചത് മാലാഖമാർ കല്ല് പിന്നെയോ ത്രിയേക ദൈവത്തിനാണ്.

റോമിനടുത്തുള്ള ഫോർമെല്ലോ എന്ന സ്ഥലത്ത് സ്വമേധയാ സ്ഥാനമൊഴിഞ്ഞ് അതീവ ഭക്തി തീഷ്ണതയോടെ പരിശുദ്ധ കുർബാന അർപ്പിക്കുന്ന ഒരു മെത്രാൻ ഉണ്ടായിരുന്നു.
Read more..

    റോമിനടുത്തുള്ള ഫോർമെല്ലോ എന്ന സ്ഥലത്ത് സ്വമേധയാ സ്ഥാനമൊഴിഞ്ഞ് അതീവ ഭക്തി തീഷ്ണതയോടെ പരിശുദ്ധ കുർബാന അർപ്പിക്കുന്ന ഒരു മെത്രാൻ ഉണ്ടായിരുന്നു. എങ്കിലും ചില ദുഷ്ടബുദ്ധികൾ അദ്ദേഹം വിശുദ്ധപാത്രങ്ങൾ തീൻമേശയിൽ ഉപയോഗിച്ചു എന്നൊരു വ്യാജ ആരോപണം മാർപാപ്പയെ അറിയിക്കുകയും അത് വിശ്വസിച്ച മാർപാപ്പ മെത്രാനെ റോമിലേക്ക് വരുത്തി ജയിലിൽ അടയ്ക്കുകയും ചെയ്തു. അപ്രകാരം മെത്രാനെ തടങ്കലിൽ ഇട്ടതിന്റെ മൂന്നാം നാൾ,  ഞായറാഴ്ച ദിവസം രാവിലെ ഒരു ദൈവദൂതൻ പ്രത്യക്ഷപ്പെട്ട് മാർപാപ്പയോട് പറഞ്ഞു,  ഇന്ന് നീയോ വേറെ ഏതെങ്കിലും പുരോഹിത പ്രമുഖരോ ദിവ്യബലി അർപ്പിക്കരുത്. മെത്രാൻ മാത്രം ദിവ്യബലി അർപ്പിക്കണം. ഉറക്കമുണർന്ന മാർപ്പാപ്പ ചിന്തിച്ചു ദൈവം  നിന്ദ നടത്തിയ മെത്രാനെക്കൊണ്ട് ബലിയർപ്പിക്കാൻ ഞാൻ അനുവദിക്കാൻ പാടുണ്ടോ? വീണ്ടും ദൈവദൂതൻ അദ്ദേഹത്തോട് പറഞ്ഞു; മെത്രാൻ  അല്ലാതെ വേറെ ആരും ബലിയർപ്പിക്കാൻ പാടില്ല; ഈ ആജ്ഞ അനുസരിച്ച മാർപാപ്പ മെത്രാനെ വിളിച്ചുവരുത്തുകയും,  അദ്ദേഹത്തിൻ്റെ ജീവിതചര്യകൾ ചോദിച്ചറിയുകയും, ആരോപിക്കപ്പെട്ട കുറ്റങ്ങളെ കുറിച്ച് പറയാൻ അവസരം കൊടുക്കുകയും ചെയ്തു. മെത്രാൻ രണ്ടു വാക്യങ്ങൾ മറുപടിയായി പറഞ്ഞു;  ഞാൻ ഒരു പാപിയാണ്.  ബലിപീഠ ഉപയോഗത്തിനായി മാറ്റി വച്ചിരിക്കുന്ന പാത്രം താങ്കളുടെ തീൻമേശയിൽ ഉപയോഗിച്ചോ? അദ്ദേഹം മറുപടി പറഞ്ഞു: ഞാൻ ഒരു പാപിയാണ്. മറ്റൊരു മറുപടിയും ലഭിക്കാത്തതിനാൽ മാർപാപ്പ ഉത്തരവിട്ടു. ഇന്ന് താങ്കൾ ഞങ്ങളുടെ സാന്നിധ്യത്തിൽ പരിശുദ്ധ കുർബാന അർപ്പിക്കുക. ബലി  മദ്ധ്യേ  പരിശുദ്ധാത്മാവ് സ്വർഗ്ഗത്തിൽ നിന്ന് ഇറങ്ങി വരുന്നതും, കാർമികന്റെയും ശുശ്രൂഷികളുടെയും ചുറ്റിലും ഒരു പ്രകാശ വലയം നിറയുന്നതും അവർ കണ്ടു. മെത്രാൻ്റെ നിരപരാധിത്വവും, വിശുദ്ധിയും ബോധ്യപ്പെട്ട മാർപാപ്പ അദ്ദേഹത്തെ ജയിലിൽ അടച്ചതിന് മാപ്പ് ചോദിക്കുകയും മോചിപ്പിക്കുകയും ചെയ്തു.

രക്തസാക്ഷിയും മെത്രാനുമായ വിശുദ്ധ ക്ലെമൻ്റൻ്റെ ജീവിതത്തിൽ സംഭവിച്ച ഒരു അനുഭവം;
Read more..

   രക്തസാക്ഷിയും മെത്രാനുമായ വിശുദ്ധ ക്ലെമൻ്റൻ്റെ ജീവിതത്തിൽ സംഭവിച്ച ഒരു അനുഭവം;  അദ്ദേഹത്തെ സയോക്ലീഷ്യൻ റോഡ്സ് ദ്വീപിലേക്ക് അയച്ചപ്പോൾ അവിടുത്തെ മെത്രാന്റെ അഭ്യർത്ഥന അനുസരിച്ച് അദ്ദേഹം പരിശുദ്ധ കുർബ്ബാന അർപ്പിക്കുകയായിരുന്നു.  കൂദാശ വചനങ്ങൾ ഉച്ചരിച്ച് സമയത്ത് തിരുവോസ്തി കത്തുന്ന കൽക്കരികട്ട പോലെ എല്ലാവർക്കും കാണപ്പെട്ടു. ഒരു വലിയ  വൃന്ദം മാലാഖമാർ തിരുവോസ്തിക്കും ചുറ്റും ആരാധന നടത്തുന്നതും അവർ കണ്ടു. അവിടെ കൂടിയിരുന്ന ആർക്കും തന്നെ നേരിട്ട് നോക്കാൻ ആവാത്ത വിധം അത്ര തീക്ഷണമായിരുന്നു ആ തീകട്ടയുടെ പ്രകാശം.  വി. ക്ലമൻ്റ് തിരുവോസ്തി ഉൾക്കൊള്ളാൻ വരുന്നതുവരെ അതിന്റെ പ്രകാശവും പ്രഭയും നിലനിന്നു.

സന്യാസിനിയും ആശ്രമാധിപയുമായിരുന്ന ഗിൽഡേ ഗാർഡ് പറയുന്നു
Read more..

  സന്യാസിനിയും ആശ്രമാധിപയുമായിരുന്ന ഗിൽഡേ ഗാർഡ് പറയുന്നു,  ഒരു അവസരത്തിൽ ബലിയർപ്പിക്കുന്ന വൈദികൻ അൾത്താരയിലേക്ക് ചെന്നപ്പോൾ സ്വർഗ്ഗത്തിൽ നിന്ന് ഒരു മഹാപ്രകാശം ഇറങ്ങിവന്ന് അൾത്താരയെ ആകെ തേജോമയമാക്കുന്നത് ഞാൻ കണ്ടു. വൈദികൻ ദിവ്യബലി കഴിഞ്ഞ് അവിടെ നിന്ന് പോരുന്നത് വരെ ആ  പ്രകാശം അവിടെത്തന്നെ ഉണ്ടായിരുന്നു. വൈദികൻ, അതിവിശുദ്ധ സ്ഥലത്ത് ചെന്ന് കൂദാശ വചനങ്ങൾ ഉച്ചരിച്ചു തുടങ്ങിയപ്പോൾ, അസാധാരണമായ ഒരു തിളക്കം മുകളിൽ നിന്ന് ഇറങ്ങി വരികയും,  അപ്പത്തിന്റെയും വീഞ്ഞിൻ്റെയുമേൽ ആവസിച്ച് അവയെ പ്രകാശമാനമാക്കുകയും ചെയ്തു. സൂര്യരശ്മികൾ തട്ടി ചില്ല് തിളങ്ങുന്നതിന് സമാനമായിരുന്നു അത്. ആ പ്രകാശത്തിൽ വിശുദ്ധ വസ്തുക്കൾ സ്വർഗ്ഗത്തിലേക്ക് ഉയർന്നു. തിരിച്ചു വന്നപ്പോൾ യഥാർത്ഥത്തിൽ മാംസവും രക്തവുമായി മാറിയിരുന്നു. എങ്കിലും മനുഷ്യദൃഷ്ടികൾക്ക് അവ അപ്പവും വീഞ്ഞും ആയി തന്നെ കാണപ്പെട്ടു. ആ മാംസത്തിലേക്ക് രക്തത്തിലേക്ക് നോക്കിയപ്പോൾ എനിക്ക് നമ്മുടെ രക്ഷകന്റെ മനുഷ്യാവതാരവും ജനനവും പീഡാസഹനവും മനുഷ്യപുത്രൻ ഭൂമിയിൽ ജീവിച്ചിരുന്ന കാലത്തേതു പോലെ തന്നെ ഒരു കണ്ണാടിയിൽ കാണുന്ന പ്രതീതിയിൽ അനുഭവവേദ്യമായി. തീ വിറകിനെ അഗ്നിസ്പുല്ലിംഗം ആക്കി മാറ്റുന്നതുപോലെ പരിശുദ്ധാത്മാവ് ഇറങ്ങിവന്ന് അപ്പത്തെയും  വീഞ്ഞിനെയും നമ്മുടെ കർത്താവിൻ്റെ തിരു ശരീര രക്തങ്ങൾ ആക്കി മാറ്റുന്ന ഈ പ്രക്രിയ എത്ര അതിശയകരമാണെന്ന് വിശുദ്ധ ഗാർഡിന്റെ ദർശനം കാണിക്കുന്നു.

ഒത്തിരിയേറെ ദിവ്യകാരുണ്യ അത്ഭുതങ്ങൾ ലോകത്തിൽ സംഭവിച്ചിട്ടുണ്ട്. അവയുടെ പൊതുവായ ചില ശാസ്ത്രീയ കണ്ടെത്തലുകൾ ചുവടെ ചേർക്കുന്നു.
Read more..

1. മാംസം യഥാർത്ഥ മാംസവും രക്തം യഥാർത്ഥ രക്തവുമാണ്. അത് മനുഷ്യ ശരീരത്തിലെ തന്നെയാണ്. 

2. ഈ ശരീര ഭാഗം ഹൃദയ പേശികളുടെ ഭാഗമാണ്. 

3. എ ബി പോസറ്റീവ് രക്ത ഗ്രൂപ്പാണ് ഈ വ്യക്തിയുടേത്.

4. രക്ത സാമ്പിളുകൾ മധ്യ പൂർവ ദേശത്തെ ജനങ്ങളുടെ സവിശേഷതകളുമായി ഇണങ്ങുന്നതാണ്. 

5. രക്തത്തിൽ ശ്വേതാ രക്താണുക്കളുടെ ശക്തമായ സാന്നിധ്യം കാണാൻ കഴിഞ്ഞു; ജീവിക്കുന്ന വ്യക്തിയുടെ ശരീരത്തിൽ മാത്രമേ ഈ രക്താണു കാണാൻ സാധിക്കൂ !! വർഷങ്ങൾ കഴിഞ്ഞിട്ടും തിരുശരീരം ജീവിക്കുന്നതായി തുടരുന്നു. 

6. ഹൃദയ ഭാഗത്തു ശക്തമായ മർദ്ദനം ഏറ്റതിനാൽ കോശങ്ങൾക്ക് ക്ഷതം ഏറ്റിട്ടുണ്ട്.

ആശുപത്രി വരാന്തയിലൂടെ വേഗം നടക്കുമ്പോഴാണ് കൊച്ചച്ചൻ ആ വിളി കേട്ടത്, അച്ചാ ഈ റൂമിലേക്ക് ഒന്നു വരാമോ?
Read more..

 ആശുപത്രി വരാന്തയിലൂടെ വേഗം നടക്കുമ്പോഴാണ് കൊച്ചച്ചൻ ആ വിളി കേട്ടത്, അച്ചാ ഈ റൂമിലേക്ക് ഒന്നു വരാമോ? തിരിഞ്ഞു നോക്കിയപ്പോൾ ഡ്യൂട്ടിയിലുണ്ടായിരുന്ന കന്യാസ്ത്രിയായ നേഴ്സാണ്. ഒരു മനുഷ്യൻ ദിവസങ്ങളായി മരണക്കിടയിലാണ്

ഞങ്ങൾ പല വൈദീകരെയും അദ്ദേഹത്തിൻ്റെ മുറിയിൽ കൊണ്ടുപോയെങ്കിലും അവരെല്ലാം അദ്ദേഹം ചീത്ത പറഞ്ഞു തിരിച്ചയച്ചു.

ഈശോയെക്കുറിച്ച് പറയുന്നത് അവനു ഇഷ്ടമല്ല. പക്ഷേ അവൻ മരിക്കാൻ പോവുകയാണ്. അച്ചനു അവനെ ഒന്നു സന്ദർശിക്കാമോ?

വൈദീകൻ മുറിക്കുള്ളിൽ പ്രവേശിച്ചു തന്നെത്തന്നെ രോഗിക്കു പരിചയപ്പെടുത്തി. ശാപവാക്കുകൾ കേൾക്കാനായിരുന്നു ആ കൊച്ചച്ചൻ്റെ വിധി. എനിക്കു തന്നോട് ഒന്നും സംസാരിക്കാനില്ല പുറത്തു പോകു എന്നദ്ദേഹം ആക്രോശിച്ചു. ഒന്നും ഒരിയാടാതെ അച്ചൻ പുറത്തിറങ്ങി വരാന്തയിലൂടെ മുന്നോട്ടു നടന്നു.

അച്ചാ…

വീണ്ടും ആ കന്യാസ്ത്രി നേഴ്സിൻ്റെ വിളി, അച്ചാ ദയവായി ഒന്നു കൂടെ വരാമോ പ്ലീസ്?

അദേഹത്തിനു എന്നിൽ നിന്നു യാതൊന്നും ആവശ്യമില്ല, അച്ചൻ മറുപടി നൽകി.

അച്ചാ ഒരിക്കൽകൂടി അവനൊരു അവസരം. കന്യാസ്ത്രി കെഞ്ചി’

മനസ്സില്ലാമനസ്സോടെ കൊച്ചച്ചൻ തിരികെ നടന്നു. ഇനിയെന്താണോ സംഭവിക്കുന്നത് ദൈവമേ എന്ന ആത്മഗതത്തോടെ അച്ചൻ മുറിക്കുള്ളിൽ വീണ്ടും പ്രവേശിച്ചു. ഞാൻ നിന്നെ കുമ്പസാരിപ്പിക്കുന്നതിനോ വിശുദ്ധ കുർബാന സ്വീകരിപ്പിക്കാൻ നിർബദ്ധിക്കുന്നതിനോ വന്നതല്ല.

നിൻ്റെ അടുത്തിരുന്നു ദൈവകരുണയുടെ ജപമാല ചൊല്ലുവാൻ എന്നെ അനുവദിക്കുമോ?

നീ എന്തു വേണമെങ്കിലും ചെയ്തോ, അത് എന്നെ ബാധിക്കുന്ന പ്രശ്നമല്ല.” വൃദ്ധൻ മറുപടി നൽകി.

കൊച്ചച്ചൻ അവൻ്റെ കിടയ്ക്കരികിലിരുന്നു ദൈവകരുണയുടെ ജപമാല ചൊല്ലുവാൻ ആരംഭിച്ചു.

“ഈശോയുടെ അതിദാരുണമായ പീഡാസഹനത്തെക്കുറിച്ച്;

പിതാവേ ഞങ്ങളുടെമേലും, ലോകം മുഴുവന്റെ മേലും, കരുണയായിരിക്കണമേ.”

പൊടുന്നനെ അലറിക്കൊണ്ട് ആ വൃദ്ധൻ പറഞ്ഞു നിർത്തികൊള്ളണം ദൈവകരുണ.

ചാടി എണീറ്റ് കൊച്ചച്ചൻ ചോദിച്ചു എന്തു പറ്റി.

“എനിക്ക് കരുണ ലഭിക്കുകയില്ല.”വൃദ്ധൻ മറുപടി നൽകി. അങ്ങനെ പറയാൻ കാരണമെന്താണ് ? വൈദീകൻ ആരാഞ്ഞു.

അത് പറഞ്ഞിട്ട് തനിക്കു എന്തു കിട്ടാനാണ് വൃദ്ധൻ ഒഴിത്തുമാറാൻ നോക്കി. കുറേ കഴിഞ്ഞപ്പോൾ

ദൈവത്തിൻ്റെ കരുണ തനിക്കു ലഭിക്കുകയില്ല എന്ന വൃദ്ധൻ്റെ സംശയത്തിനു നിവാരണം നൽകാൻ വൈദീകൻ തീരുമാനിച്ചു.

കൊച്ചച്ചൻ പിന്മാറുകയില്ലന്നു കണ്ടപ്പോൾ വൃദ്ധൻ തൻ്റെ ജീവിതകഥ ആ വൈദീകനു മുമ്പിൽ തുറക്കാൻ തുടങ്ങി.

ഇരുപത്തിയഞ്ചു വർഷങ്ങൾക്കു മുമ്പ് ഞാൻ ഒരു റെയിൽവേ ഗേറ്റിൽ കാവൽക്കാരനായി ജോലി ചെയ്തിരുന്ന സമയം. ഒരു രാത്രി ഞാൻ അധികം മദ്യപിച്ചിരുന്നതിനാൽ ഗേറ്റ് അടയ്ക്കാൻ മറന്നു പോയി. അതിനിടയിൽ ട്രെയിനും വന്നു.

ഒരു ഭാര്യയും ഭർത്താവും അവരുടെ മൂന്ന് കൊച്ചുകുട്ടികളും അടങ്ങുന്ന ഒരു കുടുംബത്തിൻ്റെ കാർ ട്രെയിൻ വരുമ്പോൾ ട്രാക്കിൽ ഉണ്ടായിരുന്നു, എന്റെ അശ്രദ്ധ നിമിത്തം അവരെല്ലാവരും തൽക്ഷണം കൊല്ലപ്പെട്ടു. അത് എൻ്റെ ഭാഗത്തു നിന്നു സംഭവിച്ച വലിയ തെറ്റായിരുന്നു. അതുകൊണ്ട് ദൈവം എന്നോട് ഒരു ദയയും കാണിക്കില്ല. എനിക്കായി നരകം കാത്തിരിക്കുന്നു.

വൈദീകൻ തൻ്റെ കൈകളിലെ ജപമാലയിലേക്ക് നോക്കി വെറുതെ ഇരുന്നതയുള്ളു . അവസാനം അച്ചൻ ആ വൃദ്ധനോടു ചോദിച്ചു, “ഇത് എവിടെയാണ് സംഭവിച്ചത്?”

ആ മനുഷ്യൻ പോളണ്ടിലെ ഒരു പട്ടണത്തിൻ്റെ പേര് പറഞ്ഞു.

പുരോഹിതൻ മുഖമുയർത്തി ആശുപത്രി റൂമിലെ ക്രൂശിത രൂപത്തെ നോക്കിപ്പറഞ്ഞു: “ഇരുപത്തിയഞ്ച് വർഷം മുമ്പ്, എൻ്റെ അമ്മയും അപ്പനും എൻ്റെ ഇളയ മൂന്നു സഹോദരങ്ങളെയും കൊണ്ട് ഒരു യാത്രയ്ക്ക് പോയി. അന്ന് എനിക്ക്  അവരുടെ കൂടെ പോകാൻ കഴിഞ്ഞില്ല. അവർ താങ്കൾ പറഞ്ഞ പട്ടണത്തിലൂടെ കാറോടിക്കുമ്പോൾ റെയിൽവേ ട്രാക്കിൽ വച്ചു അപകടത്തിൽപ്പെട്ടു. ആ രാത്രിയിൽ എൻ്റെ കുടുംബവും എൻ്റെ പ്രിയപ്പെട്ടവരും എനിക്കു നഷ്ടപ്പെട്ടു.”

അടുത്ത വാക്കുകൾ രോഗിയായ ആ മനുഷ്യൻ്റെ മുഖത്തു നോക്കിയാണ് കൊച്ചച്ചൻ പറഞ്ഞത്: “എൻ്റെ സഹോദരാ, ദൈവം താങ്കളോട് ക്ഷമിക്കുന്നു. ദൈവം മാത്രമല്ല , ഞാനും താങ്കളോട് ഹൃദയപൂർവ്വം ക്ഷമിക്കുന്നു.

ദൈവത്തിൻ്റെ കാരുണ്യം തനിക്കുണ്ടെന്ന് മനുഷ്യൻ ആ അവസരത്തിൽ തിരിച്ചറിഞ്ഞു. അയാൾ ഹൃദയം പൊട്ടിക്കരഞ്ഞു.

കുറച്ചു കഴിഞ്ഞപ്പോൾ പുരോഹിതൻ ആ മനുഷ്യനോടു ചോദിച്ചു.

“താങ്കളുടെ കുമ്പസാരം കേൾക്കാനും കുർബാന നൽകാനും എന്നെ അനുവദിക്കുമോ?”

നിറമിഴികളോടെ സമ്മതം മൂളിയ ആ വൃദ്ധനേ വൈദീകൻ കുമ്പസാരിക്കുകയും വിശുദ്ധ കുർബാന കൊടുക്കുകയും ചെയ്തു. രണ്ടു ദിവസം കഴിഞ്ഞ് ആ രോഗി മരിച്ചു. ദൈവ കരുണ വിജയം വരിച്ചു.

കഥ ഇവിടെ തീരുന്നില്ല. രോഗിക്ക് വിശുദ്ധ കുർബാന നൽകിയ ശേഷം, കൊച്ചച്ചൻ തന്നെ റൂമിലേക്കു പറഞ്ഞു വിട്ട കന്യാസ്ത്രീയെ അവിടെയെല്ലാം അന്വോഷിച്ചു. പക്ഷേ അവളെ കണ്ടെത്താൻ കഴിഞ്ഞില്ല.

ആശുപത്രി അധികൃതരോടു കന്യാസ്ത്രിയെപ്പറ്റി ചോദിച്ചപ്പോൾ “ഞങ്ങൾ ഈ ആശുപത്രിയിൽ കന്യാസ്ത്രീകളെ ജോലിക്കായി നിയമിക്കുന്നില്ല” എന്നായിരുന്നു മറുപടി.

വർഷങ്ങൾ കന്യാസ്ത്രീയെ തിരഞ്ഞെങ്കിലും ആ വൈദികന് അവളെ കണ്ടെത്താൻ കഴിഞ്ഞില്ല. ഒരിക്കൽ അദ്ദേഹം വിശുദ്ധ ഫൗസ്റ്റീന താമസിച്ചിരുന്ന വിൽനിയസ് പട്ടണത്തിലെത്തി. അവിടെയുള്ള കന്യാസ്ത്രി മഠത്തിൽ കുർബാന അർപ്പിക്കാൻ പോയപ്പോൾ ചുവരിൽ സി. ഫൗസ്റ്റീനയുടെ ചിത്രം കണ്ട് ഈ സിസ്റ്ററിനെ ഞാൻ കണ്ടിട്ടുണ്ടെന്നും വർഷങ്ങളായി അവരെ അന്വഷിച്ചു നടക്കുകയാണെന്നും പുരോഹിതൻ പറഞ്ഞു.

”അച്ചനു ആളു മാറിയതായിരിക്കും ഇത് ഞങ്ങളുടെ സിസ്റ്റർ ഫൗസ്റ്റീനയായാണ് അവൾ 1938 ഈശോയുടെ സന്നിധിയിലേക്ക് പോയതാണ്.” മദർ സുപ്പീരിയർ അച്ചനോടു പറഞ്ഞു.

ഇതിനിടയിൽ രോഗിയുടെ മുറിയിലേക്ക് പോകാൻ പറഞ്ഞതും

ദൈവകരുണ കൊടുക്കാൻ തന്നെ ഉപകരണമാക്കിയതും സിസ്റ്റർ ഫൗസ്റ്റീനയാണെന്ന് ആ കൊച്ചൻ തിരിച്ചറിഞ്ഞിരുന്നു.

ദൈവകാരുണ്യത്തിനു മഹാ വിസ്‌മയത്തിനു മുമ്പിൽ നമ്രശിരസ്സനാകാനേ ആ പുരോഹിതനാകുമായിരുന്നുള്ളു.

                       ഫാ. ജയ്സൺ കുന്നേൽ മിസ്ബസ്

കടപ്പാട് : നെൽസൺ mcbs, വെബ്സൈറ്റ് 

ഫാ മൊസാൻ തന്റെ പൗരോഹിത്യം മൂല്യമുള്ളതാണെന്ന് ഉറപ്പുവരുത്താൻ ഒരു അടയാളം തരണമെന്ന് തീക്ഷണമായി പ്രാർത്ഥിച്ചിരുന്നു.
Read more..

 അവിഞ്ഞോൺ പേപ്പസിയുടെ സമയത്തു, അംഗികൃതനല്ലാത്ത മാർപാപ്പയുടെ കരത്തിൽ നിന്നും പൗരോഹിത്യം സ്വീകരിച്ച ഫാ മൊസാൻ ജയ്‌മ കാരോസിനു തന്റെ പൗരോഹിത്യം ശരിയാണോ എന്ന സംശയത്തിലായി, അതുകൊണ്ടു തന്നെ താൻ നടത്തുന്ന കൂദാശകളൊന്നും അംഗീകൃതമല്ല എന്ന ധാരണയുമായി. തന്റെ പൗരോഹിത്യത്തിന് മൂല്യമില്ല എന്ന് വിശ്വസിച്ചു,  മാനസികമായി വളരെ വേദനയോടെ കഴിയുകയായിരുന്ന അദ്ദേഹം,  എല്ലാ ദിവസവും വിശ്വാസികൾക്ക് പരിശുദ്ധ കുർബാന കൊടുക്കുമ്പോൾ താൻ കൂദാശ ചെയ്യപ്പെടാത്ത കുർബാന നൽകി അവരെ വഴിതെറ്റിക്കുകയാണ് എന്ന് അദ്ദേഹം കരുതി.  ഫാ മൊസാൻ തന്റെ പൗരോഹിത്യം മൂല്യമുള്ളതാണെന്ന് ഉറപ്പുവരുത്താൻ ഒരു അടയാളം തരണമെന്ന് തീക്ഷണമായി പ്രാർത്ഥിച്ചിരുന്നു. 1392  -ൽ  ക്രിസ്മസിനു അദ്ദേഹത്തിന് അതിനു ഉത്തരം ലഭിച്ചു. അന്ന് അഞ്ചിലാന എന്ന യുവതി അഞ്ചുവയസ്സ് പ്രായമുള്ള തന്റെ മകൾ ഇനസിനോടൊപ്പം ദിവ്യബലിയിൽ പങ്കെടുക്കാൻ എത്തി.  മകൾ കുർബാന കഴിഞ്ഞിട്ടും അമ്മയോടൊപ്പം പോകാൻ തയ്യാറായില്ല. അവൾ അമ്മയോട് പറഞ്ഞു, കുർബാനയിൽ വൈദികൻ തന്റെ കൈയിലെടുത്ത സുന്ദരനായ കുഞ്ഞിനോടൊപ്പം അവളെ അവിടെ കളിക്കാൻ അനുവദിക്കണമെന്ന്. ഡിസംബർ 26 -നും തന്റെ മകളോടൊപ്പം അവർ കുർബാനയ്ക്കു വന്നു. അന്നും ഫാ മൊസാൻ തിരുവോസ്തി ഉയർത്തിയപ്പോൾ ഒരു കുട്ടിയെ കണ്ടു. മകളുടെ ദർശനത്തെ കുറിച്ച് ഫാദറിനോട് അവൾ പറഞ്ഞു. അതിൽ അദ്ദേഹം അത്ഭുതപ്പെട്ടു. എല്ലാ ചോദ്യങ്ങൾക്കും യാതൊരു ഭയവും കൂടാതെ ഉത്തരം പറഞ്ഞ കുഞ്ഞിനോട് തുടർന്നുള്ള ദിവസങ്ങളിലും ബലിയിൽ പങ്കെടുക്കാൻ പറഞ്ഞു. ഒരു ദിവസം, അദ്ദേഹം ബലിയിൽ രണ്ടു തിരുവോസ്തികൾ എടുത്തു ഒന്ന് കൂദാശ ചെയ്തതും രണ്ടു ചെയ്യാത്തതും.  ആദ്യം കൂദാശ ചെയ്ത തിരുവോസ്തിയെടുത്തു അവളോട് ചോദിച്ചു നീ എന്തു  കാണുന്നു ഒരു കുട്ടിയെ കാണുന്നു എന്നവൾ മറുപടി പറഞ്ഞു. കൂദാശ ചെയ്യാത്തത് ഉയർത്തിയപ്പോൾ അവിടെ ഒരു വെള്ളയപ്പം കാണുന്നുവെന്ന് പറഞ്ഞു. ഫാ മൊസാൻ സന്തോഷത്താൽ മതിമറന്നു. ഈ ബാലികയാണ്  പിന്നീട് വിശുദ്ധയായി മാറിയ വിശുദ്ധ ഇനെസ്.

ജർമ്മനിയിലെ റീഗൻബർഗിൽ 1255 - ൽ നടന്ന ഒരു അത്ഭുതം ഉണ്ട്.
Read more..

  ജർമ്മനിയിലെ റീഗൻബർഗിൽ 1255 - ൽ  നടന്ന ഒരു അത്ഭുതം ഉണ്ട്.  വൈദികൻ ദേവാലയത്തിൽ ബലി അർപ്പിച്ചുകൊണ്ടിരിക്കുമ്പോൾ അദ്ദേഹത്തിന്റെ മനസ്സിൽ യേശു യഥാർത്ഥത്തിൽ തിരുവോസ്തിയിൽ സന്നിഹിതനാണോ എന്ന സംശയമുണ്ടായിരുന്നു. അതിനാൽ തന്നെ കൂദാശ വചനങ്ങൾ ഉച്ചരിച്ച ശേഷം  കാസാ ഉയർത്താൻ അദ്ദേഹത്തിന് മടിയായിരുന്നു. മടിയോടെ അദ്ദേഹം അല്പം കാസ ഉയർത്തി.  ആൾത്താരയ്ക്ക് മുകളിലുള്ള കുരിശു രൂപത്തിൽ നിന്ന് യേശു സാവധാനം കരം പുരോഹിതനെ നേരെ നീട്ടുകയും, അദ്ദേഹത്തിന്റെ കയ്യിൽ നിന്ന് കാസ എടുത്ത് വിശ്വാസികൾക്ക് കാണുന്നതിനും ആരാധിക്കുന്നതിന് വേണ്ടി ഉയർത്തുകയും ചെയ്തു. ദേവാലയത്തിൽ ഉണ്ടായിരുന്നവരെല്ലാം ഈ അത്ഭുതം കണ്ട് നിലവിളിച്ചു. പുരോഹിതനാകട്ടെ മാപ്പ് ചോദിച്ചു. അദ്ദേഹത്തിനോട് ക്ഷമിച്ചതിന്റെ സൂചനയായി കാസ ഈശോ വീണ്ടും പുരോഹിതന്റെ കൈകളിലേക്ക് തന്നെ തിരികെ കൊടുത്തു; രൂപം സാധാരണ നിലയിൽ ആവുകയും ചെയ്തു. 

ജർമ്മനിയിലെ വൈൻ ഗാർഡനിൽ ബെനെഡിക്റ്റൻ ആശ്രമത്തിൽ വിശുദ്ധ മാർട്ടിന്റെ പള്ളിയിൽ കഴിഞ്ഞ 900 -വർഷത്തിലധികം നമ്മുടെ കർത്താവിന്റെ തിരുവിലാപിൽ നിന്നും തെറിച്
Read more..

  ജർമ്മനിയിലെ വൈൻ ഗാർഡനിൽ ബെനെഡിക്റ്റൻ ആശ്രമത്തിൽ വിശുദ്ധ മാർട്ടിന്റെ പള്ളിയിൽ കഴിഞ്ഞ  900 -വർഷത്തിലധികം നമ്മുടെ കർത്താവിന്റെ തിരുവിലാപിൽ നിന്നും തെറിച്ച് രക്തത്തുള്ളി വണങ്ങി വരുന്നു.   "അവര്‍ യേശുവിനെ സമീപിച്ചപ്പോള്‍ അവന്‍ മരിച്ചുകഴിഞ്ഞു എന്നു കാണുകയാല്‍ അവന്റെ കാലുകള്‍ തകര്‍ത്തില്ല. എന്നാല്‍, പടയാളികളിലൊരുവന്‍ അവന്റെ പാര്‍ശ്വത്തില്‍ കുന്തംകൊണ്ടു കുത്തി. ഉടനെ അതില്‍നിന്നു രക്തവും വെള്ളവും പുറപ്പെട്ടു. അതു കണ്ടയാള്‍തന്നെ സാക്ഷ്യപ്പെടുത്തിയിരിക്കുന്നു. അവന്റെ സാക്ഷ്യം സത്യവുമാണ്. നിങ്ങളും വിശ്വസിക്കേണ്ടതിനു താന്‍ സത്യമാണു പറയുന്നതെന്ന് അവന്‍ അറിയുകയും ചെയ്യുന്നു." ( യോഹ: 19, 33-34) സഭയുടെ പാരമ്പര്യമനുസരിച്ചു, വിലാപുറത്തു നിന്നും തെറിച്ച രക്തത്തുള്ളികൾ കാഴ്ച വൈകല്യം ഉണ്ടായിരുന്ന ലോഞ്ചിയുസ്സ് എന്ന പടയാളിക്കു കാഴ്ചക്ക് കാരണമായെന്നും ആ രക്തത്തുള്ളികൾ അദ്ദേഹം സൂക്ഷിച്ചുവെന്നും  വിശ്വസിക്കുന്നു. കൈമാറിക്കിട്ടിയ ഈ രക്തത്തുള്ളി ജർമ്മനിയിലെ വൈൻ ഗാർഡനിൽ ബെനെഡിക്റ്റൻ ആശ്രമത്തിൽ വിശുദ്ധ മാർട്ടിന്റെ പള്ളിയിൽ സൂക്ഷിച്ചു വരുന്നു. ഈ തിരുരക്തത്തെ ആരാധിച്ചു വണങ്ങുന്നതിന്റെ ഭാഗമായി എല്ലാ വർഷവും തിരുരക്തം വഹിച്ചുകൊണ്ട് ആഘോഷമായ പ്രദിക്ഷണം നടത്താറുണ്ട്. 

കത്തോലിക്ക സഭയിൽ ആദ്യം രേഖപ്പെടുത്തിയ ദിവ്യകാരുണ്യ അത്ഭുതമാണ് ഈജിപ്തിലെ ഷെനെ മരുഭൂമിയിൽ
Read more..

  കത്തോലിക്ക സഭയിൽ ആദ്യം രേഖപ്പെടുത്തിയ  ദിവ്യകാരുണ്യ അത്ഭുതമാണ് ഈജിപ്തിലെ ഷെനെ മരുഭൂമിയിൽ മൂന്നാം നൂറ്റാണ്ടിനും അഞ്ചാം നൂറ്റാണ്ടിനും ഇടയിൽ നടന്ന അത്ഭുതം. ഈ അത്ഭുതത്തെ കുറിച്ചുള്ള രേഖകൾ നമുക്ക് ലഭിക്കുന്നത് മരുഭൂമിയിലെ താപസ പിതാവായ അന്തോണിക്ക് ശേഷം ഈജിപ്തിലെ മരുഭൂമിയിൽ ജീവിച്ചിരുന്ന 'മരുഭൂമിയിലെ പിതാക്കന്മാരുടെ' സൂക്തങ്ങളിൽ നിന്നാണ്. ക്രിസ്തുമതത്തിന്റെ ആദ്യ ശതകങ്ങളിലാണ് ദിവ്യകാരുണ്യ അത്ഭുതം നടന്നതെന്നാണ് ഈ സൂക്തങ്ങൾ രേഖപ്പെടുത്തിയിരിക്കുന്നത്. ഒരിക്കൽ ഒരു സന്ന്യാസി സഹ സന്ന്യാസിമാരോട് പറഞ്ഞു, നാം എന്നും സ്വീകരിക്കുന്ന ഈ അപ്പം യഥാർത്ഥത്തിൽ ക്രിസ്തുവിന്റെ ശരീരമല്ല. ക്രിസ്തുവിന്റെ ശരീരത്തിന്റെ പ്രതീകം മാത്രമാണ്. ആ സന്യാസി അങ്ങനെ പറഞ്ഞതു ദൈവത്തെ അവഹേളിക്കാൻ അല്ലെന്നും, അദ്ദേഹത്തിന്റെ അജ്ഞത മൂലം ആകാം എന്നും അക്കൂട്ടത്തിൽ ഉണ്ടായിരുന്ന വൃദ്ധരായ രണ്ട് സന്യാസിമാർക്ക് മനസ്സിലായി. എന്തെന്നാൽ, ആ സന്യാസി വളരെ നല്ലവനായിരുന്നു. തന്മൂലം ആ സന്യാസിയോട് ഇതിനെ കുറിച്ച് സംസാരിക്കാം എന്നവർ തീരുമാനിച്ചു. അവർ പറഞ്ഞു അങ്ങ് പറഞ്ഞത് നമ്മുടെ വിശ്വാസത്തെ നിഷേധിക്കലാണ്. സന്യാസി മറുപടി പറഞ്ഞു എനിക്ക് തെളിവുകൾ തന്നാൽ ഞാൻ വിശ്വസിക്കാം. തെളിവ് കിട്ടാതെ ഞാൻ എന്റെ അഭിപ്രായം മാറ്റുകയില്ല. ഒരാഴ്ചക്ക് ശേഷം ഒരു ഞായറാഴ്ച; അപ്പം ഉയർത്തുന്ന സമയത്ത് ശിശു കാണപ്പെട്ടു, കൂദാശ വചനങ്ങൾക്കുശേഷം പുരോഹിതൻ ജനങ്ങൾക്ക് കാണുന്നതിനുവേണ്ടി തിരുവോസ്തിയുയർത്തിയപ്പോൾ ഒരു മാലാഖ വാളുമായി പ്രതീക്ഷപ്പെടുകയും വാള് കുഞ്ഞിന്റെ ശരീരത്തിൽ കുത്തിയിറക്കുകയും ചെയ്തു. തുടർന്ന്, പുരോഹിതൻ  തിരുവോസ്തി രണ്ടായി മുറിച്ചപ്പോൾ രക്തം തിരുവോസ്തിയിൽ നിന്നും കാസയിലേക്ക് ഒഴുകി. മാലാഖ വീണ്ടും പ്രത്യക്ഷപ്പെട്ട് രക്തത്തിൽ കുതിർന്ന ആ ശരീരം  എടുത്ത് സംശയാലുവായ ആ സന്യാസിയുടെ കൈയിൽ വച്ചു കൊടുത്തു.  ഈ സമയം അദ്ദേഹം കരഞ്ഞുകൊണ്ട് ഉച്ചത്തിൽ വിളിച്ചു. ദൈവമേ ഈ തിരുവോസ്തി കർത്താവിന്റെ ശരീരമാണെന്നും, വീഞ്ഞ് കർത്താവിന്റെ രക്തമാണെന്നും ഞാൻ വിശ്വസിക്കുന്നു.

ജോസഫ് എടുത്തു സൂക്ഷിച്ച നമ്മുടെ കർത്താവിന്റെ തിരുരക്തവും, തിരുവസ്ത്രവും ബെൽജിയത്തിലെ ബ്രൂഗസിൽ തിരു രക്തത്തിന്റെ ബസിലിക്കയിൽ ആരാധിച്ചു വരുന്ന
Read more..

  അരുമത്തിയക്കാരൻ ജോസഫ് എടുത്തു സൂക്ഷിച്ച നമ്മുടെ കർത്താവിന്റെ തിരുരക്തവും, തിരുവസ്ത്രവും  ബെൽജിയത്തിലെ ബ്രൂഗസിൽ തിരു രക്തത്തിന്റെ ബസിലിക്കയിൽ  ആരാധിച്ചു വരുന്നു. പാരമ്പര്യം ഇപ്രകാരമാണ്,  യേശുക്രിസ്തുവിന്റെ കബറടക്ക ശുശ്രൂഷകൾക്ക് നേതൃത്വം വഹിച്ച അരുമത്തിയക്കാരൻ ജോസഫ്, യേശു അന്ത്യ അത്താഴത്തിനു  ഉപയോഗിച്ച് കാസയിൽ ഏതാനം രക്തം എടുത്ത് സൂക്ഷിച്ചതായും,  ഈശോയുടെ മൃതദേഹം സംസ്കരിക്കുന്നതിനു മുൻപായി മൃതദേഹം കഴുകിത്തുടച്ച തുണിയെടുത്ത് സൂക്ഷിച്ചതായും ഒരു വിശ്വാസ പാരമ്പര്യമുണ്ട്. വിശുദ്ധ ഗ്രന്ഥത്തിൽ ഒരിടത്തും രക്തശേഖരണത്തെക്കുറിച്ച് പറയുന്നില്ലെങ്കിലും സഭയുടെ വിവിധ പാരമ്പര്യങ്ങളിൽ ഇത് കാണാനായി സാധിക്കും. യേശുവിന്റെ സംസ്കാരത്തിനു മുൻപ് ജോസഫ് യേശുവിന്റെ ശരീരമാസകലമുണ്ടായിരുന്ന മുറിവുകൾ ഒരു തുണികൊണ്ട് നന്നായി തുടച്ചെടുത്തു. എല്ലാം മുറിവുകളിലും രക്തം കട്ടപിടിച്ചിരുന്നു. തുടർന്ന് ഈശോയുടെ ശരീരം കഴുകിത്തുടച്ചു. ജോസഫ് യേശുവിന്റെ ശരീരത്തിലെ മുറിവുകൾ തുടച്ചെടുത്ത, യേശുവിന്റെ രക്തത്തിൽ മുങ്ങിയ തുണിയാണ് ബെൽജിയത്തിലെ ബ്രൂഗസിൽ തിരു രക്തത്തിന്റെ ബസിലിക്കയിൽ  ആരാധിച്ചു വരുന്നത്.