ദിവ്യകാരുണ്യ അത്ഭുതങ്ങളെ പരിചയപ്പെടുത്താനും, ലോകം മുഴുവൻ നടക്കുന്ന ലൈവ് ആരാധനകൾ ലഭ്യമാക്കാനും, വിശുദ്ധ കാർലോസ് അക്യൂട്ടീസിന്റെ ജീവിതം പരിചയപ്പെടുത്താന
Read more..

ദിവ്യകാരുണ്യ അത്ഭുതങ്ങളെ പരിചയപ്പെടുത്താനും, ലോകം മുഴുവൻ നടക്കുന്ന ലൈവ് ആരാധനകൾ ലഭ്യമാക്കാനും, വിശുദ്ധ കാർലോസ് അക്യൂട്ടീസിന്റെ ജീവിതം പരിചയപ്പെടുത്താനും പുതിയ മൊബൈൽ ആപ്പ് പുറത്തിറങ്ങി!!  

St Carlo: Eucharistic miracles  ഡൌൺലോഡ് ചെയ്യാനായി ;   https://play.google.com/store/apps/details?id=com.stcarloshrine.carlomiracles&pcampaignid=web_share

2026 ഫെബ്രുവരി 14-ന്, പെൻസിൽവേനിയയിലെ മാൽവേണിലുള്ള വിശുദ്ധ കാർലോ അക്യുട്ടിസ് തീർത്ഥാടന കേന്ദ്രം, വിശുദ്ധ കുർബാന അത്ഭുതങ്ങൾക്കായി സമർപ്പിക്കപ്പെട്ട പുതിയ മൊബൈൽ ആപ്പ് പുറത്തിറക്കി. യുവ ഇറ്റാലിയൻ വിശുദ്ധന്റെ ജീവിതത്തിൽ നിന്ന് പ്രചോദനം ഉൾക്കൊണ്ടാണ് ഇത് തയ്യാറാക്കിയിരിക്കുന്നത്. "കാർലോ തന്റെ കാലഘട്ടത്തിലെ സാങ്കേതികവിദ്യ ഉപയോഗിച്ചത് ജനങ്ങളെ വിശുദ്ധ കുർബാനയിലുള്ള ഈശോയോട് അടുപ്പിക്കാനായിരുന്നു," മാൽവേൺ റിട്രീറ്റ് ഹൗസിലെ വിശുദ്ധ കാർലോ അക്യുട്ടിസ് തീർത്ഥാടന കേന്ദ്രത്തിന്റെ എക്സിക്യൂട്ടീവ് ഡയറക്ടർ മേരി ബിയ ഡാമിക്കോ പറഞ്ഞു. "ഈ ആപ്പിലൂടെ ഞങ്ങൾ ആ ദൗത്യം മുന്നോട്ട് കൊണ്ടുപോവുകയാണ്. വിശുദ്ധ കുർബാന ഈശോയുടെ ജീവിക്കുന്ന ഹൃദയമാണെന്ന് പ്രഘോഷിക്കാൻ ഞങ്ങൾ ആധുനിക സാങ്കേതികവിദ്യ ഉപയോഗിക്കുന്നു. വിശുദ്ധ കാർലോയുടെ മനോഹരമായ ജീവിതയാത്രയും ഈ ആപ്പ് പങ്കുവെക്കുന്നു. ഓരോരുത്തരും സൃഷ്ടിക്കപ്പെട്ടത് വിശുദ്ധരാകാനാണെന്നും ആ പാതയിൽ മുന്നേറാൻ ഇത് എല്ലാവരെയും ക്ഷണിക്കുന്നുവെന്നും" അവർ കൂട്ടിച്ചേർത്തു. വിശുദ്ധ കാർലോ അക്യുട്ടിസിന്റെ മാതാവ് അന്റോണിയ അക്യുട്ടിസുമായി സഹകരിച്ചാണ് ഈ ആപ്പ് വികസിപ്പിച്ചിരിക്കുന്നത്. യുവ വിശുദ്ധൻ തന്റെ 'ഇന്റർനാഷണൽ എക്സിബിഷൻ ഓഫ് യൂക്കറിസ്റ്റിക് മിറക്കിൾസ്' എന്ന പ്രദർശനത്തിലൂടെ ക്രോഡീകരിച്ച വിശുദ്ധ കുർബാന അത്ഭുതങ്ങളുടെ ചരിത്രങ്ങൾ ഇപ്പോൾ മൊബൈലിൽ ലഭ്യമാകും.

2006-ൽ 15-ാം വയസ്സിൽ അന്തരിക്കുകയും 2025 സെപ്റ്റംബറിൽ വിശുദ്ധനായി പ്രഖ്യാപിക്കപ്പെടുകയും ചെയ്ത കാർലോ അക്യുട്ടിസ്, സഭ അംഗീകരിച്ച വിശുദ്ധ കുർബാന അത്ഭുതങ്ങളെ പട്ടികപ്പെടുത്താനും പ്രചരിപ്പിക്കാനും സാങ്കേതികവിദ്യ ഉപയോഗിച്ചിരുന്നു. മൊബൈൽ സാങ്കേതികവിദ്യയും സോഷ്യൽ മീഡിയയും വരുന്നതിന് എത്രയോ മുമ്പ് തന്നെ, ഇന്റർനെറ്റ് സുവിശേഷവൽക്കരണത്തിനുള്ള ശക്തമായ ഉപകരണമാണെന്ന് അദ്ദേഹം തിരിച്ചറിഞ്ഞിരുന്നു. കാർലോയുടെ ജീവിതത്തിലെ നിർണ്ണായക നിമിഷങ്ങളിലൂടെയുള്ള ഒരു സംവേദനാത്മക യാത്രയായ **"ലിവ് ലൈക് കാർലോ" (Live Like Carlo)**, ലോകമെമ്പാടുമുള്ള ചാപ്പലുകളിൽ നിന്നുള്ള ഓൺലൈൻ ആരാധന (Adoration) എന്നിവയും ഈ ആപ്പിലെ പ്രത്യേകതകളാണ്.

ലോകമെമ്പാടുമുള്ള യുവാക്കളിലേക്ക് എത്താനുള്ള ഉപകരണം

"യേശുവിനെക്കുറിച്ചും പ്രത്യേകിച്ച് വിശുദ്ധ കുർബാനയെക്കുറിച്ചും സംസാരിക്കാൻ സാങ്കേതികവിദ്യ ഉപയോഗിക്കുന്നത് കാർലോ ഇഷ്ടപ്പെട്ടിരുന്നു. അവന്റെ ഭക്തി ലോകമെമ്പാടുമുള്ള യുവാക്കളിലേക്കും കുടുംബങ്ങളിലേക്കും എത്തുന്ന രീതിയിൽ പങ്കുവെക്കപ്പെടുന്നത് കാണുമ്പോൾ എനിക്ക് സന്തോഷമുണ്ട്," ഈ സംരംഭത്തെക്കുറിച്ച് അന്റോണിയ അക്യുട്ടിസ് പറഞ്ഞു. ഫിലാഡൽഫിയ ആർച്ച് ബിഷപ്പ് നെൽസൺ ജെ. പെരസ് ഈ ആപ്പിനെ "അതിശയകരം" എന്ന് വിശേഷിപ്പിച്ചു. യുവാക്കളുമായി ബന്ധപ്പെടുക എന്ന തന്റെ മുൻഗണനകളിലൊന്ന് ഇതിലൂടെ നിറവേറ്റപ്പെടുന്നുവെന്ന് അദ്ദേഹം ചൂണ്ടിക്കാട്ടി. "വിശുദ്ധ കാർലോ അക്യുട്ടിസ് തീർത്ഥാടന കേന്ദ്രവും ഈ ആപ്പും നമ്മുടെ വൈദികർക്കും അധ്യാപകർക്കും മാതാപിതാക്കൾക്കും കുട്ടികളോട് കത്തോലിക്കാ വിശ്വാസത്തെക്കുറിച്ച് സംസാരിക്കാൻ സഹായകമാകും. എല്ലാ ദിവസവും വിശ്വാസം ജീവിക്കാനുള്ള നമ്മുടെ വിളിയെ ഇത് പിന്തുണയ്ക്കുന്നു," അദ്ദേഹം പറഞ്ഞു.

പരമ്പരാഗത ലത്തീൻ കുർബാന/ ട്രൈഡന്റൈൻ കുർബാന സെന്റ് പീറ്റേഴ്സ് ബസിലിക്കയിൽ നടന്നപ്പോൾ!! ചരിത്രത്തിലേക്ക് ..
Read more..

നൂറുകണക്കിന് വൈദികരുടെയും വിശ്വാസികളുടെയും പങ്കാളിത്തത്തോടെ യുഎസ് കർദിനാൽ റേമൻ ബുർക്ക് സെന്റ് പീറ്റേഴ്സ് ബസിലിക്കയിൽ പരമ്പരാഗത ലത്തീൻ കുർബാന അർപ്പിച്ചു. ലിയോ 14ലാമൻ പാപ്പയുടെ പ്രത്യേക അംഗീകാരത്തോടെയാണ് 1962ലെ ട്രെഡന്റിയൻ പാരമ്പര്യത്തിലുള്ള പ്രത്യേക ആരാധനാക്രമം അനുസരിച്ചുള്ള വിശുദ്ധ കുർബാന നടന്നത്. പുതിയ പാപ്പ അധികാരമേറ്റ ശേഷം സെന്റ് പീറ്റേഴ്സ് ബസിലിക്കയിൽ നടക്കുന്ന ആദ്യത്തെ പരമ്പരാഗത ലത്തീൻ കുർബാനയാണിത്. ആരാധനാ പാരമ്പര്യത്തിന്റെ തുടർച്ചയായും സഭയക്കുള്ളിലെ ഐക്യത്തിന്റെ നിമിഷമായും ഈ അനുമതി നിലകൊള്ളുന്നുവെന്ന് യുഎൻ വോക്ക് ഇന്റർനാഷണൽ സംഘടനയുടെ പ്രസിഡന്റ് ജോസഫ് ഷാ പറഞ്ഞു. അനുമതി നൽകിയ ലിയോ 14ലാമൻ പാപ്പയ്ക്ക് അദ്ദേഹം നന്ദി അറിയിക്കുകയും ചെയ്തു. സ്വർഗീയ അനുഭൂതി പകരുന്ന പരമ്പരാഗത ലത്തീൻ കുർബാന അർപ്പണത്തിന് ലോകമെമ്പാടും വലിയ സ്വീകാര്യത ലഭിച്ചിരുന്നു. 2007ൽ ബെനഡിക്റ്റ് 16 മൻ പാപ്പ പുറത്തിറക്കിയ സെമറോം പൊന്തിഫിക്കം എന്ന അപ്പസ്തോലിക ലേഖനം 1962 ലെ ട്രെഡന്റിയൻ പാരമ്പര്യത്തിലുള്ള പ്രത്യേക ആരാധനക്രമം അനുസരിച്ച് സഭയിലെ ഏതു വൈദികന് വേണമെങ്കിലും ദിവ്യബലി അർപ്പിക്കാനുള്ള അവകാശം അനുവദിച്ചു നൽകിയതാണ്. എന്നാൽ 2021 ജൂലൈ 16ന് ഫ്രാൻസിസ് പാപ്പ ട്രഡീഷണൽസ് കസ്റ്റോസ് എന്ന പേരിൽ സ്വയാധികാര പ്രബോധനം പുറത്തിറക്കി പരമ്പരാഗത ലത്തീൻ ദിവ്യബലി അർപ്പിക്കുന്നതിൽ വൈദികർക്ക് പരിധികൾ നിശ്ചയിച്ചുകൊണ്ടുള്ള ഈ നടപടി നിരവധി വിശ്വാസികളും വൈദികരിലും ആശങ്ക ഉളവാക്കിയിരുന്നു. എങ്കിലും ഫ്രാൻസിസ് പാപ്പയുടെ കാലയളവിൽ 2021ലും 2022ലും സെന്റ് പീറ്റേഴ്സ് ബസിലിക്കയിൽ പരമ്പരാഗത ലത്തീൻ കുർബാന നടത്താൻ അനുമതിയുണ്ടായിരുന്നു. ട്രൈഡന്റൈൻ കുർബാന/ പരമ്പരാഗത ലാറ്റിൻ കുർബാന,  കത്തോലിക്കാ സഭയുടെ റോമൻ മിസ്സലിൽ കാണപ്പെടുന്ന കുർബാനയുടെ രൂപമാണ്.  1570-ൽ പുറത്തിറക്കിയതുമുതൽ 1969-ൽ പോപ്പ് പോൾ ആറാമൻ നവീകരിച്ച കുർബാന പ്രഖ്യാപിക്കുന്നതുവരെ  ലോകത്തിലെ ഏറ്റവും വ്യാപകമായി ഉപയോഗിക്കപ്പെട്ടിരുന്ന ദിവ്യകാരുണ്യ ആരാധനാക്രമമായിരുന്നു, ട്രൈഡന്റൈൻ കുർബാന. "ട്രൈഡന്റൈൻ" എന്ന വാക്കിന്റെ ഉത്ഭവം ലാറ്റിൻ പദമായ ട്രൈഡന്റിനസിൽ നിന്നാണ്, അക്ഷരാർത്ഥത്തിൽ ' ട്രെന്റ് നഗരവുമായി ബന്ധപ്പെട്ടത്, ' അവിടെയാണ്  ട്രെന്റ് കൗൺസിൽ നടന്നത്. ആ കൗൺസിലിന്റെ തീരുമാന പ്രകാരം,  പയസ് അഞ്ചാമൻ മാർപ്പാപ്പ 1570-ൽ  റോമൻ മിസ്സൽ നവീകരിച്ചു. ലാറ്റിൻ സഭയിലുടനീളം ഇത് നിർബന്ധമാക്കി. 1570-ൽ പുറത്തിറങ്ങിയ റോമൻ മിസ്സലിന്റെ പതിപ്പ് ഉപയോഗിക്കണമെന്ന് നിർദ്ദേശിച്ച അപ്പോസ്തോലിക ലേഖനത്തിൽ (  പേപ്പൽ ബുൾ ) പയസ് അഞ്ചാമൻ ഇങ്ങനെ രേഖപ്പെടുത്തി: നമ്മുടെ അടുത്തിടെ പ്രസിദ്ധീകരിച്ച മിസ്സലിൽ ഒന്നും ചേർക്കരുതെന്നും, അതിൽ നിന്ന് ഒന്നും ഒഴിവാക്കരുതെന്നും, അതിനുള്ളിൽ ഒന്നും മാറ്റരുതെന്നും ഞങ്ങൾ കൽപ്പിക്കുന്നു. 

ഈശോയുടെ ചിത്രം ആലേഖനം ചെയ്ത പുരാതന തിരുവോസ്തികൾ തുർക്കിയിൽ നിന്നും കണ്ടെത്തി !!
Read more..

ഇസ്താംബുള്‍: 1,300 വര്‍ഷത്തിലേറെ പഴക്കമുള്ള അഞ്ച് ഓസ്തികള്‍ പുരാവസ്തു ഗവേഷകരുടെ സംഘം തെക്കന്‍ തുര്‍ക്കിയില്‍ നിന്ന് കണ്ടെത്തി. അതിലൊന്നില്‍ യേശുക്രിസ്തുവിന്റെ ചിത്രം ആലേഖനം ചെയ്തിട്ടുണ്ട്. കരമാന്‍ പ്രവിശ്യയില്‍ സ്ഥിതി ചെയ്യുന്ന, ടോപ്രാക്‌റ്റെപ്പ് എന്നറിയപ്പെടുന്ന പുരാതന റോമന്‍ – ബൈസന്റൈന്‍  നഗരമായ ഐറിനോപോളിസില്‍ നടത്തിയ ഖനനത്തിലാണ്  ഈ അസാധാരണ കണ്ടെത്തല്‍. ആദ്യകാല ക്രൈസ്തവ ആരാധനാക്രമ ആഘോഷങ്ങളില്‍ ഉപയോഗിച്ചിരുന്ന കമ്മ്യൂണിയന്‍ അപ്പങ്ങളാണ് ഇപ്പോള്‍ കണ്ടെത്തിരിയിക്കുന്നതെന്നാണ് ഗവേഷകരുടെ നിഗമനം.  6 മുതല്‍ 8 വരെ നൂറ്റാണ്ടുകളിലെ ബാര്‍ലി ഉപയോഗിച്ച് നിര്‍മിച്ച അപ്പങ്ങള്‍, കാര്‍ബണൈസേഷനും ഓക്‌സിജന്‍രഹിത അന്തരീക്ഷവും  നിമിത്തമാണ് ഇത്രയും കാലം ജീര്‍ണിക്കാതിരുന്നത്. ഒരു അപ്പത്തില്‍ യേശുക്രിസ്തുവിന്റെ രൂപം ചിത്രീകരിച്ചിരിക്കുന്നു. അതോടൊപ്പം ‘ആരാധ്യനായ യേശുവിന് നന്ദി’ എന്ന ഗ്രീക്ക് ലിഖിതവുമുണ്ട്. മറ്റുള്ളവയില്‍ ഗ്രീക്ക് കുരിശിന്റെ രൂപത്തിലുള്ള ചിത്രകലകളും കാണാം. കരമാന്‍ മ്യൂസിയത്തിന്റെയും തുര്‍ക്കി സാംസ്‌കാരിക, ടൂറിസം മന്ത്രാലയത്തിന്റെയും നേതൃത്വത്തിലാണ് ഖനനങ്ങള്‍ നടത്തിയത്. അപ്പങ്ങളുടെ ഉത്ഭവത്തെയും ഉപയോഗത്തെയും കുറിച്ച് കൂടുതല്‍ പഠനങ്ങള്‍ നടത്തിവരുകയാണ്.

അൾത്താര അശുദ്ധമാക്കിയ അസാധാരണ സംഭവത്തിന് ശേഷം വിശുദ്ധികരണ കർമങ്ങൾ എപ്രകാരമാണ് നടന്നത് !!
Read more..

വത്തിക്കാന്‍ സിറ്റി: സെന്റ് പീറ്റേഴ്‌സ് ബസിലിക്കയുടെ അള്‍ത്താര മലിനമാക്കിയതിനെ തുടര്‍ന്ന് നടത്തിയ പശ്ചാത്താപ പരിഹാര കര്‍മങ്ങള്‍ക്ക് സെന്റ് പീറ്റേഴ്സ് ബസിലിക്കയുടെ ആര്‍ച്ച്പ്രീസ്റ്റും വത്തിക്കാന്റെ വികാരി ജനറലുമായ കര്‍ദിനാള്‍ മൗറോ ഗാംബെറ്റി നേതൃത്വം നല്‍കി.  പരിഹാരപ്രദക്ഷിണത്തോടെ ആരംഭിച്ച ചടങ്ങുകളുടെ ഭാഗമായി കര്‍ദിനാള്‍ ഗാംബെറ്റി ബലിപീഠത്തില്‍ വിശുദ്ധജലം തളിക്കുകയും ധൂപിക്കുകയും ചെയ്തു. ഒക്ടോബര്‍ 10 വെള്ളിയാഴ്ചയാണ് ഒരു വ്യക്തി കുമ്പസാരത്തിന്റെ അള്‍ത്താരയില്‍ കയറി മൂത്രമൊഴിച്ച് മലിനമാക്കിയ സംഭവം അരങ്ങേറിയത്. ഒരു വര്‍ഷത്തിനുള്ളില്‍ ഇത് രണ്ടാമത്തെ തവണയാണ് സെന്റ് പീറ്റേഴ്സ് ബസിലിക്ക മലിനമാക്കുന്ന സംഭവം അരങ്ങേറുന്നത്. ഫെബ്രുവരിയില്‍, ഒരു മനുഷ്യന്‍ പ്രധാന അള്‍ത്താരയുടെ ഒരു ഭാഗത്തിന് സാരമായ കേടുപാടുകള്‍ വരുത്തി, നിരവധി മെഴുകുതിരിക്കാലുകള്‍ തകര്‍ത്തിരുന്നു.

കുട്ടിക്കാലത്ത് കുര്‍ബാനയ്ക്ക് പോയിരുന്നോ? ലിയോ പതിനാലാമന്‍ മാര്‍പാപ്പയോടുള്ള കുട്ടിയുടെ ചോദ്യവും പാപ്പയുടെ ഉത്തരവും!!
Read more..

റോം: ദിവ്യബലിക്ക് പോകാന്‍ എന്നും രാവിലെ തന്നെ വിളിച്ചുണര്‍ത്തുന്ന അമ്മയുടെയും, ആറാം വയസ് മുതല്‍ അള്‍ത്താരശുശ്രൂഷകനായി ദിവ്യബലിയില്‍ പങ്കെടുത്തതിന്റെയും ഓര്‍മകള്‍ വത്തിക്കാന്‍ വേനല്‍ക്കാല ക്യാമ്പില്‍ പങ്കെടുക്കുന്ന കുട്ടികളുമായി പങ്കുവച്ച് ലിയോ പതിനാലാമന്‍ മാര്‍പാപ്പ.  സന്തോഷകരവും ശാന്തവുമായ അന്തരീക്ഷത്തില്‍, തന്റെ ബാല്യകാലസ്മരണകള്‍ പങ്കുവെച്ച പാപ്പ കുട്ടികളുടെ ചോദ്യങ്ങള്‍ക്ക് ഊഷ്മളമായും ആര്‍ദ്രമായും മറുപടി നല്‍കി. കുട്ടിക്കാലത്ത് കുര്‍ബാനയ്ക്ക് പോയിരുന്നോ, എന്നു ചോദിച്ച കുട്ടിയോടുള്ള പാപ്പയുടെ പുഞ്ചിരിനിറഞ്ഞ മറുപടി ഇങ്ങനെയായിരുന്നു, ‘തീര്‍ച്ചയായും ഞാന്‍ പോയിരുന്നു. ഞാന്‍ അമ്മയോടും അച്ഛനോടും ഒപ്പം കുര്‍ബാനയ്ക്ക് പോയിരുന്നു. സ്‌കൂളിനു മുമ്പായി കുര്‍ബാനയ്ക്ക് പോകാന്‍ അമ്മ എല്ലാ ദിവസവും രാവിലെ ഉണര്‍ത്തുമായിരുന്നു…..കുര്‍ബാനയില്‍ ശുശ്രൂഷ ചെയ്യുന്നത് എനിക്ക് വളരെ ഇഷ്ടപ്പെട്ട ഒന്നായിരുന്നു, കാരണം ചെറുപ്പം മുതലേ യേശു എപ്പോഴും അടുത്തുണ്ടെന്നും, അവന്‍ ഏറ്റവും നല്ല സുഹൃത്താണെന്നും എന്നെ പഠിപ്പിച്ചിരുന്നു,’ പാപ്പ പറഞ്ഞു. കുര്‍ബാനയില്‍ ശുശ്രൂഷ ചെയ്ത മറ്റ് കുട്ടികളുമായുള്ള സൗഹൃദവും ദിവ്യബലിയില്‍ യേശുവിനോടുള്ള അടുപ്പവും പ്രധാനപ്പെട്ടതായിരുന്നുവെന്ന് പാപ്പ പറഞ്ഞു.ഒഴിവുസമയങ്ങളില്‍, മറ്റേതൊരു കുട്ടിയെയും പോലെ തന്നെ കളിക്കാനാണ്  താന്‍ ഇഷ്ടപ്പെട്ടിരുന്നതെന്ന് പാപ്പ കൂട്ടിച്ചേര്‍ത്തു.

വിശുദ്ധ കാർലോ അക്യൂട്ടീസിന്റെ തിരുന്നാൾ ദിനമായി ഒക്ടോബർ 12 -ആം തിയതി നിശ്ചയിച്ചു!!
Read more..

 വത്തിക്കാൻ: 2006-ൽ അന്തരിച്ച ഇറ്റാലിയൻ കൗമാരക്കാരനായ  വിശുദ്ധ കാർലോ അക്യൂട്ടീസിന്റെ  തിരുനാൾ, ഒക്ടോബർ 12-ആം തീയതി തിരുസഭയുടെ കലണ്ടറിൽ രേഖപ്പെടുത്തി, ഉത്തരവ് പുറത്തിറങ്ങി. 15-ആം വയസ്സിൽ മാരകമായ ല്യൂക്കീമിയ മൂലം മരിച്ച അദ്ദേഹത്തിന്റെ ചരമദിനത്തോടനുബന്ധിച്ചാണ് ഈ തീയതി തിരഞ്ഞെടുത്തത്. അസീസിയും മിലാനും ഉൾപ്പെടെയുള്ള രൂപതകളുടെ കലണ്ടറുകളിൽ ആ ദിവസം രേഖപ്പെടുത്തുകയും, അത് ആഘോഷിക്കാൻ അപേക്ഷിച്ച മറ്റു സമൂഹങ്ങൾക്കും അനുമതി നൽകുകയും ചെയ്തു. പിയർ ജോർജിയോ ഫ്രസ്സാത്തിയുടെ ഓർമ്മതിരുനാൾ ഓരോ വർഷവും ജൂലൈ 4-ന്, ചരമദിനത്തോടനുബന്ധിച്ച് ആഘോഷിക്കപ്പെടുന്നു. 

ഏറ്റവും തിരക്കേറിയ വിമാനത്താവളങ്ങളിലൊന്നായ അറ്റ്ലാന്റ അന്താരാഷ്ട്ര വിമാനത്താവളത്തിൽ ദിവ്യകാരുണ്യ ചാപ്പൽ ഒരുങ്ങിയപ്പോൾ !!!
Read more..

വിമാനത്താവളത്തിന്റെ ഭാഗമായി നിത്യാരാധന ചാപ്പൽ അത്യപൂർവ്വമാണ്. അറ്റ്ലാന്റ അന്താരാഷ്ട്ര വിമാനത്താവളത്തിലൂടെ കടന്നുപോകുന്ന യാത്രക്കാർക്ക് സ്വസ്ഥമായുള്ള പ്രാർത്ഥനയ്ക്ക് അവസരം ഒരുക്കിയിരിക്കുകയാണ്. അറ്റ്ലാന്റ വിമാനത്താവളത്തിലെ അധികൃതരും ജീവനക്കാരും ചാപ്ലിനും ഒരു ദിവ്യകാരുണ്യ ചാപ്പലിനായി മുന്നിട്ടിറങ്ങിയതോടെ അതിരൂപതയും സഹകരണവുമായി എത്തുകയായിരുന്നു.  കണക്റ്റിങ് ഫ്ലൈറ്റുകൾക്കും നേരിട്ടുള്ള ഫ്ലൈറ്റുകൾക്കുമായി നിരവധി ആളുകൾ ഉപയോഗിക്കുന്ന ലോകത്തിലെ തന്നെ ഏറ്റവും തിരക്കേറിയ വിമാനത്താവളമാണ് അറ്റ്ലാന്റ അന്താരാഷ്ട്ര വിമാനത്താവളം. പ്രതിദിനം ശരാശരി 3 ലക്ഷം യാത്രക്കാർ എയർപോർട്ടിൽ എത്തുന്നുണ്ടെന്നാണ് കണക്കുകൾ സൂചിപ്പിക്കുന്നത്. മാത്രമല്ല ഏകദേശം 5000 -ലതികം ജീവനക്കാർ എയർപോർട്ടിൽ ഒരേ സമയത്ത് ജോലി ചെയ്യുന്നുമുണ്ട്. ചുരുക്കത്തിൽ ഒരു ചെറുപട്ടണത്തിന് സമാനമായ ജനസാന്നിധ്യം അറ്റ്ലാന്റ വിമാനത്താവളത്തിലുണ്ട്. ഇവിടെയാണ് 24 മണിക്കൂറും പ്രവേശനമുള്ള ദിവ്യകാരുണ്യ ചാപ്പൽ ഒരുങ്ങിയിരിക്കുന്നത്. നിരവധി ജീവിതങ്ങളെ ദിവ്യകാരുണ്യ ചാപ്പൽ സ്പർശിക്കുന്നുണ്ടെന്ന് ചാപ്ലയിൻ ഫാദർ കെവിൻ പിക്ക് പറയുന്നു. ഏറ്റവും അപ്രതീക്ഷിതമായ സ്ഥലത്ത് ക്രിസ്തുവിനെ കണ്ടുമുട്ടാൻ ഒരു അവസരം ഉണ്ടായിരിക്കുകയാണ്. വിമാനത്താവളത്തിൽ ക്രിസ്തുവിന്റെ സാന്നിധ്യം കണ്ടെത്തിയ സന്ദർശകർ സന്തോഷത്താൽ ഈറൻ അണിയുന്നതും സന്തോഷം പ്രകടിപ്പിക്കുന്നതും ഇപ്പോൾ പതിവ് കാഴ്ചയാണെന്ന് ഫാദർ കെവിൻ പിക്ക് കൂട്ടിച്ചേർത്തു. അറ്റ്ലാന്റ വിമാനത്താവളത്തിലൂടെ കടന്നുപോകുന്ന എല്ലാവർക്കും ക്രിസ്തുവിന്റെ യഥാർത്ഥ സ്നേഹത്തിൽ ആയിരിക്കാനും, അത് അനുഭവിക്കാനും കഴിയുമെന്നും ചാപ്ലിൻ വെളിപ്പെടുത്തി. ദിവ്യകാരുണ്യ ചാപ്പലിൽ ശനി ഞായർ ദിവസങ്ങളിൽ വൈകിട്ട് 4:30ന് ദിവ്യബലി അർപ്പണവും ക്രമീകരിച്ചിട്ടുണ്ട്. പ്രസ്തുത ദിവ്യബലി അർപ്പണങ്ങൾ യാത്രക്കാരുടെയും എയർലൈൻ ജീവനക്കാരുടെയും ഞായറാഴ്ച ആചരണം മുടങ്ങാതിരിക്കാൻ സഹായിക്കുമെന്നും ചാപ്ലിൻ വ്യക്തമാക്കി.

'അവൻ വഴി നയിക്കുന്നു,' വിശുദ്ധ കുർബാന സ്ഥാപന രംഗങ്ങൾ ഉൾപ്പെടുത്തിയുള്ള ദി ചോസെൻ പരമ്പര യുഎസിലെ ആമസോണ്‍ പ്രൈം വീഡിയോ പ്ലാറ്റ്‌ഫോമില്‍ ഒന്നാം സ്ഥാനത്ത്
Read more..

വാഷിംഗ്ടണ്‍ ഡിസി : യേശുവിന്റെ ജീവിതത്തെ ആസ്പദമാക്കിയുള്ള  ‘ദി ചോസെന്‍’ യുഎസിലെ ആമസോണ്‍ പ്രൈം വീഡിയോ പ്ലാറ്റ്‌ഫോമില്‍ ഒന്നാം സ്ഥാനത്ത്. ‘അവന്‍ വഴി നയിക്കുന്നു’ എന്ന് കുറിച്ചുകൊണ്ടാണ് ആമസോണ്‍ എംജിഎം സ്റ്റുഡിയോസ് ഇന്‍സ്റ്റാഗ്രാമില്‍ ഇക്കാര്യം പ്രഖ്യാപിച്ചത്. വിശുദ്ധകുർബാന സ്ഥാപനം ഉൾപ്പെടുത്തിയുള്ള രംഗങ്ങൾ ആണ് ഒന്നാം സ്ഥാനത്തു എത്തി ചേർന്നത്. അതേസമയം  പരമ്പരയിലെ ഏറ്റവും നിര്‍ണായകമായ രംഗങ്ങളിലൊന്നായ കുരിശുമരണരംഗങ്ങളുടെ ചിത്രീകരണം പുരോഗമിക്കുകയാണെന്ന് സിബിഎന്‍ ന്യൂസ് റിപ്പോര്‍ട്ട് ചെയ്തു.

മധ്യപൂര്‍വ്വേഷ്യയിലെ വിവിധ സംഘർഷങ്ങൾക്കിടയില്‍ ഇറാഖില്‍ 450 കുഞ്ഞുങ്ങള്‍ ഈശോയെ സ്വീകരിച്ചു
Read more..

ബാഗ്ദാദ്: മധ്യപൂര്‍വ്വേഷ്യയിലെ വിവിധ സംഘർഷങ്ങൾക്കിടയില്‍ ഇറാഖിലെ ക്വാരാഘോഷിൽ നൂറുകണക്കിന് കുട്ടികളുടെ പ്രഥമ ദിവ്യകാരുണ്യ സ്വീകരണം നടന്നു. കഴിഞ്ഞ ഒരു മാസമായി പട്ടണത്തിലെ വിവിധ പള്ളികളിൽ നടന്ന തിരുക്കര്‍മ്മങ്ങളില്‍ ആൺകുട്ടികളും പെൺകുട്ടികളും ഉള്‍പ്പെടെ 450 കുഞ്ഞുങ്ങളാണ് ആദ്യമായി ഈശോയെ സ്വീകരിച്ചത്. ആർച്ച് ബിഷപ്പ് ബെനഡിക്റ്റസ് ഹാനോ തിരുക്കര്‍മ്മങ്ങളില്‍ കാര്‍മ്മികനായി. നിർബന്ധിത നാടുകടത്തൽ മൂലം അനുഭവിച്ച നിരവധിയായ കഷ്ടപ്പാടുകൾക്കിടയിലും പൂർവ്വിക മാതൃരാജ്യത്തേക്ക് മടങ്ങാനുള്ള ക്രൈസ്തവരുടെ ദൃഢനിശ്ചയത്തെയും ഉറച്ച വിശ്വാസത്തെയും ആർച്ച് ബിഷപ്പ് പ്രശംസിച്ചു. ഈ കുട്ടികള്‍ വിശ്വാസത്തിൽ ക്രിസ്തുവിന്റെ ശരീരം സ്വീകരിക്കുന്നത് കാണുമ്പോൾ, നമ്മുടെ കുടുംബങ്ങൾ വിശ്വാസ പ്രതിബദ്ധതയിൽ ഉറച്ചുനിൽക്കുന്നുവെന്ന് നമുക്ക് മനസ്സിലാകും. നമ്മുടെ സഭ വളർന്ന് അഭിവൃദ്ധി പ്രാപിക്കുന്നു. കുട്ടികളുടെ വിശ്വാസം വളർത്തുന്നതിൽ കത്തോലിക്കാ കുടുംബങ്ങളുടെ നിർണായക പങ്കിനെക്കുറിച്ചും ആര്‍ച്ച് ബിഷപ്പ് ഹാനോ പരാമര്‍ശിച്ചു. പിതാവും മാതാവും വിശ്വാസത്തിൽ ഐക്യപ്പെടുമ്പോൾ കുടുംബം - പ്രലോഭനങ്ങൾ, തിന്മ, ധാർമ്മിക വ്യതിയാനം എന്നിവയെ ചെറുക്കാൻ കഴിവുള്ള ഒരു കോട്ടയായി മാറുകയാണെന്നും അദ്ദേഹം പറഞ്ഞു. 2014 ഓഗസ്റ്റ് 6-ന് ഇസ്ലാമിക് സ്റ്റേറ്റ്സ് നിനവേ മേഖല പിടിച്ചടക്കിയപ്പോൾ അവിടെ നിന്നു നിർബന്ധിതമായി പുറത്താക്കപ്പെട്ടവരാണ് ക്രൈസ്തവര്‍. വിശ്വാസം സംരക്ഷിക്കുന്നതിനായി അവർ തങ്ങളുടെ വീടുകളും സ്വത്തുക്കളും ഉപേക്ഷിക്കാൻ തയാറായി, വിശ്വാസത്തിനുവേണ്ടി ആയിരകണക്കിന് ക്രൈസ്തവരാണ് ഇക്കാലയളവില്‍ പീഡിപ്പിക്കപ്പെട്ടത്. ഇറാഖിന്റെ വടക്കൻ നിനവേ പ്രവിശ്യയിൽ സ്ഥിതി ചെയ്യുന്ന സിറിയയിലെ "ബാഗ്ദേദ" എന്നറിയപ്പെടുന്ന സ്ഥലം ഇപ്പോഴും രാജ്യത്തെ ഏറ്റവും വലിയ ക്രിസ്ത്യൻ പട്ടണങ്ങളിൽ ഒന്നാണ്. എന്നാല്‍ 2014-ന് മുമ്പ് ഏകദേശം 60,000 ആയിരുന്ന ക്രിസ്ത്യാനികളുടെ എണ്ണം ഇന്ന് മേഖലയില്‍ 30,000 ആയി കുറഞ്ഞു.

ഫ്രാൻസിസ് മാർപാപ്പ അവസാന കാലയളവിൽ അംഗീകാരം നൽകിയ സഭാ രേഖ കുർബാന ധർമ്മത്തെക്കുറിച്ചുള്ളതാണ്
Read more..

   ഫ്രാൻസിസ് മാർപാപ്പ അവസാന കാലയളവിൽ അംഗീകാരം നൽകിയ സഭാ രേഖ കുർബാന ധർമ്മത്തെക്കുറിച്ചുള്ളതാണ്…. റവ. ഡോ. ബിൽജു വാഴപ്പിള്ളിയാണ് ഇത് മലയാളത്തിലേക്ക് പരിവർത്തനം ചെയ്തു ലേഖനം തയാറാക്കിയിരിക്കുന്നത്. കുർബാന പണം കൊടുക്കുന്നവരുടെയും, സ്വീകരിക്കുന്നവരുടെയും കാഴ്ചപാടുകൾക്കു കൂടുതൽ വെളിച്ചം വീശുന്നതും; സഭാത്മ പഠനങ്ങൾ മനസിലാക്കി സ്വീകരിക്കാനും കൊടുക്കാനും ഇത് ഒത്തിരി സഹായിക്കുന്നതാണ്.

കുർബാനധർമം എന്തിനാണെന്നും അത് സ്വീകരിക്കാനുള്ള മാനദണ്ഡങ്ങൾ എന്തെല്ലാമാണെന്നും നമ്മെ ഓർമപ്പെടുത്തുന്ന പുതിയ സഭാരേഖയാണ് വൈദികർക്കായുള്ള റോമൻ ഡിക്കാസ്റ്ററി ഫ്രാൻസിസ് മാർപാപ്പയുടെ അംഗീകാരത്തോടെ ഏപ്രിൽ 13 നു പുറത്തിറക്കിയ സെക്കുന്തും പ്രൊബാത്തും (സഭയുടെ പാരമ്പര്യമനുസരിച്ച്) എന്ന ഡിക്രി. വിശുദ്ധ കുർബാനയർപ്പണനിയോഗം, അതിലേക്കായി വിശ്വാസികൾ നൽകിയിരുന്ന തുക, കൂടുതൽ നിയോഗങ്ങളോടെയുള്ള വിശുദ്ധകുർബാനയർപ്പണം തുടങ്ങിയ വിവിധ കാര്യങ്ങളുമായി ബന്ധപ്പെട്ട 1991 ലെ മോസ് യൂജിത്തെർ (Mosiugiter) എന്ന ഡിക്രിയും നിലവിലെ കാനോനികനിയമവും ആണ് ഈ ഡിക്രിക്ക് ആധാരമായിട്ടുള്ളത്. സഭാപാരമ്പര്യമനുസരിച്ച് വിശുദ്ധ കുർബാനയെന്ന കൂദാശയുടെ അന്തസും ആധ്യാത്മികസമഗ്രതയും കാത്തുസൂക്ഷിക്കുക, സഭയിൽ കുർബാനപ്പണം സംബന്ധിച്ച് കൂടുതൽ സുതാര്യതയും വ്യക്തതയും ഉറപ്പാക്കുക, കുർബാനയുടെ നിയോഗവുമായി ബന്ധപ്പെട്ട തങ്ങളുടെ സംഭാവനകൾ കൈകാര്യം ചെയ്യുന്നത് സംബന്ധിച്ച് വിശ്വാസികളുടെ വിശ്വാസ്യത ഉറപ്പാക്കുക എന്നിങ്ങനെ ഈ ഡിക്രിയുടെ ഉദ്ദേശ്യശുദ്ധി വളരെ പ്രശംസനീയമാണ്.

ലോകത്തിന്റെ വിവിധഭാഗങ്ങളിൽനിന്ന്, മെത്രാന്മാരിൽനിന്നും വൈദികരിൽനിന്നും സാധാരണ വിശ്വാസികളിൽനിന്നും വ്യക്തികളിൽനിന്നും സമർപ്പിതസമൂഹങ്ങളിൽനിന്നും കുർബാനധർമവുമായി ബന്ധപ്പെട്ട് ലഭിച്ച നിരീക്ഷണങ്ങൾക്കും ചോദ്യങ്ങൾക്കും അഭ്യർഥനകൾക്കും മറുപടിയായി, ഈ ഡികാസ്ട്രി, പ്രശ്നത്തിന്റെ എല്ലാവശങ്ങളും ആഴത്തിൽ പരിശോധിച്ചതിനുശേഷം, ബന്ധപ്പെട്ട മറ്റ് ഡികാസ്ട്രികളുമായി വിപുലമായ കൂടിയാലോചനകൾക്കുശേഷം, പുതിയ മാനദണ്ഡങ്ങൾ ആവശ്യമാണെന്ന് ബോധ്യപ്പെടുകയും താഴെപ്പറയുന്നവ നൽകുകയും ചെയ്തു.

കുർബാനധർമം

ബലിപീഠത്തിൽ ശുശ്രൂഷിക്കുന്നവർ ബലിപീഠത്തിൽനിന്നു ഉപജീവിക്കുന്നു (1 കോറി 9:13 ) എന്ന തിരുവചനത്തിന്റെ അടിസ്ഥാനത്തിൽ വിശുദ്ധ കുർബാന അർപ്പണത്തിന് ദൈവജനം നൽകുന്ന കാഴ്ചയാണ് കുർബാനധർമം. ഇപ്രകാരം, വിശുദ്ധ കുർബാന അർപ്പണത്തിനായി സംഭാവന നൽകുന്ന വിശ്വാസികൾ, തങ്ങളുടേതായ ത്യാഗം ഏറ്റെടുക്കുന്നതുവഴി കൂടുതലായി വിശുദ്ധ കുർബാനയോട് ചേരുകയും, അതോടൊപ്പം സഭയുടെ ആവശ്യങ്ങളോട് സഹകരിക്കുകയും സഭയിൽ ശുശ്രൂഷ ചെയ്യുന്നവരുടെ പരിപാലനത്തിനായി തങ്ങളുടെ സംഭാവന നൽകുകയുമാണ് ചെയ്യുന്നതെന്ന് ഈ ഡിക്രി ഓർമപ്പെടുത്തുന്നു.

കുർബാനകണക്ക് കൃത്യവും സുതാര്യവുമാകണം

വിശുദ്ധ കുർബാനയുടെ നിയോഗാർത്ഥം സംഭാവന സ്വീകരിക്കുമ്പോൾ, അത് കൃത്യമായി രേഖപ്പെടുത്തപ്പെടുന്നുവെന്നും അതനുസരിച്ചുള്ള വിശുദ്ധ കുർബാനകൾ അർപ്പിക്കപ്പെടുന്നുവെന്നും ഉറപ്പാക്കാൻ മെത്രാന്മാർക്കും വികാരിമാർക്കും കടമയുണ്ട്. അതിൻപ്രകാരം, പൊതുവാർഷികധ്യാനാവസരത്തിൽ (ഇടവക)വൈദികർ തങ്ങളുടെ കുർബാനകണക്കു പുസ്തകം കൃത്യമായി രേഖപ്പെടുത്തി മെത്രാന്റെ അംഗീകാരത്തിനായി സമർപ്പിക്കുന്ന പതിവ് മിക്ക രൂപതകളിലും ഉണ്ട്. ഒരു ദിവസം കുർബാനധർമം ഒന്നു മാത്രമേ സ്വീകരിക്കാവൂ.

ഒരു കുർബാനയും വിവിധ നിയോഗങ്ങളും

വിശുദ്ധ കുർബാന അർപ്പിക്കുന്ന വൈദികന്, തന്നിൽ ഏല്പിക്കപ്പെടുന്ന നിയോഗത്തിലേക്കായി വിശുദ്ധ കുർബാന അർപ്പിക്കുമെന്ന വ്യവസ്ഥയോടെ, കുർബാനപ്പണമെന്ന രീതിയിൽ സംഭാവന സ്വീകരിക്കുന്നതിന് അനുമതിയുണ്ട്. എന്നാൽ, വിവിധ നിയോഗങ്ങൾ ഉൾക്കൊള്ളിച്ചുകൊണ്ട് ഒരു വിശുദ്ധ കുർബാന അർപ്പിക്കുന്ന പതിവ് ഇനിമുതൽ കൂടുതൽ കൃത്യമായ നിബന്ധനകളോടെ മാത്രമേ പാടുള്ളു. ഇത്തരം കുർബാനകളിലേക്ക് പണം സ്വീകരിക്കുമ്പോൾ, ഇതേക്കുറിച്ച് വിശ്വാസികളെ വ്യക്തമായി അറിയിക്കണം. അവരുടെ സ്വതന്ത്രമായ സമ്മതത്തോടെ മാത്രമേ വിവിധ നിയോഗങ്ങൾ ഉൾക്കൊള്ളിച്ചുകൊണ്ടുള്ള വിശുദ്ധ കുർബാനക്കായി അവരുടെ സംഭാവന സ്വീകരിക്കാവൂ. ഈ നിയമത്തിലൂടെ സഭ ലക്ഷ്യം വയ്ക്കുന്നത്, കുർബാനനിയോഗത്തിലേക്കായി ഓരോ വ്യക്തിയും നൽകുന്ന സംഭാവനയ്ക്ക് ഓരോ കുർബാനവീതം അർപ്പിക്കപ്പെടണമെന്ന നിയമം പാലിക്കപ്പെടുക, വിവിധ നിയോഗങ്ങളോടെ ഒരു കുർബാന അർപ്പിക്കുന്ന അധികമായ പതിവ് കുറയ്ക്കുക എന്നിവയാണ്.

മറ്റു നിയമങ്ങൾ

വിശുദ്ധകുർബാനയുടെ നിയോഗത്തിനായി വിശ്വാസികൾ വൈദികർക്ക് നൽകിവന്നിരുന്ന കുർബാനപ്പണത്തിന് വാണിജ്യകൈമാറ്റത്തിന്റെ സ്വഭാവമുണ്ടാകരുത്.കൂദാശകളുടെ പരികർമത്തിനായി, രൂപതാധ്യക്ഷൻ നിശ്ചയിച്ചിട്ടുള്ള ധർമത്തിന് പുറമെ കാർമികൻ ഒന്നും ആവശ്യപ്പെടരുത്.
ദാരിദ്ര്യം കാരണം ഏറ്റവും ആവശ്യക്കാർക്ക് കൂദാശകളുടെ സഹായം നിഷേധിക്കപ്പെടുന്നത് എപ്പോഴും ഒഴിവാക്കണം. അതിനാൽ, കുർബാനപ്പണം കൈപ്പറ്റാതെയും പാവപ്പെട്ടവരുടെ നിയോഗങ്ങൾക്കായി വൈദികർ വിശുദ്ധ കുർബാനയർപ്പിക്കേണ്ടതാണ്.
രൂപതകളിൽ അധികമായി ഉണ്ടാകുന്ന വിശുദ്ധ കുർബാനനിയോഗങ്ങളും അതിനായി ലഭിച്ച തുകയും മിഷൻ പ്രദേശങ്ങൾക്കോ ബുദ്ധിമുട്ടുള്ള മറ്റ് ഇടവകകൾക്കോ നൽകുന്ന ശീലം വളർത്തിയെടുക്കണം.
റവ. ഡോ. ബിൽജു വാഴപ്പിള്ളി

വാഴ്ത്തപ്പെട്ടവരായ കാര്‍ലോ അക്യുട്ടിസിനെയും വാഴ്ത്തപ്പെട്ട പിയര്‍ ജോര്‍ജിയോ ഫ്രാസാറ്റിയെയും സെപ്റ്റംബര്‍ 7 ന് വിശുദ്ധരായി പ്രഖ്യാപിക്കും
Read more..

വത്തിക്കാന്‍ സിറ്റി: വാഴ്ത്തപ്പെട്ടവരായ കാര്‍ലോ അക്യുട്ടിസിനെയും വാഴ്ത്തപ്പെട്ട പിയര്‍ ജോര്‍ജിയോ ഫ്രാസാറ്റിയെയും സെപ്റ്റംബര്‍ 7 ന് ഒരുമിച്ച് വിശുദ്ധരായി പ്രഖ്യാപിക്കും. ജൂണ്‍ 13 ന് അപ്പസ്‌തോലിക് കൊട്ടാരത്തില്‍ നടന്ന ലിയോ പതിനാലാമന്‍ മാര്‍പാപ്പയുടെ പൊന്തിഫിക്കേറ്റിലെ കര്‍ദിനാള്‍മാരുടെ ആദ്യത്തെ സാധാരണ പൊതു കണ്‍സെസ്റ്ററിയിലാണ് തീയതി നിശ്ചയിച്ചത്. യുവജനങ്ങളുടെ ജൂബിലി ആഘോഷത്തിനിടെ ഓഗസ്റ്റ് 3-ന് നടത്താന്‍ നിശ്ചയിച്ചിരുന്ന ഫ്രാസാറ്റിയുടെ വിശുദ്ധപദവി പ്രഖ്യാപനവും അപ്രതീക്ഷിതമായി സെപ്റ്റംബര്‍ ഏഴിലേക്ക് മാറ്റാന്‍ കണ്‍സിസ്റ്ററി തീരുമാനിക്കുകയായിരുന്നു.. നേരത്തെ ഏപ്രില്‍ 27-ന് നടത്താനിരുന്ന അക്യുട്ടിസിന്റെ വിശുദ്ധ പദവി പ്രഖ്യാപനം ഫ്രാന്‍സിസ് മാര്‍പാപ്പയുടെ വിയോഗത്തെ തുടര്‍ന്ന് മാറ്റിവച്ചിരുന്നു.
2006 -ല്‍ 15 വയസ്സുള്ളപ്പോള്‍ രക്താര്‍ബുദം ബാധിച്ച് മരിച്ച അക്യുട്ടിസ്, കത്തോലിക്കാ സഭ വിശുദ്ധനായി പ്രഖ്യാപിക്കുന്ന ആദ്യത്തെ ‘മില്ലേനി’യലാണ്. 2020-ല്‍ കത്തോലിക്കാ സഭ വാഴ്ത്തപ്പെട്ടവനായി പ്രഖ്യാപിച്ച ആദ്യ മില്ലേനിയലാണ് അക്യുട്ടിസ്. അഗാധമായ വിശ്വാസത്തിനും ഡിജിറ്റല്‍ വൈദഗ്ധ്യത്തിനും പേരുകേട്ട അദ്ദേഹം, ലോകമെമ്പാടുമുള്ള ദിവ്യകാരുണ്യ അത്ഭുതങ്ങളിലേക്ക് ശ്രദ്ധ ആകര്‍ഷിക്കാന്‍ തന്റെ കമ്പ്യൂട്ടര്‍-കോഡിംഗ് കഴിവുകള്‍ ഉപയോഗിച്ചു. മരണത്തിന് തൊട്ടുമുമ്പ്, അക്യുട്ടിസ് തന്റെ കാന്‍സര്‍ രോഗബാധിതത ‘പോപ്പിനും സഭയ്ക്കും വേണ്ടി’ സമര്‍പ്പിക്കുകയും ‘നേരെ സ്വര്‍ഗത്തിലേക്ക്’ പോകാനുള്ള ആഗ്രഹം പ്രകടിപ്പിക്കുകയും ചെയ്തു.
1925-ല്‍ 24-ാം വയസില്‍ അന്തരിച്ച ഫ്രാസാറ്റി, വടക്കന്‍ ഇറ്റാലിയന്‍ നഗരമായ ടൂറിനില്‍ നിന്നുള്ള ഉത്സുകനായ പര്‍വതാരോഹകനും, ജീവകാരുണ്യ പ്രവര്‍ത്തനങ്ങള്‍ക്ക് പേരുകേട്ട ഡൊമിനിക്കന്‍ മൂന്നാം സഭക്കാരനുമാണ്. പതിനേഴാമത്തെ വയസില്‍ അദ്ദേഹം സെന്റ് വിന്‍സെന്റ് ഡി പോള്‍ സൊസൈറ്റിയില്‍ ചേര്‍ന്നു, തന്റെ ഒഴിവുസമയങ്ങളില്‍ ഭൂരിഭാഗവും ദരിദ്രരെയും, ഭവനരഹിതരെയും, രോഗികളെയും, ഒന്നാം ലോകമഹായുദ്ധത്തില്‍ നിന്ന് മടങ്ങിയെത്തിയ സൈനികരെയും പരിചരിക്കുന്നതിനായി നീക്കിവച്ചു. 1925 ജൂലൈ 4 ന് ഫ്രാസാറ്റി പോളിയോ ബാധിച്ച് മരിച്ചു. രോഗികളെ സേവിക്കുന്നതിനിടെയാണ് യുവാവിന് പോളിയോ പിടിപെട്ടതെന്ന് അദ്ദേഹത്തിന്റെ ഡോക്ടര്‍മാര്‍ പിന്നീട് കണ്ടെത്തി.

ഫ്രാൻസിസ് മാർപാപ്പ
Read more..

    പൊതുദർശനത്തിനായി വിശുദ്ധ പത്രോസിന്റെ ബസ്സിലിക്കയുടെ ചത്വരത്തിൽ ഒത്തുകൂടിയ വിശ്വാസികളെ അഭിസംബോധന ചെയ്തുകൊണ്ട് ഫ്രാൻസിസ് മാർപാപ്പ പറഞ്ഞു. വിശുദ്ധ ബലിയർപ്പണം തിരുസഭയുടെ ഹൃദയമാണ്; അവളുടെ ജീവിതത്തിൻ്റെ സ്രോതസ്സാണ്. ദിവ്യകാരുണ്യത്തിനായി മരണം വരിച്ച അനേകം ക്രൈസ്തവരെയും, ഇന്നും ഞായറാഴ്ചത്തെ ദിവ്യബലിയിൽ സംബന്ധിക്കാൻ തങ്ങളുടെ ജീവിതങ്ങൾ അപകടത്തിലാക്കേണ്ടിവരുന്ന എല്ലാവരെയും നാം അനുസ്മരിക്കുന്നു. മരണത്തിൻ്റെ മേലുള്ള ക്രിസ്തുവിൻ്റെ വിജയത്തിൽ നമ്മെ പങ്കുകാരാക്കിക്കൊണ്ട് നമുക്ക് നിത്യജീവൻ നൽകുന്ന ദിവ്യകാരുണ്യത്തിനുവേണ്ടി ഭൗമീക ജീവിതം ഉപേക്ഷിക്കാൻ കഴിയും എന്നവരുടെ സാക്ഷ്യം നമ്മെ പഠിപ്പിക്കുന്നു. ദിവ്യകാരുണ്യമില്ലാതെ നമുക്ക് ജീവിക്കുവാൻ കഴിയുകയില്ല. ദിവ്യകാരുണ്യമില്ലെങ്കിൽ നമ്മുടെ ക്രിസ്തീയ ജീവിതം നശിക്കും എന്ന് നിശ്ചയമായി നാം മനസ്സിലാക്കണം. നമ്മുടെ ജീവനായ യേശുക്രിസ്തു തന്നെ തന്നെ  സന്നിഹിതനാക്കുന്ന അത്ഭുതകരമായ സംഭവമാണ് വിശുദ്ധ ബലിയർപ്പണം. വിവിധ കാര്യങ്ങളിൽ വ്യാപൃതരാകുന്നതിനുള്ള അവസരമല്ല ദിവ്യബലി. കർത്താവ് അവിടെയുണ്ട് എന്ന് അവബോധം വിശുദ്ധ ബലിയർപ്പണത്തിൽ പങ്കെടുക്കുന്ന ഓരോ വ്യക്തിക്കും ഉണ്ടാകേണ്ടത് പ്രധാനമാണ്.  ഇത് ഒരു കൗതുക ദൃശ്യമല്ല. തുടർന്ന് അദ്ദേഹം തൻ്റെ ദുഃഖം പങ്കുവെച്ചു. ഇവിടെ വിശുദ്ധ പത്രോസിന്റെ ബസിലിക്കയുടെ ചത്വരത്തിലോ, ബസിലിക്കയിലോ ഞാൻ ദിവ്യബലി അർപ്പിക്കുമ്പോൾ അനേകം സെൽഫോണുകൾ ഉയരുന്നതായി കാണുന്നത് എന്നെ ദുഃഖിതനാക്കുന്നു. സെൽഫോണുകൾ അല്ല ഉയരേണ്ടത് മറിച്ച് കൂദാശകളിലെ സന്നിഹിതനാകുന്ന ക്രിസ്തുവിനെ കാണാനും സ്പർശിക്കാനും ദർശിക്കാനും നമുക്ക് കഴിയണം.

ലോകത്തിലെ ഏറ്റവും തിരക്കേറിയ വിമാനത്താവളമായ അമേരിക്കയിലെ അറ്റ്‌ലാന്റ എയർപോർട്ടിൽ ദിവ്യകാരുണ്യ ചാപ്പൽ ശ്രദ്ധേയമാകുന്നു.
Read more..

 അറ്റ്‌ലാന്റ: ലോകത്തിലെ ഏറ്റവും തിരക്കേറിയ വിമാനത്താവളമായ അമേരിക്കയിലെ അറ്റ്‌ലാന്റ എയർപോർട്ടിൽ ദിവ്യകാരുണ്യ ചാപ്പൽ ശ്രദ്ധേയമാകുന്നു. ആഴ്ചയിലെ ഏഴു ദിവസങ്ങളിലും 24 മണിക്കൂറും വിശ്വാസികൾക്ക് ഇതിൽ പ്രവേശിച്ച് പ്രാർത്ഥിക്കാൻ സാധിക്കും. ഹാർട്ട്സ്ഫീൽഡ്- ജാക്സൺ വിമാനത്താവളത്തിലെ ചാപ്ലിൻമാരുടെയും, അറ്റ്‌ലാന്റ അതിരൂപതയുടെയും ശ്രമഫലം വഴിയാണ് ചാപ്പൽ തുറക്കാൻ കാരണമായത്. ആർച്ച് ബിഷപ്പിന്റെ അനുമതിയോടുകൂടി കഴിഞ്ഞ നവംബർ മാസം തന്നെ സക്രാരി ഇവിടെ പ്രതിഷ്ഠിച്ചിരുന്നു. യാത്രക്കാർക്കും, വിമാനത്താവളത്തിലെ ജീവനക്കാർക്കും മാത്രമേ ഇതുവരെ ചാപ്പലിൽ പ്രവേശനാനുമതി ഉണ്ടായിരുന്നുള്ളൂ. വിവിധ സ്ഥലങ്ങളിലേക്ക് പോകാൻ വേണ്ടി ലോകത്തിന്റെ ഭാഗങ്ങളിൽ നിന്നുമെത്തുന്ന ആളുകളുടെ എണ്ണം കണക്കിലെടുക്കുമ്പോൾ ഇവിടെ ഒരു ചാപ്പൽ വളരെയധികം ആവശ്യമായിരുന്നുവെന്ന് ചാപ്ലിനായി സേവനം ചെയ്യുന്ന ഫാ. കെവിൻ പീക്ക് കാത്തലിക്ക് ന്യൂസ് ഏജൻസിയോട് പറഞ്ഞു. ബിസിനസ് ഇൻസൈഡർ റിപ്പോർട്ട് പ്രകാരം പ്രതിദിനം മൂന്നുലക്ഷത്തോളം യാത്രക്കാരാണ് വിമാനത്താവളം വഴി കടന്നുപോകുന്നത്. 64000 ജോലിക്കാർ എങ്കിലും എപ്പോഴും വിമാനത്താവളത്തിൽ കാണുമെന്നും, ഈ അംഗസംഖ്യ ഒരു പട്ടണത്തിലെയോ, നഗരത്തിലെയോ ജനസംഖ്യയ്ക്ക് തുല്യമാണെന്നും ഫാ. കെവിൻ ചൂണ്ടിക്കാട്ടി. ഒട്ടും പ്രതീക്ഷിക്കാത്തയിടത്ത് ക്രിസ്തുവിനെ കണ്ടുമുട്ടാനായി സാഹചര്യം ഒരുക്കിത്തരുന്ന ചാപ്പൽ, ഇതിനോടകം തന്നെ നിരവധി ജീവിതങ്ങളെ സ്പർശിച്ചുവെന്നും അദ്ദേഹം പറഞ്ഞു. ഫാ. കെവിന്റെ പിതാവ് ജോസഫ് പീക്ക് ഒരു പൈലറ്റ് ആയിരുന്നു. തന്റെ പിതാവിന് ദിവ്യകാരുണ്യ ഭക്തി കാത്തുസൂക്ഷിച്ച വ്യക്തിയായിരിന്നുവെന്നും അദ്ദേഹം കൂട്ടിച്ചേര്‍ത്തു. അന്താരാഷ്ട്ര ടെർമിനലിലാണ് ചാപ്പൽ സ്ഥിതി ചെയ്യുന്നത്.

ഫ്രാൻസ്സിക്കൻ സിസ്റ്റേഴ്സ് ഓഫ് പെർപെച്വൽ അഡോറേഷൻ, 1878-മുതൽ ആരംഭിച്ച 24 – മണിക്കൂർ ആരാധന 16 – മണിക്കൂറിലേക്കു ചുരുക്കുന്നു.
Read more..

ടാൻസാനിയൻ കത്തോലിക്കാ സഭ ദിവ്യകാരുണ്യ ആത്മീയതയിൽ കേന്ദ്രമായ തിരുഹൃദയ ഭക്തിക്ക് തുടക്കം കുറിക്കുന്നു.
Read more..

  സേക്രഡ് ഹാർട്ട് ഓഫ് ജീസസ് പ്രസ്ഥാനത്തിൻ്റെ ഒരു വർഷം നീണ്ടുനിൽക്കുന്ന രജതജൂബിലി ആഘോഷങ്ങൾ ടാൻസാനിയൻ എപ്പിസ്‌കോപ്പൽ സീയിൽ എംബുലു കാത്തലിക് രൂപതയിൽ ആരംഭം കുറിച്ചു. നവംബർ 5-ന് നടന്ന ചടങ്ങിൽ അധ്യക്ഷത വഹിച്ച എംബുലു രൂപതയുടെ ലോക്കൽ ഓർഡിനറി ബിഷപ്പ് ആൻ്റണി ഗാസ്‌പർ ലഗ്‌വെൻ, വിശുദ്ധ കുർബാനയിൽ പങ്കെടുക്കുന്നതിൻ്റെയും, ഒരുക്കത്തോടെയുമുള്ള വിശുദ്ധ കുർബാന സ്വീകരിക്കുന്നതിൻ്റെയും, ദിവ്യകാരുണ്യ ആരാധനയുടെ മൂല്യം ഊന്നിപ്പറഞ്ഞു. വിശുദ്ധ കുർബാനയിലെ സജീവമായ പങ്കാളിത്തം, കൃപയുടെ അവസ്ഥയിലുള്ള കുർബാന സ്വീകരണങ്ങൾ, ദിവ്യകാരുണ്യ ആരാധനകൾ  എന്നിവ ദൈവജനത്തിൻ്റെ ക്രിസ്തീയ വിശ്വാസത്തെ ശക്തിപ്പെടുത്തുമെന്ന് ബിഷപ്പ് ലഗ്‌വെൻ ഔവർ ലേഡി ഓഫ് അസംപ്ഷൻ കത്തീഡ്രലിൽ നടത്തിയ പ്രഭാഷണത്തിൽ പറഞ്ഞു. സേക്രഡ് ഹാർട്ട് ഓഫ് ജീസസ് പ്രസ്ഥാനത്തിൻ്റെ സിൽവർ ജൂബിലി ആഘോഷങ്ങളുടെ വേദിയായിരുന്നു എംബുലു രൂപത.

സിംഗപ്പൂരിലെ അപ്പർ ബുക്കിറ്റ് തിമാഹിലുള്ള സെൻ്റ് ജോസഫ് പള്ളിയിൽ ശനിയാഴ്ച വൈകുന്നേരം കുർബാനയ്ക്കിടെ ഫാദർ ക്രിസ്റ്റഫർ ലീ -ക്ക് കുത്തേറ്റു
Read more..

    സിംഗപ്പൂരിലെ അപ്പർ ബുക്കിറ്റ് തിമാഹിലുള്ള സെൻ്റ് ജോസഫ് പള്ളിയിൽ ശനിയാഴ്ച വൈകുന്നേരം കുർബാനയ്ക്കിടെ ഫാദർ ക്രിസ്റ്റഫർ ലീ -ക്ക് കുത്തേറ്റു, അക്രമിയെ അറസ്റ്റ് ചെയ്തു, ഫാദർ ലീയുടെ ആരോഗ്യനില തൃപ്തികരമാണ്.
വിശുദ്ധ കുർബാന സ്വീകരണ മദ്ധ്യേ കുത്തേറ്റ ഫാദർ ക്രിസ്റ്റഫർ ലീ (57) യെ സിംഗപ്പൂരിലെ നാഷണൽ യൂണിവേഴ്സിറ്റി ഹോസ്പിറ്റലിൽ പ്രവേശിപ്പിച്ചു, അദ്ദേഹത്തിൻ്റെ ആരോഗ്യനില തൃപ്തികരമാണെന്ന് മെഡിക്കൽ റിപ്പോർട്ട് – ൽ പറയുന്നുണ്ട്. സിംഗപ്പൂർ പോലീസ് ഫോഴ്‌സ് പറയുന്നതനുസരിച്ച്, പ്രാഥമിക അന്വേഷണങ്ങളുടെ അടിസ്ഥാനത്തിൽ, ആ മനുഷ്യൻ ഒറ്റയ്ക്കാണ് പ്രവർത്തിച്ചതെന്ന് വിശ്വസിക്കപ്പെടുന്നു, ഇത് തീവ്രവാദ പ്രവർത്തനമാണെന്ന് പോലീസ് ഇപ്പോൾ സംശയിക്കുന്നില്ല. ഈ സംഭവത്തിന് പിന്നിലെ ഉദ്ദേശ്യം കണ്ടെത്താൻ അന്വേഷണങ്ങൾ നടക്കുന്നതിനാൽ പൊതുജനങ്ങളോട് ശാന്തത പാലിക്കാനും ഊഹാപോഹങ്ങളിൽ നിന്ന് വിട്ടുനിൽക്കാനും ആവശ്യപ്പെട്ടു

ഫ്രാൻസിസ് മാർപാപ്പ, വിശുദ്ധ പത്രോസിൻ്റെ കസേരയുടെ തിരുശേഷിപ്പ് വണക്കത്തിനു തുടക്കം കുറിച്ചു.
Read more..

  ഒക്‌ടോബർ 2-ന് ആരംഭിച്ച “ സഭ; കൂട്ടായ്മയും പങ്കാളിത്തവും ദൗത്യവും” എന്ന വിഷയത്തെ കേന്ദ്രീകരിച്ച് ആരംഭിച്ച ബിഷപ്പുമാരുടെ സിനഡിൻ്റെ 16-ാമത് ഓർഡിനറി ജനറൽ അസംബ്ലി ഒക്ടോബർ 27 ഞായറാഴ്ച സമാപിച്ചു. 300-ലധികം വൈദികരും ബിഷപ്പുമാരും 70 കർദ്ദിനാൾമാരും ഒമ്പത് പാത്രിയാർക്കീസും കേന്ദ്ര അൾത്താരയ്ക്ക് മുകളിൽ അടുത്തിടെ പുനഃസ്ഥാപിച്ച ബാൽഡാച്ചിനോയുടെ മേലാപ്പിന് കീഴിൽ സിനഡിൻ്റെ സമാപന കുർബാനയിൽ പങ്കെടുത്തു.  കുർബാന അവസാനിച്ചപ്പോൾ, ഫ്രാൻസിസ് മാർപാപ്പ, വിശുദ്ധ പത്രോസിൻ്റെ കസേരയുടെ തിരുശേഷിപ്പ് വണക്കത്തിനു തുടക്കം കുറിച്ചു.  മാർപ്പാപ്പയുടെ ആധികാരികതയെ സൂചിപ്പിക്കുന്നതാണ് പത്രോസിന്റെ സിംഹാസനം. ആ സിംഹാസനത്തിന്റെ ഒരു ഭാഗമാണ് ഈ തിരുശേഷിപ്പ്. ഡിസംബർ 8 വരെ സെൻ്റ് പീറ്റേഴ്‌സ് ബസിലിക്കയിൽ പൊതു വണക്കത്തിനായി ഇത് പ്രദർശിപ്പിക്കും.

1624-ൽ പോപ്പ് അർബൻ എട്ടാമൻ, ബർണിനിയെ വിശുദ്ധ പത്രോസ് അപ്പോസ്തലൻ്റെ
Read more..

    1624-ൽ പോപ്പ് അർബൻ എട്ടാമൻ, ബർണിനിയെ വിശുദ്ധ പത്രോസ് അപ്പോസ്തലൻ്റെ ശവകുടീരത്തിന് മുകളിൽ സ്ഥിതി ചെയ്യുന്ന   അൾത്താരയ്ക്ക് മുകളിൽ  മേലാപ്പ് രൂപകൽപ്പന ചെയ്യാനും, നിർമ്മിക്കാനും ചുമതലപ്പെടുത്തി. അദ്ദേഹം, ഫ്രാൻസെസ്കോ ബോറോമിനിയുടെ  സഹായത്തോടെ ഒമ്പത് വർഷമെടുത്തു നിർമ്മാണം പൂർത്തിയാക്കി. പൊടിപടനങ്ങളും, കാലാവസ്ഥ പ്രശനങ്ങളും കാരണം വർഷങ്ങൾക്കുശേഷം അത് നവീകരിക്കേണ്ടത് ആവശ്യമായി വന്നു.  ഒക്‌ടോബർ 27-ന് സിനഡലിറ്റിയെക്കുറിച്ചുള്ള സിനഡിന്റെ സമാപന കുർബാനയിൽ ഫ്രാൻസിസ് മാർപാപ്പ അധ്യക്ഷത വഹിക്കുമ്പോൾ, പുനരുദ്ധാരണത്തിനുശേഷം ആദ്യമായി മേലാപ്പിൻ്റെ 400 വർഷം പഴക്കമുള്ള വെങ്കല നിരകൾ പൊതുജനങ്ങൾക്ക് കാണാൻ കഴിഞ്ഞു. കഴിഞ്ഞ എട്ട് മാസമായി മധ്യഭാഗത്തുള്ള അൾത്താരയെ ചുറ്റിയുള്ള മറ നീക്കം ചെയ്തു. “സഭ പ്രതിഫലിപ്പിക്കേണ്ട സൗന്ദര്യവും മഹത്വവും” പുനരുദ്ധാരണം പ്രകടമാക്കുന്നുവെന്ന് സെൻ്റ് പീറ്റേഴ്‌സ് ബസിലിക്കയുടെ ആർച്ച്‌പ്രിസ്റ്റായ കർദ്ദിനാൾ മൗറോ ഗാംബെറ്റി പറഞ്ഞു. 

സ്പെയിനിൽ ആവില
Read more..

സാന്റോ ഡോമിംഗോയിലെ ആർച്ച് ബിഷപ്പായ ഫ്രാൻസിസ്കോ ഓസോറിയ
Read more..

    സാന്റോ ഡോമിംഗോയിലെ ആർച്ച് ബിഷപ്പായ ഫ്രാൻസിസ്കോ ഓസോറിയ,  അന്തർദേശീയ ദിവ്യകാരുണ്യ സംഗമത്തിൽ  നൽകിയ സന്ദേശം പ്രധാനമായിട്ട് വൈദികരെ ഉദ്ദേശിച്ചുകൊണ്ടായിരുന്നു. വിശുദ്ധ ബലിയർപ്പണം ഇല്ലാതെ സാമൂഹിക പ്രവർത്തനങ്ങൾക്ക് പോകുന്നവരെ അദ്ദേഹം പരാമർശിച്ചു. എല്ലാ പ്രവർത്തനങ്ങളുടെയും കേന്ദ്രമായി ദിവകാരുണ്യത്തെ പരിഗണിക്കണം അല്ലെങ്കിൽ എല്ലാ സാമൂഹിക പ്രവർത്തനങ്ങളും ശൂന്യമായി തീരും. വൈദികരുടെ ജീവിതത്തിലൂടെ ദിവകാരുണ്യത്തിന്റെ ചൈതന്യവും അത് ക്രൈസ്തവ ജീവിതത്തിൽ എത്രമാത്രം പ്രധാനപ്പെട്ടതാണ് എന്നും ജനങ്ങളെ പഠിപ്പിക്കാൻ സാധിക്കണം. ഓരോ ദിവ്യകാരുണ്യ സംഗമത്തിന്റെ ലക്ഷ്യവും ഇതുതന്നെയാണ്; ദിവകാരുണ്യത്തെ ക്രൈസ്തവ ജീവിതത്തിന്റെ അടിസ്ഥാനമാക്കുക, ആരംഭമാക്കുക, പൂർത്തിയായിട്ട് പ്രഖ്യാപിക്കുക. എല്ലാ വൈദികരും അവരുടെ  പ്രസംഗങ്ങളിലും പ്രവർത്തനങ്ങളിലും ഇത് പ്രചരിപ്പിക്കണമെന്ന് അദ്ദേഹം ഓർമിപ്പിച്ചു.