സീറോ മലബാർ സഭയിലെ വിശുദ്ധ കുർബാനയിൽ കുർബാന സ്വീകരണത്തിന് മുൻപുള്ള 'സ്വർഗ്ഗസ്ഥനായ ഞങ്ങളുടെ പിതാവേ' എന്ന പ്രാർത്ഥന പിതാവിനോട് മക്കളുടെ സ്നേഹത്തോടെ ചൊല്ലുന്ന പ്രാർത്ഥനയാണ്. ഈശോയുടെ ദിവ്യ രഹസ്യങ്ങൾ ധ്യാനിച്ച, പങ്കുചേർന്ന, ദൈവജനം;  സഭയോട്, സഹോദരങ്ങളോട്, ദൈവത്തോട് എല്ലാം അനുരഞ്ജനപെട്ട്, അപരാധങ്ങൾ പൊറുക്കേണമേ എന്നു  പ്രാർത്ഥിച്ച് പിതാവിന്റെ  മക്കൾ എന്ന് വിളിക്കപെടാൻ തക്കവിധത്തിലുള്ള യോഗ്യതയിലേക്ക് ഉയർത്തപ്പെട്ടിരിക്കുകയ്യാണ്. പിതാവിനോടുള്ള മക്കളുടെ അതിയായ വാത്സല്യത്തോടെയാണ് ഈ  പ്രാർത്ഥന ചൊല്ലേണ്ടത്.