പി ഓ സി ബൈബിളിന്റെ പുതിയ പരിവർത്തനം ഈ നാളുകൾ സഭ പുറത്തിറക്കിയിരുന്നു; പ്രധാന മാറ്റങ്ങൾ ചുവടെ കുറിക്കുന്നു;
Read more..

 ഒന്ന്; ശീർഷകങ്ങളുടെ സ്ഥാനചലനം. ശീർഷകം എന്ന് പറയുന്നത് മൂലഭാഷയിൽ ഉള്ളതല്ല.  ബൈബിളിൽ നമ്മൾ കാണുന്ന ശീർഷകങ്ങളെല്ലാം വിവർത്തകർ വായനക്കാർക്ക് അതിലെ ആശയം  മനസ്സിലാക്കാൻ വേണ്ടി കൊടുത്തിരിക്കുന്നതാണ്. 

 രണ്ടാമത്തേത്  വാക്യത്തിന്റെ നമ്പറുകൾ;  പഴയ നിയമത്തിലെ ഹീബ്രു നമ്പറിങ്ങും, ഗ്രീക്ക് നമ്പറിങ്ങും തമ്മിൽ ഒരു വാക്യത്തിന്റെ ഒക്കെ വ്യത്യാസം ഉണ്ടാകും.   നിലവിലുള്ള പിഒസി ബൈബിളിൽ ഗ്രീക്ക് നമ്പറിങ് ആണ് ഫോളോ ചെയ്തിരിക്കുന്നത്. പുതിയ വിവർത്തനത്തിൽ ഹീബ്രു നമ്പറിങ് ആണ് ഫോളോ ചെയ്യുന്നത്. അതുകൊണ്ട്  പഴയ നിയമത്തിന്റെ ഭാഗത്ത് ചെറിയ വ്യത്യാസങ്ങൾ ഇപ്പോൾ ഉള്ള റിവൈസ് പിഓസിയിൽ കണ്ടു എന്ന് വരും. 

മൂന്നാമത്   നേരത്തെ ഉണ്ടായിരുന്ന  പി ഓ സി വിവർത്തനത്തിൽ ചില വാക്യങ്ങൾ വിട്ടുപോയിട്ടുണ്ട്. അത് പുതിയ വിവർത്തനത്തിൽ ചേർത്തിട്ടുണ്ട്. 

നാലാമത്, മൂല ഗ്രന്ഥവുമായി ചേർന്ന് നിൽക്കുന്ന പരിഭാഷയ്ക്കായി ശ്രദ്ധിച്ചിട്ടുണ്ട്, അതിനാൽ തന്നെ ചില വാക്കുകൾക്ക് മാറ്റം വന്നിട്ടുണ്ട്. 

അഞ്ചാമത്, അക്ഷരാർത്ഥ വിവർത്തനത്തോടൊപ്പം; ദൈവശാത്രപരമായ പരിവർത്തനത്തിനു ശ്രദ്ധിച്ചിട്ടുണ്ട്. 

ആറാമത്തേത്, ഹീബ്രു ടെക്സ്റ്റിനെ അപേക്ഷിച്ച് സപ്തതിയിൽ കൂടുതലായി ചില ഭാഗങ്ങൾ ചിലയിടത്തുണ്ട്. പഴയ വിവർത്തനത്തിൽ അത് ടെസ്റ്റിൽ ഉൾപ്പെടുത്തിയിരുന്നു. പുതിയ വിവർത്തനത്തിൽ അത് ടെക്സ്റ്റിൽ കയറ്റിയിട്ടില്ല; അടികുറിപ്പായി നൽകിയിട്ടുണ്ട്. അത് പഠിക്കുന്നവർക്ക് സഹായമാകും.  

 ഏഴാമത് പറയുകയാണെങ്കിൽ ഒത്തിരിയേറെ അടിക്കുറിപ്പുകൾ  ഈ റിവൈസ്ഡ് വേർഷനിൽ ചേർത്തിട്ടുണ്ട് അത്  വളരെ വലിയ തോതിൽ വായനക്കാർക്കും, പഠിക്കുന്നവർക്കും സഹായകമാകും. ഉദാഹരണമായി,  ഗോതമ്പുമണി നിലത്തുവീണ് അഴിയുന്നില്ലെങ്കിൽ അത് അതേപടി ഇരിക്കും. അഴിയുന്നെങ്കിലോ അത് അത് ഒത്തിരി ഫലം പുറപ്പെടിക്കും. അവിടെ കൊടുത്തിരിക്കുന്ന വാക്ക്  ഗ്രീക്കിലെ  'അപ്പോനെസ്കോ' മരിക്കുക എന്ന പദമാണ്. ഗോതമ്പുമണി നിലത്തുവീണ മരിക്കുന്നില്ലെങ്കിൽ അത് അതേപടി ഇരിക്കും മരിക്കുന്നെങ്കിലോ അത് അനേകം ഫലം പുറപ്പെടിക്കും. ഇത് അടികുറിപ്പായി ചേർത്തിട്ടുണ്ട്. 

എട്ടാമത്തേത്  എവിടെയൊക്കെ പദ്യരൂപം ഉണ്ടോ അതെല്ലാം ആ പദ്യ ഫോർമാറ്റിൽ വിവർത്തനം ചെയ്യാൻ ശ്രദ്ധിച്ചിട്ടുണ്ട്. പുതിയ വിവർത്തനം   വായിച്ചാൽ കവിതാ രൂപത്തിൽ എവിടെയൊക്കെ ഉണ്ടെന്നുള്ളത് വേഗം തിരിച്ചറിയാൻ കഴിയും. 

ഒമ്പതാമായി,  ഓരോ പുസ്തകത്തിനും ആമുഖം നേരത്തെ ഉണ്ടായിരുന്നു. പുതിയ വിവർത്തനത്തിൽ കുറച്ചും കൂടി വിശദമായ ആമുഖം ഉൾപ്പെടുത്തിയിട്ടുണ്ട്. അതുപോലെ വിവരണം ആവശ്യമുള്ള സ്ഥലങ്ങളിൽ അതും ചെയ്തിട്ടുണ്ട്. 

അവസാനമായി,  സങ്കീർത്തന ഗ്രന്ഥത്തെ അഞ്ചു പുസ്തകമാക്കി തിരിച്ചതായിട്ട് നമുക്ക് കാണാൻ കഴിയും.  ഒറ്റനോട്ടത്തിൽ പഠന സഹായം എന്ന് മനസ്സിലാക്കാവുന്ന ഒത്തിരി കാര്യങ്ങൾ കൂടി പുതിയ വിവർത്തനത്തിൽ ചേർത്തിട്ടുണ്ട്.

തലശ്ശേരി അതിരൂപതയിലെ തോമാപുരം ഇടവകയിൽ നടന്ന ദിവ്യകാരുണ്യ പ്രദക്ഷിണം
Read more..

  തലശ്ശേരി അതിരൂപതയിലെ തോമാപുരം ഇടവകയിൽ നടന്ന ദിവ്യകാരുണ്യ പ്രദക്ഷിണം, വിവിധങ്ങളായ നിശ്ചല ഛായാ ചിത്രീകരണങ്ങൾ കൊണ്ട് സമ്പന്നമായിരുന്നു. കർത്താവിൻ്റെ ജനനം മുതൽ അന്ത്യത്താഴമുൾപ്പെടുത്തിയുള്ള പ്ലോട്ടുകൾ വി.കുർബ്ബാന സംഭവം തന്നെയായി മാറി. മനോഹരമായ ഒരുക്കിയ പല്ലക്കിൽ ദിവ്യകാരുണ്യ നാഥനെ അഭിവന്ദ്യ ജോസഫ് പാപ്പാനി പിതാവിന്റെ നേതൃത്വത്തിൽ വഹിച്ചുകൊണ്ടുള്ള പ്രദക്ഷിണം ആനന്ദകരമായ അനുഭവമായിരുന്നു. ചുറ്റും നിന്ന് വൈദികർ ദിവ്യകാരുണ്യ നാഥനെ ധുപിക്കുന്നതും അനുഗ്രഹം പ്രാപിക്കാൻ

ചുറ്റുമുള്ള നിരവധി ഫൊറോനകളിൽ നിന്നും ഇടവകളിൽ നിന്നും ആളുകൾ ഒഴുകിയെത്തിയ മനോഹരമായ സംഗമം. ഈ വർഷങ്ങളിൽ ആദ്യ കുർബാന സ്വീകരിച്ച 1500 ലധികം കുട്ടികളാണ് ദിവ്യകാരുണ്യ പ്രദക്ഷിണത്തിന് മുൻപിൽ അണിനിരന്നത്.

തോമാപുരം ഇടവകയിൽ വച്ച് നടന്ന തലശ്ശേരി അതിരൂപത ദിവ്യ കാരുണ്യ കോൺഗ്രസിൽ മഴ മാറി നിന്നപ്പോൾ
Read more..

  തലശ്ശേരി അതിരൂപതയിലെ തോമാപുരം  ഇടവകയിൽ വച്ച് നടന്ന ദിവ്യകാരുണ്യ കോൺഗ്രസ് അത്ഭുതങ്ങളുടെ സമയമായി മാറി.  ചുറ്റുമുള്ള സ്ഥലങ്ങളിൽ എല്ലാം മഴ ശക്തമായപ്പോൾ തോമാപുരം ഇടവക മഴ മാറിനിന്ന സ്ഥലമായി മാറി. അടുത്തുള്ള ചട്ടമല ഇടവക വരെ മഴ പെയ്തിറങ്ങിയെങ്കിലും, വൈകുന്നേരം മഴയൊഴിഞ്ഞ സ്ഥലമായി തോമാപുരം ഇടവകയിലെ ദിവ്യകാരുണ്യ കോൺഗ്രസ് നടക്കുന്ന സ്ഥലം മാറി. അവിടെയുള്ള ശുശ്രൂഷകർ ദിവ്യകാരുണ്യ കോൺഗ്രസ് നടക്കുന്ന സ്ഥലം മുഴുവൻ പ്രഭാതത്തിൽ ജപമാല ചൊല്ലി പ്രാർത്ഥിച്ചിരുന്നു. മഴ നനഞ്ഞ്  ജപമാല ചൊല്ലിയ സമയം  അവർ ഓർത്തെടുത്തു. എങ്കിലും,  വൈകുന്നേരമായപ്പോഴേക്കും അത്ഭുതകരമായി മഴ മാറി ദിവ്യകാരുണ്യ കോൺഗ്രസ് നടക്കാൻ അനുയോജ്യമായ കാലാവസ്ഥ അവിടെ ഒരുങ്ങി. ചുറ്റും മഴ പെയ്യുമ്പോഴും ദിവ്യകാരുണ്യപ്രദക്ഷിണ വേളയിൽ തോമാപുരം ഇടവകയിൽ മഴ ഒഴിഞ്ഞു നിന്നു.

സുൽത്താൻപേട്ട് രൂപത സ്ഥാപിതമായതിന്റെ പത്താം വാർഷികത്തോടനുബന്ധിച്ച് കൃതജ്ഞത ദിവ്യബലിയും ദിവ്യകാരുണ്യ കോൺഗ്രസും പാലക്കാട് സെൻറ് സെബാസ്റ്റ്യൻ കത്തീഡ്രൽ അ
Read more..

പാലക്കാട്: സുൽത്താൻപേട്ട് രൂപത സ്ഥാപിതമായതിന്റെ പത്താം വാർഷികത്തോടനുബന്ധിച്ച്, കൃതജ്ഞത ദിവ്യബലിയും, ദിവ്യകാരുണ്യ കോൺഗ്രസും പാലക്കാട് സെൻറ് സെബാസ്റ്റ്യൻ കത്തീഡ്രൽ അങ്കണത്തിൽ നടന്നു. കൃതജ്ഞത ദിവ്യബലിയെ തുടർന്ന്, പാലക്കാട് നഗരത്തിലൂടെ നടന്ന ദിവ്യകാരുണ്യ പ്രദക്ഷണത്തിനും രൂപതാ മെത്രാൻ ഡോ. അന്തോണിസാമി പീറ്റർ പിതാവ് കാർമികത്വം വഹിച്ചു. രൂപതയിലെ എല്ലാ വൈദികരും സന്യാസിനികളും അതോടൊപ്പം രൂപതയിലെ മുപ്പതോളം ഇടവകകളിൽ നിന്നായി 1500-ൽ പരം വിശ്വാസികളും പങ്കെടുത്തു.

വരാപ്പുഴ അതിരൂപതയുടെ കീഴിൽ മാടവന സെന്റ് സെബാസ്റ്റ്യന് ദേവാലയത്തിൽ ദിവ്യകാരുണ്യ അത്ഭുതം നടന്നതായി റിപ്പോർട്ട്.
Read more..

എറണാകുളം: വരാപ്പുഴ അതിരൂപതയുടെ കീഴിൽ, മാടവന സെന്റ് സെബാസ്റ്റ്യന് ദേവാലയത്തിൽ  ദിവ്യകാരുണ്യ അത്ഭുതം നടന്നതായി റിപ്പോർട്ട്. മാടവന പള്ളിയിൽ ഒരു പെൺകുട്ടി ദിവ്യകാരുണ്യം സ്വീകരിച്ചപ്പോൾ തിരുവോസ്തി മാംസരൂപമായെന്നാണ് പുറത്തുവരുന്ന വിവരം.  ഒൻപതാം  ക്ലാസ്സിൽ പഠിക്കുന്ന ആഗ്ന എന്ന പെൺകുട്ടി   ദിവ്യകാരുണ്യം സ്വീകരിച്ചപ്പോഴാണ് തിരുവോസ്തി മാംസരൂപമായി മാറിയത്.  തുടർച്ചയായി മൂന്നു ഞായറാഴ്ചകളിലും അത്ഭുതം സംഭവിച്ചുവെന്നതാണ് ശ്രദ്ധേയമായ വസ്തുത. പ്രകടമായ അത്ഭുതം നടന്ന ദിവ്യകാരുണ്യം, രൂപത കേന്ദ്രത്തിലേക്ക് മാറ്റി.  തുടർന്ന്, ദേവാലയത്തിൽ ദിവ്യകാരുണ്യ ആരാധന നടത്തി.  തിരുബലിയിൽ പങ്കെടുത്ത മുന്നൂറ്റമ്പതോളം ആളുകൾ ആരാധനയിൽ പങ്കുചേർന്നു. അതോടൊപ്പം,  മാതാവിന്റെ തിരുസ്വരൂപത്തിൽ നിന്നും കണ്ണീരും, കുട്ടിക്ക് പഞ്ചക്ഷതാരംഭത്തിന്റെ ലക്ഷണങ്ങളും ശരീരത്തിൽ  കാണാൻ  തുടങ്ങി. ഇതേക്കുറിച്ച് പഠിക്കാൻ ദൈവശാസ്ത്രജ്ഞന്മാരും, ഡോക്ടർമാരും, ശാസ്ത്രജ്ഞന്മാരും അടങ്ങുന്ന ഒരു കമ്മീഷനെ ആർച്ചു  ബിഷപ്പ് നിയോഗിക്കും. ദിവ്യകാരുണ്യം, ശാസ്ത്രീയ പരീക്ഷണങ്ങൾക്ക് വിധേയമാക്കും. വിശദമായ പഠനങ്ങൾ വത്തിക്കാൻ അംഗീകരിച്ചാൽ മാത്രമേ ഇത് ഔദ്യോഗികമായി ദിവ്യകാരുണ്യ അത്ഭുതമായി അംഗീകരിക്കുകയുള്ളു.